يا جماعة انا في ورطة بجد ومحتاج المشوره من خبراء الفيرنا

**zakiali** · 09-09-2009 03:50 PM

انا متشكر ليكم كلكم علي وقوفكم جمبي والحمد لله علي كل حال أنا هوديها عند مركز صيانة بره التوكيل وأقولكم النتائج انشاء الله ، مره تانيه جزاكم الله خيرا

**sab3aawy** · 09-09-2009 04:03 PM

إبدا من عند بتاع الزوايا، هيطلع لك العيوب كلها وبعدين يقول لك تروح فين

**El Prince** · 09-09-2009 04:03 PM

المهم ان انت بخير وربنا يوفقك وترجع فرنتك زى الاول واحسن
وطمنا باستمرار

**Lion_Heart** · 09-09-2009 05:24 PM

المشاركة الأصلية كتبت بواسطة zakiali

انا متشكر ليكم كلكم علي وقوفكم جمبي والحمد لله علي كل حال أنا هوديها عند مركز صيانة بره التوكيل وأقولكم النتائج انشاء الله ، مره تانيه جزاكم الله خيرا

ربنا معاك

**mohamed_mohsen** · 09-09-2009 09:51 PM

ربنا يكون في عونك و يقويك
و أوعي تزعل...فداك الف عربيه المهم أنت سليم
و ابقي طمنا عملت ايه

**zakiali** · 10-09-2009 05:06 AM

هروح يوم الجمعه انشاء الله الورشه الحديثه لتجديد السيارات اللي في صفط اللبن اللي عليها الإعلان بتاع المنتدي وهديكم تققييم شامل عنها وعن مستوي وجودة الخدمه هناك بعد الإصلاح بأذن الله

**egypt123456** · 12-09-2009 12:59 AM

الاخ العزيز الحمد لله انك بخير وفداك الف عربية يا باشا الحمد لله ز ي ما واضح من كلام الاعضاء المشكه في الربع الامامي اليمين يعين في العفشه امام يمين وانصحك علشان كان معي اكسنت 2005 وكان عندي الكلام قريب منك بس انا رحت التوكيل وكان المبلغ كبير حوالي 3000 او اكتر شويه علشان غيره كل حاجة بص نصيحه لله في صنايعيه كتير بره ممكن تعمل البحر طحينة ليك وبيجربوا في الناس التوكيل علي الاقل لو في اي حاجة غلط هتعرف تاخد حقك منهم وهتكون خبرتهم اكتر بكتير من اي حد بره ومسأله الصانيعي اللي بره لازم يكون مكان محترم وصانيعي عنده ضمير وربنا معاك

**zakiali** · 12-09-2009 02:42 AM

المشاركة الأصلية كتبت بواسطة egypt123456

الاخ العزيز الحمد لله انك بخير وفداك الف عربية يا باشا الحمد لله ز ي ما واضح من كلام الاعضاء المشكه في الربع الامامي اليمين يعين في العفشه امام يمين وانصحك علشان كان معي اكسنت 2005 وكان عندي الكلام قريب منك بس انا رحت التوكيل وكان المبلغ كبير حوالي 3000 او اكتر شويه علشان غيره كل حاجة بص نصيحه لله في صنايعيه كتير بره ممكن تعمل البحر طحينة ليك وبيجربوا في الناس التوكيل علي الاقل لو في اي حاجة غلط هتعرف تاخد حقك منهم وهتكون خبرتهم اكتر بكتير من اي حد بره ومسأله الصانيعي اللي بره لازم يكون مكان محترم وصانيعي عنده ضمير وربنا معاك

أشكرك علي النصيحة ، انا النهاردة وديتها عند الدولية لتجديد السيارات اتصلت بالمهندس محمد وسبتها في الورشه هناك الليلادي ، واتصل بيا استاذ محمود اخ البشمهندس محمد وقالي هي عاوزه بس مساعد يمين قدام وشمعدان . الحمد لله ، همه ناس ذوق جدا علي فكره ولما أخلص تصليح هديكم الفيدباك .

**zakiali** · 13-09-2009 05:22 AM

أحب أشكر البشمهندس محمد واخوه الاستاذ محمود في الورشه الدولية لتجديد السيارات علي الواجب اللي عملوه معايا في العربيه بعد الحادثه .. بصراحه ناس زوق جدا فوق الوصف ، والحمد لله العربيه رجعت تاني زيرو البركه في ربنا ثم فيهم ... بجد خرجوني من جالة الاكتئاب الحاد اللي انا كنت فيها بعد الحادثة ، بصراحه انا ناوي من هنا ورايح اودي العربية عندهم علطول صاينه دورية وافكني من التوكيل اللي كل زيارة اتقلبلي في 500 - 600 جنيه علي الفاضي .. بجد والمركز بتاعهم الاسعار فيه تنافسية وشغلهم ممتاز وسريع . غير كده انا اتشرفت اني كسبت صداقات جديده بعيد عن اي شغل .. مره تانيه اشكرك يا بشهمدنس احمد ويا استاذ محمود .. ويارب نفضل اصدقاء علطول .

اللهم لك الحمد .