اقتباس المشاركة الأصلية كتبت بواسطة faron525 مشاهدة المشاركة
وانا ماشي فجأة علي الدائري لقيت لمبة التشيك نورت وطبعا ماكنش ينفع اقف وكملت المشي واللمبة طفت وبعد شوية لقتها نورت تاني وبعدين طفت اتصلت بالميكانيكي قالي عادي افصل كبل البطارية وركبها تاني وانا فعلا عملت كده ورجعت بالعربية مشوار طويل واللمبة ما نورتش تاني عايز اعرف هل ده خطر وياتري ايه اللي حصل ارجوا الافادة ومتشكر مقدما لوحوش الدايو
ملحوظة العربية لانوس 2003
الميكانيكى دة عمل زى سمير غانم فى مسرحية المتزوجون و هو بينجد المخدة... قاللك المنجدين مبيعملوش حاجة غير انهم بيجيبوا القطن من هنا لهنا و راح زاقق القطن برجة و خلاص

هل لمبة التشك دى اتعملت زينة؟؟؟ دى معناها ان الكونترول شاف حاجة غلط فى الحساسات و سجل كود للعطل عشان لما تسكان العربية تعرف المشكلة فين... الباشا اللى قاللك فك الكابل مسح ذاكرة الكونترول و الاكواد طارت و عمرك ما حتعرف العطل كان فين الا لما اللمبة تنور تانى

وفر فلوسك و متسكانش العربية الا لما اللمبة تنور تانى لان دلوقتى مش حتلاقى حاجة... و نصيحة روح لميكانيكى تانى ميكونش منجد

MMamdouh