الموضوع: الداخلية تدافع عن حملات المجاهرين بالإفطار

المشاركة الأصلية كتبت بواسطة maka

انا قصدى على ضبط الدنيا يعنى يهتم بقضايا زى المخدارات , امن وسلامة المواطن , السرق .......
ياخد من الاهم فالمهم
وكمان الناس بتاعت الشرطة سابه هدفهم الاساسى اللى هو حماية المواطن وامن الشارع ورايحين يمسكوا المفطرين
عملين زى مدرس عربى راح يدى درس انجليزى
يعنى يبقى فيه ادارة للامر بالمعروف و لما يمسكوا حد يسالوه عن سبب الفطار ممكن يكون معه رخصة
مش من قفاه على البوكس
و تقبل احترامى

طب هاقول لحضرتك حاجة
انا مازلت متفق مع اللي قال ان الموضوع ده حق أريد به باطل
و مازلت مقتنع ان وراه (إن) مش عارف هي ايه
لكن مازلت مقتنع ان حاجة زي دي , كقانون مفترض يتطبق صح , و في حالاته الصحيحة , حاجة كويسة مش حاجة وحشة
حتى لو مافيش حد للمجاهرة بالإفطار , مش كل حاجة مفروض لها عقوبة ليها حد
هاتقول لي ده مرتبط بفريضة دينية , هاقول لك برده , مش كل حاجة لازم يبقى لها حد عشان يتحط لها عقوبة

قبل ما نكمل , بص كده على الخبر ده
http://www.nilemotors.net/Nile/95393-a.html

و احب اعرف يعجبك الكلام ده ولا لأ

المشاركة الأصلية كتبت بواسطة maka

انا مقرتش الموضوع بس واضح من العنوان انه افساد فى الارض

لكن هنا الوضع فى مصر كان مختلف . انا قريت فى الجرنال ان مابين اللى اتقبض عليهم واحد رايح يشترى علبة عصير

لابنه وهو صائم ومع ذلك قبضوا عليه !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

يعنى افرض واحد مسافر من القاهرة لاسوان وعنده السكر وجاله هبوط ميجريش الراجل على اقرب محل يشترى باكو

بسكويت ويشرب عصير ولا يموت احسن

وموقف مختلف حدث قدامى من سنتين كنت ركاب ميكروباص الجيزة من الوارق والسواق بيشرب شاى وسجاير

والناس تقوله حرام يقولهم انا على سفر و عند منطقة الجزارين وقفه امين وركب معه وعادى جدا ولا كانه شايف حاجة

غريبة ولا كان الدنيا صيام

وكمان انا من وجهة نظرى المتواضعة ( بعيدا عن الافتاء وليس راى لاحد العلماء ) ان الدين الاسلامى لم يضع حد

للمفطر حتى لا يستخدم ه ضعاف النفوس ضد من لديهم رخص والله اعلم

حضرتك قلت كلمة حلوة اوي , ان ده افساد في الآرض

بخصوص الحالات اللي حضرتك قلتها
كلها بتندرج تحت بند تطبيق خاطيء للقانون - سواء مقصود او غير مقصود - و ده بنشوفه في قوانين كتير , اقربها يافطة ممنوع الانتظار اللي بتتقلب لحد ما الفريسة تركن , و بعدين اليافطة تتعدل و العربية تتكلبش

و ماحدش قال تتلغي يفط ممنوع الانتظار , و لكن يتحاسب المخطيء , و ده المنطقي و الصحيح

اما بخصوص مسألة ان مافيش حد
فمافيش حد فعلا
لكن مش كل حاجة ليها عقوبة يبقى لازم يكون ليها حد
حتى في عبادة
ممكن تبقى العقوبة دي للحفاظ على المجتمع نفسه من الانفلات

زمان كان فيه عندنا العيب , و دي كانت اقوى حتى من القانون
كان المفطر بيتكسف يفطر قدام الناس
من مجرد غنوة يا فاطر رمضان يا خاسر دينك :)
و كانت صور انحلال كتير اوي , محجمها مجرد نظرة الناس
لكن للأسف
الاعلام الرائع النهارده دمر مفهوم نظرة الناس , و طلع حجة التخلف , اللي كرست مفهوم البجاحة
و شفنا الانحلال بناء على كده صور و الوان

و دلوقت مش فاضل يحمينا من الانحلال الكامل غير القانون , اللي برده
فيه شغل بيتعمل عليه عشان ما يمنعش ده