الموضوع: مشكله فى الاكسنت

متابع بإهتمام
والله انا إستفدت جدا جدا جدا من الموضوع ده
ونفسى افيد بس الخبراء لما بتكلمو
أنا أقعد أتفرج

بس فى واحد قالى طروبمه المياه بيقولى مش بتقلب مع السرعه العاليه هل ده صح ؟

أولا بأشكرك على زوقك
وبالنسبه لأحتمال عيب طلمبة الميه
فده وارد برضه
على أساس من الممكن أن يتحرك قلب الطلمبه حركه محوريه للأمام والخلف مع السرعه ( وده مش صح طبعا )
وبيقلل معدل سريان الماء فى دورة التبريد
وتغيير الطلمبه ده
عاوزك تخليه آخر حاجه ...لأنه غلبه شويه

وواحد تانى قالى الشكمان مسدود او هتلاقيه مش سالك وده برضو الى بيسخنها

نعم ....ويمكن تلاحظ أننا تناولنا النقطه دى من قبل

استاذ سمير انا جبت عربيه زى بتاعتى بالظبط وشوفت الشكمان وتقليب المياه لقيتهم زى بعض بالعكس بتاعتى احسن كمان سواء فى الهوا الى خارج من الشكمان او المياه

انا زهقت من المشكله ديه وكل واحد عايزنى افتح فتحه على نفسى الى يقولى اعمل كذا واعمل كذا لحد لما فقدت الامل خلاص

استاذ سمير انا جبت عربيه زى بتاعتى بالظبط وشوفت الشكمان وتقليب المياه لقيتهم زى بعض بالعكس بتاعتى احسن كمان سواء فى الهوا الى خارج من الشكمان او المياه

طيب حنعتبر دول مفيش منهم مشاكل ....ولو أن عيب الطلمبه مازال قائم على السرعات العاليه
بس خليها على جنب دلوقتى

انا زهقت من المشكله ديه

طول بالك ياهشام باشا
وكل حاجه وليها حل أن شاء الله

وكل واحد عايزنى افتح فتحه على نفسى الى يقولى اعمل كذا واعمل كذا

طيب أشرحلى ....كل واحد قالك أيه ....علشان نشوف الكلام منطقى ولا أيه
يمكن فيه حاجه عدتنا وأحنا بنفكر

لحد لما فقدت الامل خلاص

أذا فقد الأمل فى أى شىء
ذهبت حلاوة هذا الشىء
فنمى الأمل ....بالرجاء فى عون الله سبحانه وتعالى

استاذ سمير المشكله اتحلت الحمد لله

اخيرا


اقولكو ايه الى حصل

انا روحت قولت اعمل الشكمان زى ما اتقال ان العلبه مسدوده
المهم بتاع الشكمان قالى المصافى مسدوده وكده وفكينا العلبه وعملاناها

وقالى خلاص كده هتبقى تمام وعيش بقى بالعربيه

المهم طلعت جربت نفس المشكله

بعدين قولت اروح بقى لبتاع الريادتير وقولتله العربيه بيبحصل فيها كذا وكذا

قالى ده مسدود قولتله انا لسه مسلكه فى البنزيه وحاطط مايه خضرا قالى ولا ليها لزمه موضوع البنزينه ده ده بيبوظه

المهم فكه

ويا عينى على شكله صدا وفتحات مقفوله

هو ده الى انا سلكته فى البنزينه مش ممكن

الراجل نزل منه بلاوى الصراحه

وسلكه وظبطه وقالى بس كده وركبناه وقالى انسى بقى وعلى ضمانتى

كان فى تلت فتحات بس الى شغالين منه كله

والحمد لله العربيه بقت احسن ومفيش حراره ولا الكلام ده

وشكرا ليك استاذ سمير ولكل الناس الى حاولت تساعدنى

سلك الردياتير وأغسل دورة التبريد كويس وجرب

أول حاجه .....قلنا عليها ياهشام باشا
عموما الحمد لله وألف مبروك طبعا

الحمد لله إن إتصلحت