الموضوع: مشكله فى الاكسنت

ان شاء الله انا هروح بكره لميكانيكى واحد بيشكر فيه جدا وقالى انه هيعرف العيب من ايه ويارب يحل المشكله ديه لانى بجد مخنوق منها وربنا يسهل ونشوف ايه الحل

طيب حقولك على حاجه حتعملها يا أستاذ : هشام
وجربها قبا مانروح جهة الطلمبه أو التاكيهات مثلا

خللى الميكانيكى يشيلك الثرموثتات بتاع المكنه
وأطلع أعمل مشوار وجرب الحراره مع السرعه
لو الوضع أتعدل ....يبقى غير الثرموثتات

استاذ سمير انا فعلا واحد قالى شيل الثرموثتات الى فى الكوعه

وشلتها فعلا وقولت خلاص بقى المشكله اتحلت لان الميكانيكى قال احنا اصلا بنشيلها فى كل العربيات ديه لانه معموله عشان تسخن العربيه فى الجو البارد

وجربتها ولسه الموضوع زى ما هو اول لما تجيبى 100 وتفضل ماشى عليها شويه فيما فوق او تجيب الخامس تلاقى الحراره ارتفعت ولما تنزل السرعه تنزل عادى

ياريت حل يا استاذ سمير ويا كل اعضاء المنتدى لانى بجد خلاص اتخنقت من الحوار ده

وعلى فكره اخر العربيه 150 وطبعا جت ونزلت بسبب السخونيه ومش معقوله الاكسنت ده اخرها ولا ايه

انا شلتها فعلا الى فى الكوعه ولسه الموضوع زى ما هو اول لما تبتدى تجيب ال 100 وتفضل ماشى شويه او تعديها وتجيب الخامس تلاقى برضو العربيه بتسخن ياريت حل يا جماعه

1- رجع الثرموثتات تانى وسيبك من كلام الميكانيكى
2- أطمن برضه أن الشكمان سالك تمام
3- أطمن أن بلى العجل خفيف ومبيعملش حمل على المكنه مع السرعات
وذلك بعمل ترصيص (علشان تكشف على البلى مع السرعه )
ياريت بأه تقوللى
لما بتكون ماشى بسرعه والحراره بتعلى
بتلاقى الميه فى القربه قلت شويه وبتزود ميه مثلا

شكرا يا استاذ سمير معلش انا تاعبك معايا

اولا بالنسبه الثرموثتات انا شلتها خالص الى عند الكوعه

بالنسبه للشكمان انت عارف كل الصنايعيه لو روحتلو هيعمل فيلم والشكمان فيه بلاوى وكده بس سوال بالنسبه للشكمان مش لو مزدود يبقى هيسخنها فى السرعات العاديه برضو

وياريت لو تقولى اعرف ازاى هو سالك تمام من غير ما اروح لبتاع الشكمان



ياباشا ناحيه انى اطمن ان بلى العجل سليم ده هو مش الترصيص برضو بيتعمل للعجله وهى مفكوكه ازاى هعرف البلى مع السرعه ولو البلى فى حاجه برضو ده يسخنها وهى ماشيه فى وسط البلد ويسخن العجله اكتر من الماتور ؟

هو بالنسبه للمياه بتاعه القربه انا لقيتها فى مره ذادت بس ده لما كانت الثرومثتات محطوطه وراكبه لما شيلتها فعلا لقيت المياه قلت وانا زوددتها بس المياه بتاعه القربه بس لكن الريادتير سليم والمياه مظبوطه

واسف مره تانيه على الاسئله بتاعتى الكتير ياباشا

اولا بالنسبه الثرموثتات انا شلتها خالص الى عند الكوعه

طالما الثرموثتات مكنش السبب ....يبقى تركبه تانى (أفضل للمكنه وحفاظا عليها )

وياريت لو تقولى اعرف ازاى هو سالك تمام من غير ما اروح لبتاع الشكمان

حقولك على حاجه
شوف عربيه أكسنت زى عربيتك وهما الأثنين دايرين على السلانسيه
وبص على معدل خروج العادم من العربيتين وقارنهم ببعض
لو لقيت معدل خروج العادم عندك أاقل
يبقى الشكمان عندك مسدود شويه وده يسخن المكنه مع السرعه

ياباشا ناحيه انى اطمن ان بلى العجل سليم ده هو مش الترصيص برضو بيتعمل للعجله وهى مفكوكه ازاى هعرف البلى مع السرعه ولو البلى فى حاجه برضو ده يسخنها وهى ماشيه فى وسط البلد ويسخن العجله اكتر من الماتور ؟

لو عملت ترصيص للعجل على جهاز الأتزان ( أسمه الموتوسيكل بلغة السوق) حيبان معاك وضع البلى مع السرعه
أحتمال يكون تقيل وبيعمل حمل على المكنه فى جر العربيه مع السرعه

هو بالنسبه للمياه بتاعه القربه انا لقيتها فى مره ذادت بس ده لما كانت الثرومثتات محطوطه وراكبه لما شيلتها فعلا لقيت المياه قلت وانا زوددتها بس المياه بتاعه القربه بس لكن الريادتير سليم والمياه مظبوطه

على فكره أنا بأسألك على موضوع تزويد الميه لأن ممكن يكون فيه نسبة تفويت من جوان رأس السلندر مع السرعه
غازات الحريق بتهرب للميه مثلا مع زيادة عزم المكنه وبكده الميه تسخن برضه
ولو ممكن تعيد الرباط على مسامير رأس السلندر ( عند ميكانيكى كويس )
يبقى خير وبركه
على أساس تبقى محاصر جميع الجوانب

ياباشا انا متشكر على الرد بتاعك ده اوى بالنسبه للثروثتات فعلا مش هى السبب وانا شايلها عشان اركبها تانى لانى سمعت انه فى الشتا العربيه هتقرفنى عقبال ما تسخن

انا فعلا هجرب موضوع الاكسنت ده واشوفه نفس العادم ولا لا واقولك

بالنسبه للترصيص بقى انا لما بروح اظبط زوايا او ارصص بيفك العجله ويرصصها على الجهاز ما اعتقدش ده الى بتكلم عليه صح

بالنسبه بقى لجوان وش السلندر

انا الى كنت شاريها منه قالها الوش البلاستيك بتاع الماكنه الميكانيكى لما ارط عليه كسره على كلامه من ناحيه المسمار بتاعه فوق فى تحس ان من ناحيه البوجيهات كده الماكنه جايبه زيت بس خفيف علما بان حاله الماكنه برضو على كلام الميكانيكى كويسه ولما روحت عشان اغسل الدوره بتاعه التبريد لقيت المسامير ديه مفكوكه شويه ومش مربوطه عدل بس برضو لما الراجل رابطها كويس نفس مشكله السخونيه ياترى الزيت الى بيبقى ناحيه البيوجيهات الى فوق ده وهو خفيف اصلا مش كتير ليه تاثير بسبب السخونيه ؟ ولا لا