الموضوع: حسما للجدل فى موضوع الاسبرانزا

المشاركة الأصلية كتبت بواسطة HOGOBOSS

ياااااااااااااااااااااااا ااااه كل ده كلام

اخيرااااااااااا خلصت الموضوع فى حوالى ساعتين قرائه مستمره وبتمعن

انا حبيت اشاركم راى وحالتى

انا بمنتهى الصراحه مبفهمش فى العربيا(لسه بتعلم السواقه) لكن بفهم الكلام والحمد لله

اولا انا ان شاء الله ناوى اجيب عربيه بالقسط وفكرت فى كلالانواع المتاحه فى الفئه السعريه من 60 الى 80 الف لو بصينا على المتاح فى الرينج ده هنلاقى الانوس والافيو والفيرنا والبرليانس والسبرانزا ويمكن فى انواع تانيه كتير بس دى الانواع اللى اعرفها فى الفئه دى

انا فى الاول قلقت من الصينى رغم ان البرليانس عجبنى قوى شكلها الرياضى ولكن برده انا قلقت من الصينى علشان انا الىحد ما فاهم سياسه الصين فى التصنيع وهيا صناعه منتج رخيص بامكانيات عاليه علشان يتباع وطبعا طول مالمنتج رخيص اكيد مكوناته وتصميه وجودته هتكون على قد تمنه وبما انى مبفهمش فى العربيات خدت التليفون الصينى كمقياس

المهم انا كنت ناوى اجيب العربيه الانوس على قدى يعنى وفكرت من ناحيه انها مستمره فى السوق من فتره ومعروف عيوبها وليها قطع غيار فى كل مكان وسعرها بعد الاستعمال حلو ... ولكن.. امبارح انا كنت فى المصريه للسيارات ولفت انتباهى كله العربيه سبرانزا m11 بصراحه انا اتجننت لما شوفتها معقول اسيب العربيه دى علشان اجيب تاكس ههههههههههههههههههه مع احترامى طبعا للعربيه ومالكيها

يعنى العربيه سبارنزا دى فول اوبشن زى مبيقولوا فيها كل حاجه وشكلها تحفه انا اول مشوفتها افتكرتها بى ام وعديتها لانى كنت لسه شايف بى ام قبليها تمنها مليون ونص بس لما شوفت عليها علامه اسبيرانزا مصدقتش لما روحت قعدت ادور على النت واقرا مواضيع لحد موصلت لهنا الموضوع ده وقريته كله وشوفت اختبارات التصدام والامان

وكنت بقول الفيصل فى موضوع الامان هو ان حد ربنا يحفظنا ويحمينا جميعا يكون عمل حادثه بالعربيه الصينى ويحكيلنا عن تجربته ربنا ما يكتبها على حد مننا

وفوجئت ان فعلا اخ كريم ربنا يحفظه حطلنا صور من عربيته بعد مربنا نجاه وبقوله الف سلامه

فعلا كده الامر بقى واضح ومحسوم بالنسبالى من مبدا ليه ادفع اكتر لما ممكن ادفع ااقل واغلب الناس اللى عندها عربيات صينى كلهم بيشكروا فيها

واتضحلى شىء حلو قوى بالنسبه للصناعه الصينيه بعيد عن العربيات زى الاخ الكريم اللى استشهد على رداءه الصناعه الصينيه بالبدله اللى جابها واتقطعت منه واحرجته

ان فى حجات كتير قوى صينى فى حياتنا ولكنها ذات جوده عاليه زى اجزاء الكمبيوتر والاجهزه وحجات تانيه كتير مكتوب عليها made in chaina ولكنا جيده جداا واثبتت كفاءه وجوده على مر السنين اللى فاتت

الناس بقى اللى بتهاجم العربيات الصينى لمجرد انها صينى هما مش بيهاجموا علشان الامان ولا الجوده ولا الكلام ده كله لانى ملقتش حد فيهم حط دليل مادى على ان العربيات الصينى غير امنه كله كلام فقطلا غير

بس دول بيهاجموا من مبدا اللى نعرفه احسن من اللى منعرفوش حتى لو كان اللى منعرفوش ده احسن لينا من اللى نعرفه

شكرا ليكم انا بصراحه استفدت من المنتدى هنا بمعلومات قيمه جدا عن العربيات وان شاء الله نستفيد دايما بخبراتكم ومناقشاتكم البناءه

احييك على تفكيرك بجد لانك فكرت تانى ومخليتش اراء الناس تبعدك عن التحليل الواقعى ياريت كل الناس تفهم كدا وربنا يوفقك ان شاء الله ومعلش تعبناك فى قراءه الموضوع هههههههه

المشاركة الأصلية كتبت بواسطة mantoros

you know what.....................i'm fed up of all this chit..........blocked minds shall never open and no reason or good mentation shall open these closed eyes and minds..................who says chinese cars are all crap,good for him,stick to your mind,no one told you to drive a chinese car,no one asked for money from you to buy a chinese car,just stick to your chevrolet or daewoo,or verna,or any other crap you drive as if your are driving a bmw and can judge other cars without even trying them!!!!!!!!!!!!!!! YOU ARE HOPLESS USELESS CASES OF EMPTY DISCUSSIONS THAT ONLY CAUSE HEADACHE THAT I'M SURELY NOT IN NEED OF


والسلام عليكم

يا راجل يعنى بعد كل الانجليزى ده طلع عندك عربى فى الاخر
بس عموما كلامك جميل جدا ومشجع
وبصراحة مجهود رائع من صاحب التوبيك يدل على وعى شديد

[لاشكر على واجب ياميدو
انا حبيت بس اوسع نظرة الناس مش اكتر
مش عشان مقبض باب فى عربية صينى اتكسر مثلا تبقى كارثة
ولما تكييف اوبل يعطب فجاه او فرامل مرسيدس تصفر او موتور جيتا صوته يعلا يبقى كل ده عادى
ومن الواضح ان الى فى دماغ الناس هو هو .... ياخسارة الوقت الى جمعت فيه المواضيع دى

لا والله يا اخ مزاجنجى مجهودك رائع واكيد كلنا بنشكرك عليه
بس ماتنساش تسلمى على حبيبح فننس هاهاهاها

لا والله يا استاذ مافيا حساس الـ TPS لسة مش Fixed
فى عربيتين افيو فى العائلة ركبو الـ TPS الجديد و لسة المشكلة موجوده
روح بص على صاج الافيو و روح بس على صاج اسبيرانزا M11 و تعالى قولى لاحظت ايه ؟ كفاية احساس انعدام الامان داخل الافيو
و بالمناسبة الحج لالو حابيبنا من زمان


هاهاها
والله رد حلو
انا مش عارفة هو الاخ ده واخد الموضوع على صدره ليه كدة
اكيد اللى بيشترى عربية بيفكر كويس قوى فى مصلحته وماعتقدش يعنى ان الاسبرانزا هاتبقى اسوا من الفيرنا اللى انا راكباها فى معدلات الامان
كل واحد حر يشترى اللى هو عايزه
وبعدين انا اعرف ان الكلام يبقى موضوعى لو عن تجربة
يعنى واحد ركب عربية لفترة معقولة ويااما بتعجبه او لا وفى كلتا الحالتين المفروض يقول بنى رايه على ايه
ده لو كان الهدف من الحوار افادة الجميع مش مسالة سفسطة وكلام مرسل وخلاص
وللمرة التالتة انا باشكر صاحب الموضوع جدا على اهتمامه ولو انه صعبان علية من هول التعليقات اللى اتقالت واللى غايظنى اوى ان نصها بالانجليزى مش عارفة ليه مع انى مدرسة انجليزى اصلا