الموضوع: نيتروجين للسيريون

المشاركة الأصلية كتبت بواسطة bmya

السلام عليكم

يا جماعه حد جرب يحوط نيتروجين في السيريون انا ملاحظ ان مفيش حد اتكلم عن الموضوع ده خالص
علي العموم انا روحت انهارده حطيت نيتروجين وفعلا حسيت بفرق كبيير في النقر والمطبات بقيت اطري وانعم
بس فيه حاجه الراجل ملالي الكاوتش علي 28 مش عارف ليه
لما قلتله الكتالوج 31 قالي عارف بس ده لطرق بره ياباشا ناعمه مش هتحس بحاجه لكن 31 هنا هتحس انك ماشي علي قالب طوب
قلتله انا اصلا كونت بحوط30 هواؤ عادي قالي هتدبدب منك وهتبقي ناشفه وقالي جرب

انا عايز اعرف بقه اروحله اخليه يزودها 30 تاني ولا اسيبها كده هي كده ناعمه وكيسه بس تقريبا حاسس الدركسيون اتقل شويه مش عارف بجد ولا ده احساس عشان انا عارف ان العجل ناقص عن العادي
ارجو الافاده

يا باشا الاحساس اللى حسيته من تحسن العفشة و النعومية ده بسبب انه قلل ضغط الكاوتش لو بتقارن بين الهواء و النيتروجين كنت لازم تملى الكاوتش عند نفس الضغط علشان تقارن.

انا اتعرضت لنفس الكلام كنت معرض الكاوتش و العربية هيونداى i10 و اول ما غيرت الكاوتش كانت حلااااااااااااااوه و بعد شويه لقيت شوية لعب من ظهر العربية فى الغرز مع الفرامل و لقيت الضغط كان بين 30 و 28 و عجله ورا كانت قليله اكتر و كان استهلاك البنزين زى الزفت و لمبة البنزين كانت بتنور عند 390 كم و بحس بتعويم فى الملفات...

اضطريت انى ازود العجل تانى و حسيت ان العفشة ناشفه شويتين بس لمبة البنزين نورت عند 512 كم يعنى الاستهلاك رجع زى الاول و باخد غرز و ملفات و بفرمل براحتى..

يعنى الافضل تخلى الضغط على الاقل 30 بلاش 28 لانها كمان بتعرض الكاوتش للتآكل