الموضوع: الحمد لله ركبت كروز كنترول و اليكم التفاصيل

وممكن صور للجهاز قبل وبعد التركيب

هى عربيت حضرتك لانوس

الله يبارك فيكم جميعا و كل عام و انتم بخير، الرد على اسئلتكم الكريمة كالأتى:

- مقر الشركة الرئيسى فى 46 ش عثمان بن عفان - ميدان الاسماعيلية - مصر الجديدة، بس مش محتاج تروح، انت بتكلمهم على رقم 0107711333 أو 26333905 و تحجز و تروح تركب فى الورشة اللى فى بنزينة وطنية فى اول طريق القطامية - العين السخنة.

- انا ركبته فى اللانوس المانيوال و هو يركب على العربيات المانيوال و الأوتوماتيك، ويركب على أغلب العربيات.

- السعر 1500 شامل التركيب و ضمان سنتين و بصراحة حسيت انه ضمان بجد علشان كان مفصل فيه رقم كل قطعة من الجهاز غير بيانات عربيتى المفصلة جدا.

للأسف الشديد انا صورت صور كتير، بس اللابتوب الشخصى سايبه فى سومة باى و معايا بتاع الشغل اللى بيرفض يفتح اى مواقع تحميل صور، فان شاء الله ابقى ارفعهم الاسبوع اللى جاى يس هو اسمه AP500 و دى صورة لقيتها فى موقع على النت http://www.conrad-anderson.co.uk/cru...icactuator.htm

و ادى كمان موقع بيتكلم عنه

http://shop.importdriver.com.au/stor...m309.inetstore

و دى نتيجة بحث على جوجل باسم المنتج

ap500 cruise control - Google Search

و دى نتيجة بحث على جوجل باسم المنتج

ap500 cruise control - Google Search

اول امبارح كانت اكبر تجربة للجهاز، سافرت من القاهرة لسومة باى (قبل سفاجا ب 15 كم)، المسافة حوالى 500 كم، كنت مشغل الجهاز طول الطريق ماعدا الطريق من العين السخنة - الزعفرانة، يعنى حوالى 60 كم، المهم نيجى للملاحظات المهمة:- الحمد لله الجهاز مافصلش ولا مرة طول ال 440 كم.- بجد مريح جدا جدا جدا و فرق معايا كتير.- على سرعة بين 110 - 120 على الغيار الخامس، السرعة كانت ثابتة فى اى مطلع او منزل، مكنش بيحتاج وقت علشان يظبط نفسه، اما على سرعة 90 بالغيار الخامس، كان بيحتاج ثوانى علشان يظبط فى المطالع و المنازل، يعنى كانت السرعة بتفرق 5 - 6 كم و يرجع يظبط فى خلال 10 - 15 ثانية و كنت بحس العربية، بس لما كنت باجيب الرابع على سرعة 90، مكنتش الحكاية دى بتحصل.- استهلاك البنزين اتحسن بصورة ملحوظة، يعنى كنت باعمل فى السفر حوالى 240 كم فى الصفيحة، المرة دى عملت 275 كم تقريبا.نيجى بقى للصور، للأسف مش عارف ارفعهم على موقع العملاق و ياريت لو حد ينصحنى اعمل ايه.