الحمد لله ركبت كروز كنترول و اليكم التفاصيل

**Hossam_Hassan** · 30-09-2009 11:35 PM

المشاركة الأصلية كتبت بواسطة migo123

الف مبروك يا باشا
تجربه هايله .... بس برضه مغامره وقلبك جامد انت قدرت تاخد قرار وتجرب
بالمناسبه اخبار سوما باي ايه دلوقتي .... الاسعار سفح قوي يعني ؟؟!!!!

كل سنة و انت طيب، الشتاء ابتدا و الأسعار فى سومة اغلى من الغردقة و اغلى من شرم كمان، لو احتجت معلومات انا تحت امرك

**tananybasha** · 01-10-2009 01:55 AM

الف مبروووك و بيركب على اى عربية

**islamnabil** · 01-10-2009 06:11 PM

هو في حاجة انا لما فكرت فيها استغربتلها
وهي ان الاشعة تحت الحمراء لازم تبقى في اتصال مباشر بين الطرفين
وزي مافهمت من حضرتك ان الجهاز بيكون جوه الحوض و الريموت بيتركب على الطارة
فازاي تكون طرية الاتصال infra red
ممكن يكون الاتصال بين الريموت و الجهاز Bluetooth مثلا ؟

**Hossam_Hassan** · 02-10-2009 12:28 AM

المشاركة الأصلية كتبت بواسطة islamnabil

هو في حاجة انا لما فكرت فيها استغربتلها
وهي ان الاشعة تحت الحمراء لازم تبقى في اتصال مباشر بين الطرفين
وزي مافهمت من حضرتك ان الجهاز بيكون جوه الحوض و الريموت بيتركب على الطارة
فازاي تكون طرية الاتصال infra red
ممكن يكون الاتصال بين الريموت و الجهاز bluetooth مثلا ؟

أسف لعدم توضيح النقطة دى، الجزء الميكانيكى هى اللى فى الحوض، لكن وحدة التحكم الألكترونى بتبقى جوه، هما ركبوها جنب جهاز الانذار تحت شمال الدواسات، و فى وحدة تلقى اشارة الاشعة تحت الحمراة زى بنبوناية شيك كده ركبتها ورا دراع المالتى فنكشن، بتاخد الاشارة وتوصلها لوحدة التحكم الألكترونى

المشاركة الأصلية كتبت بواسطة wael_adel31

ألف شكر ياباشا على الصور . بس أنا بردو مشفتش شكله فى التابلوه عامل ازاى .ممكن تصورلنا صورة من جوه العربية

فاتتنى دى مش عارف ازاى، ان شاء الله بكره اصور كل المكونات وهى راكبة جوه العربية و ارفعها.

**magyver** · 02-10-2009 03:48 AM

الف مبروووك ياباشا
عاايزين بقي صور من الداخل

**Hossam_Hassan** · 04-10-2009 12:08 AM

صور الريموت + زرار التشغيل + وحدة تلقى أوامر الريموت بالاشعة تحت الحمراء اضفتها على الألبوم و أسف على التأخير

Pictures by hossamhassan1411 - Photobucket