رقم العضوية : 31817
تاريخ التسجيل : 01Feb2009
المشاركات : 4,715
النوع : ذكر
الاقامة : Cairo
السيارة: Bmw E21 1.8L 1977
السيارة[2]: Renault Logan 1.6L F/O 2010
دراجة بخارية: No
الحالة :
[QUOTE=mr_shims_49;3872010463]
انا بتفق معاك 200% فى الكلام اللى حضرتك قلتة ده بس عشان كده انا كنت بسأل فى كذا مشاركة على اسعارهم حضرتك لو بتتكلم فى 200 او 300 جنية والحاجة هتكون المانى يبقى انا غلطان وحقك عليا فى موضوع قطع الغيار ده بس ياريت تقلنا الأسعار كاااااام عشان هوة ده المهم ومتطلعش الأسعار بالأضعافكلام حضرتك هو اللي قال لحضرتي كده
انا قلت اسعار الحاجات اللي اعرفها و طلعت ارخص اهيه و حتي لو كلام حضرتك صح ان في قطع اغلي زي المساعدين او كده انا احسنلي اشتري حاجة اغلي 200 او 300 جنيه و تعيش معايا 10 سنين افضل من اني اشتري نفس الحاجة مرتين في نفس الفترة دي و بكده هتلاقي برده علي المدي الطويل ان الالماني ارخص
مختلفناش فى كده وفى كده وفى برده بيغيروا الألمانى عشان فتح بقة زى محضرتك قلتو في ناس اكتر بتغير العربية لما تبدأ تفتح بؤها زي ما بيقولوا و اعتقد دول اكتر من اللي بيغيروا لمجرد التحديث
ياريت بجد لأن بجد ديه هتبقى حاجة بجد تفرح صدقنى انا اول واحد هكون فرحان من الموضوع ده بس متنساش ان لو قوة المروحة مش ادد كده مع تكيف تلاجة مثلا يبقى ملوش لزمة لأنى مش هحس بيه :) يبقى مستفدتش حاجة صح ولا انا غلطان ؟؟؟انا مجرب مش شايف بس انا مجرب و متاكد من اللي بقوله الحمد لله و تنورني لو تحب تيجي تجربه بنفسك
خلوها تصدى وموديلها يعدى
[mtohg=null]http://i647.photobucket.com/albums/uu192/bishoy02010/651654076.jpg[/mtohg]
رقم العضوية : 31817
تاريخ التسجيل : 01Feb2009
المشاركات : 4,715
النوع : ذكر
الاقامة : Cairo
السيارة: Bmw E21 1.8L 1977
السيارة[2]: Renault Logan 1.6L F/O 2010
دراجة بخارية: No
الحالة :
رقم العضوية : 31817
تاريخ التسجيل : 01Feb2009
المشاركات : 4,715
النوع : ذكر
الاقامة : Cairo
السيارة: Bmw E21 1.8L 1977
السيارة[2]: Renault Logan 1.6L F/O 2010
دراجة بخارية: No
الحالة :
رقم العضوية : 2448
تاريخ التسجيل : 04Oct2007
المشاركات : 314
النوع : ذكر
الاقامة : Cairo
السيارة: Skoda Felicia
السيارة[2]: Seat Cordoba
دراجة بخارية: non
الحالة :
أيوه الخمسة سم دول هايفرقوا لو العدد ورا 3 بالغين و محدش قال إن الكوردوبا من ورا أوسع من السيراتو لكن بالنسبة لأسرة صغيرة فهي كافية جدا و القصة إن فارق ال 5 سم في الكنبة هناك مقابل له في الكوردوبا في إتساع الشنطة بزيادة قدرها 80 لتر يعني في السفر تشيل أكتر.
كويس إننا إتفقنا على حكاية العمر الافتراضي و إن لو السعر الضعف -فرضا جدلا- و العمر الافتراضي الضعف يبقى قطعة الغيار الأغلى أفضل لأنها هاتوفر مشوار و مصنعية مرة على الأقل .. أما بقى حكاية 5 أضعاف دي فكتير جدا و أكيد حضرتك بتقارن الأسعار في فئات غير متجانسة .. يعني بي أم فئة الخامسة أو السابعة مع السيراتو أو الالنترا !! و طبعا المقارنة لا تجوز أو بي أم قديمة مع موديلات سنتها لكن مش من نفس فئاتها أو على الأقل بتقارن الأصلي في البي أم بالغير أصلي في حاجة تاني.
فعلا الكماليات "بتفرق بسيط" في سعر إعادة البيع بعد كام سنة لكن لما تكون العربية كسر الزيرو مش هايبقى نفس الفارق البسيط لأن العربية لسه بحالتها و إنت بتقارن بأساس سعرها (بالكماليات) الحاضر في أذهان الناس.
يا سيدي الفاضل الكلام هنا عن فرق الاوبشنز بين العربيتين اللي بنفس السعر عشان دي كانت نقطة ترجيح للسيراتو. و بذكر مرة تانية أهم حاجة في المقارنة إننا نقارن الاساسيات أولا و بعدين الكماليات و في الكماليات المتوافر السيراتو كانت أكتر لكن الفارق قد يراه البعض مش كبير.
إحنا ليه دايما مصرين إن العربية اللي تجري أسرع هي الأحسن ؟؟ هو إنت جايب العربية عشان الراليات ؟؟ إنت تعرف إن في سباقات الفورميولا ما بيسمحوش بتغيير الموتور أكتر من 8 مرات في السيزون الواحد !! عارف ده معناه إيه ؟؟ إن بسبب السرعات العالية بيغيروا المواتير 8 مرات في السنة !! بعدين لو الابيزا كسبت يبقى هي الأفضل ؟؟ المهم في تسارع العربية و قوة الموتور إني أجد الاداء اللي يرضيني في المواقف اللي محتاجة ده على الطريق مش شد و تسابقني و الكلام ده لأن لا شوارعنا مصممة لكده و لا العربيات دي مصممة لكده و لو عاوز جري و الكلام ده يبقى ندور على النسخة الرياضية لكلا العربيتين.
نقطة أخيرة للتذكرة .. القدرة الحصانية للعربيات الأوربي هي قدرة الموتور و هو راكب على العربية و في ظروف التشغيل العادية و ليست القياسية .. بعض الشركات اليابانية و الأسياوية بتحط قدرة الموتور قبل وضع على العربية يعني القوة الصافية للمحرك لكن بعد وضعه على العربية طبعا بيضيع جزء من قوة الموتور في حمل العربية و أجزاء الحركة.
بالنسبة لنقطة البنزين .. من كلام حضرتك قلت إن الكوردوبا هاتوفر 3 جنيه و عرضت مشكورا إنك تدفعهم .. لكن الحسبة ما تبقاش كده .. لأنك لو كمان 5 سنين هاتبيع و بفرض إن في المتوسط بتمشي 20 ألف كم في السنة يبقى إنت في ال 5 سنين صرفت 3000 جنيه أكتر من الكوردوبا و كل ما تمشي أكتر هايبقى الفارق أكتر و أعتقد الفارق ده هايقلل من تأثير فرق السعر في حالة إعادة البيع و لو حسبنا بقى قيمة قطع الغيار و المصنعيات في الفترة دي كمان ممكن الفارق يبقى أكبر.
[gdwl]مواصفات سيات كوردوبا 2009
تقييم أولي عن سيات كوردوبا 2009
[/gdwl]
رقم العضوية : 46226
تاريخ التسجيل : 05Sep2009
المشاركات : 1,006
النوع : ذكر
الاقامة : ملوي
السيارة: Mercedes 280E
السيارة[2]: BMW 535
دراجة بخارية: لا توجد
الحالة :
السلام عليكم ورحمة الله وبركاته
كل عام وانتم بخير بمناسبة عيد الفطر وعساكم من عواده
أنا هأتكلم من وجهة نظري رغم إني لم اجرب أي من السيارتين ولكن والحمد لله عندي سيارتين في الإمارات
واحدة مرسيدس عيون موديل 96 ومركبلها ماكينة شبح 320
والثانية ميتسوبيشي جالانت موديل 94 ومركبلها ماكينة موديل 2000
يعني الاتنين مغيرلهم ماكينة
الفرق بين الألماني والياباني ( أو الكوري )
أولا : كل من اليابان والمانيا عاملين سيارات صغيرة وسيارات فخمة
يعني اللكزس تواجه المرسيدس بلا تردد
والكرولا قدام الرينو
خلينا نتكلم عن الحاجات المشهورة ونبتعد عن تأييدنا لمدرسة عن التانية
ثانيا : الياباني القديم غير الحديث لآن القديم كان صغير وما فيش فيه رونق السيارات
وكمان الألماني القديم غير الحديث لآن بالعكس القديم كان أوسع وموتوره أقوى وأضخم وسيارة وزنها تقيل لكن دلوقتي بدأو يخففوا السيارة وخصوصا مع الفكر الجديد اللى بيطالب بحماية كابينة الركاب من الداخل والتضحية بجسم السيارة الخارجي مع توفير البنزين والخامات وطبعا السعر
بإختصار هأقولكم الفروق اللى لاحظتها
1- السيارات الألمانية مصممة لآجواء متوسطة الحرارة وحاليا الموديلات الحديثه بدأو يهتموا فيها بدورة التبريد نوعا ما
لكن الياباني دورة تبريدة لا يعلى عليها
أنا عن تجربة مشيت ثلاثة شهور بالميتسوبيشي ومياه التبريد بتتسرب من مضخة المياه وكنت امشي بيها بدون مياه بالكامل ولمدة تصل لثلاثة ساعات ولكن على الطرق السريعة وكان دفع الهواء كافي لتبريد المحرك بحيث ما يخربش
أما الألماني لو دورة المياه كانت فيها رواسب أو الجو حر زيادة - وخصوصا في الخليج - وفي مصر أيضا حاليا الجو بدأ يرتفع - فأنت هتضطر تمشي على مهلك بالسيارة وتغلق المكيف تماما لكي تستطيع المشي بها وإلا السيارة هتجيب وش سلندر علطول
2- السيارات الألماني فيه اعطال فيها كتير ما تقدرش تمشي بالسيارة قبل ما تصلحها
أما الياباني فممكن تمشي بالسيارة طالما الماكينة بتدور والإطارات منفوخة وفيها بنزين
ولما تتوفر الظروف تقدر تصلحها
3- السيارات الألماني قطع غيارها قوية لكن على قد ثقل السيارة
لكن نسبيا الياباني يكسب
يعني لو حطيت قطعة الغيار الياباني في سيارة ألماني مش هتتحمل لآن الألماني سيارة وزنها ثقيل وعلشان كده كنت علطول لازم أغير كل سنة جانبينات ( دامبر ) السيارة الامامي للسيارة البي إم 535 لكن الياباني وإن كان قطع غياره مش في نفس قوة الألماني لكن لما بيركب على سيارة ياباني خفيفة الوزن بيتحمل أكتر
4- السيارة الياباني رشيقة أكثر من الألماني
5- السيارة اللماني أكثر ثباتا في السرعات العالية عن الياباني من نفس الفئة الموتورية والسعرية
6- إستهلاك الياباني عموما أقل من الألماني وإن كان الألمان طوروا بعض المواتير لكي توفر لكن طبعا اليابانيين طوروا أيضا مواتيرهم وخصوصا الدايهاتسو والهوندا سيفك والهوندا سيتي والجاز لآنهم بيستهلكوا بنزين أقل بكثير وبيعطوا قدرات عالية وبهم خواص مثل التوقف والتشغيل في حالة توقف السيارة مؤقتا في الإشارات
6- في الألماني فيه قطع غيار لازم كل شوية تغيرها زي تيل الفرامل واسطوانات الفرامل والجانبينات وسيور وغيره اما في الياباني فليست بنفس المعدل
7- الصيانة بتاعة الياباني سهلة وأي حد يعرف فيها عكس الألماني والفرنسي
8- إتساع الياباني والكوري الحديث أكبر من إتساع الألماني الحديث لنفس الفئة
9- قطع الغيار الياباني المستعملة - الوارد - ارخص وأوفر من الألماني زي مثلا المواتير والفتيس وباقي الجزاء
10 - مكيف الياباني أقوى وواضح جدا وخصوصا في السيارات الألماني الغير مخصصة للخليج ( ليست مواصفات خليجي ) لكن المواصفات الخليجي الألماني مهتمين بالمكيف فيه
11- سعر إعادة البيع في الأماني أقل بكثير من الياباني والكوري وده في كل مكان حتى في ألمانيا نفسها
12- فلسفة صناعة السيارات الألماني مبنية على فكر المستهلك الغربي اللى بيحتاج سيارة قوية تتحمل المغامرات والسباقات ولا ينظر لصيانة ما بعد الخمس سنوات وطبعا أي سيارة جديدة بتبدأ صيانه فعليه تقريبا بعد أول خمس سنوات والمستهلك الغربي في الغالب بيبدأ يتخلص من سيارته بعد السنوات الخمس الأولى وخصوصا لآن تكلفة الأيدي العاملة الني تقوم بالصيانة مهما كانت بسيطه هتكون أغلى من قسط سيارة جديدة
وعلشان كده مش بيهتموا بالعيوب بتاعة الصيانة زي صعوبة الصيانة او دقتها لأن التوكيل هناك بيوفرلهم صيانة لمدة اول خمس سنوات
لكن الصناعة اليابانية موجهة للدول الأخرى زي العربية والخليجية بصورة خاصة
وطبعا المستهلك عندنا عايز سيارة عمرها الإفتراضي يزيد عن الثلاثين مع سهولة تصليح السيارة خارج التوكيل وهذا ما يتوفر في الياباني
فالألماني ولو كان جسم السيارة هيستمر خمسين سنة من غير ما تاكلة البارومة زي الياباني
لكن بعد كام سنة من الزيرو هيحتاج صيانة خارج التوكيل ودي مش متوفره في كل فئات الالماني
ده رأيي المتواضح
ويا رب يكون صحيح وتستفيدوا منه
والسلام عليكم ورحمة الله وبركاته
رقم العضوية : 1716
تاريخ التسجيل : 12Aug2007
المشاركات : 12,834
النوع : ذكر
الاقامة : Egy
السيارة: ex polo ex lancer
السيارة[2]: Kia Cerato
الحالة :
حضرتك فعلا غلطت في حق اللي راكبين سيات انك تقارنهم بالكائنات اللي راكبة سيراتو
و اعتذر لنفسي عن محاولة مساعدتك في المقارنة اللي انت طلبت المساعدة فيها
الموضوع انت واخده غلط
انت ما بتشتريش عربياتنا ولا من معارضنا
احنا بنحاول نساعدك علشان تقرر اللي يناسبك ايه
و حضرتك قررت و الف مبروك
لازمتهم ايه الكلمتين اللي مالهومش لازمة دول ؟؟؟
رقم العضوية : 47068
تاريخ التسجيل : 14Sep2009
المشاركات : 1,066
النوع : ذكر
الاقامة : EL SHEK ZAYED 6 OCTOBER
السيارة: يا رييييييييت
السيارة[2]: GEN 2 -2010
دراجة بخارية: لا يوجد
الحالة :
[QUOTE=Ahmed Samy;3872012058]حضرتك فعلا غلطت في حق اللي راكبين سيات انك تقارنهم بالكائنات اللي راكبة سيراتو
و اعتذر لنفسي عن محاولة مساعدتك في المقارنة اللي انت طلبت المساعدة فيها
الموضوع انت واخده غلط
انت ما بتشتريش عربياتنا ولا من معارضنا
احنا بنحاول نساعدك علشان تقرر اللي يناسبك ايه
و حضرتك قررت و الف مبروك
يا استاذ ماتحورش الكلام على مزاجك و تفهمهه بدماغك انت بس
و بعدين متعتزرش انك شاركت برأيك انت ساعت الناس كلها مش انا بس (و بعدين متزعش من فعل الخير للناس و متمنش عليهم بيه لأانك كده ضيعت سوابه)
و بعدين انت الواخد الموضوع غلط و متعصب من غير سبب
و بعدين انت بتتريأ و تستهزأ بكلامى ده مش صح فى لغه التخاطب بين الناس المثقفين
و اخيرا الله يبارك فيك
رقم العضوية : 12116
تاريخ التسجيل : 02Jun2008
المشاركات : 1,612
النوع : ذكر
الاقامة : Nasr City
السيارة: لا يوجد
السيارة[2]: Sirion GL 1300
دراجة بخارية: no
الحالة :
انا مش عارف هو ليه المناقشات دايما بتوصل لكدة يعني معروف ان كلنا في مصر بينضحك علينا في سعر العربيات سواء ياباني كوري الماني اي نوع و الكل بيحاول بشتي الطرق يثبت ان عربيته احسن و خلاص بغض النظر عن ان دة صحيح و لا لأ
انا متابع المناقشة دي باهتمام من الاول لاني من عشاق السيات فعلا و انشاء الله كمان سنتين نفسي اجيب الليون ( انا معايا ديهاتسو ياباني دلوقتي )
مستحيل تكون في عربيه قريبه من عربيه تانيه في السعر و تبقي احسن منها في كل حاجة يعني السيات قرطبة لا خلاف انها عربيه جميله جدااااا و ادائها رائع و مكوناتها شديدة اوي بس فعلا خامات العربيه الداخليه متفولشي انها عربيه سيات و شكلها الخارجي قديم يعني الابيزا الجديدة غيروا فيها كتير لكن القرطبة فعلا ممكن تبقي احسن من كدة كتير من برة و جوة و سعرها يعلي 10000 مثلا او 15000 هتكسر السوق
السيراتو من رايي ان سعرها فعلا مبالغ فيه شوية بس هي شكلا رائعه و اداء لحد دلوقتي(((( بعد كام شهر في السوق)))) اداء كويس بس مش العربيه اللي يبقي معايا 130 الف جنيه و استني 4 و 5 شهور لحد مستلمها
يعني الموضوع مش مستاهل انه يوصل لكدة
كل انسان ليه متطلبات معينه في العربيه اللي هو عاوزها و بيحاول يوفق المتطلبات دي مع متطلباته الماديه يعني ناس هتبقي السيراتو افضل ليهم و ناس هتبقي القرطبة افضل ليهم و بعد كام سنه ربنا هيكرم بفلوس و تبيع السيراتو او القرطبة و نركب بي ام او اودي او جاجوار انشاء الله و هنحس بالفرق
مستحيل تكون السيراتو احسن من القرطبة من كل الوجوة و مستحيل برضة العكس لازم كل عربيه هتتفوق علي التانيه في حاجات لانهم قريبيين من الفئة السعريه
و انا عاتب علي الاخ tayer عتاب اخوي لان الموضوع من الواضح من الاول مكنش معمول مقارنه لان حضرتك في قسم سيات باعت دعوة للاخوة بالنص دة ( الى جميع السياتويه يا ريت تجيبو حق السيات السيات بتتهان و بتخسر قدام السيراتو فى قسم المقارنات حد يجبلها حقها ونبى فى موضوع عنوانه كالأتى : (( كيا نيو سيراتو 2010 ولا سيات كوردوبا 2009 ستيب.. )) بصراحه مفهمتش ايه العرض من الكلام دة بتتهان و بتخسر انا مش عارف هي السيات دي بلدنا يعني و لا ديننا دي ماركه عربيات و توكيلها هو اللي مس عارف يسوقها معاه كنز و مش عارف يبيعه
يعني توكيل ديهاتسو خلال سنتين حول العربيه من عربيه خسرانه و محدش بيقربلها و اختفت من الشوارع لعربيه ماليه الدنيا زي الرز و نفس الكلام وكيل كيا من عربيه ملهاش توكيل اساسا لعربيه بتتحجز ل 5 شهور قدام
يعني اللي مضيع حق السيات هو توكيلها توكيل معاه ( ليوننننننننننن و التياااااااااا و ابيزااااااااااا!!!!!!!!!! و قرطبةةةةة ) يعني مفيش شاب مصري مكنش احد احلامه الابيزا في التسعينات و مع ذلك مبقتشي موجودة في الشارع انا شفت عربيه ليون في الرحاب ماشية قعدت اوريها لمراتي و اقولها بصي دي اللي نفسي فيها
و بالنسبة لسيراتو برضة في كلام اتقال عن سعر اعادة البيع و توافر قطع الغيار مش عارف ازاي و العربيه لسة جديدةةةة ةةةةة يعني اعتقد مينفعشي نحكم علي اعادة بيع قبل سنتين تلاته علي الاقل و طبيعي ان قطع الغيار متبقاش موجودة و مش كل عربيه بتنتشر بيتوافر قطع غيارها لسة شوية عليها و لسة شوية لما نقول عليها عربيه جامدة و لا لأا
اعذروني علي التطويل بس فعلا المواضيع دي الناس كلها بتستفاد منها من غير حناقات و شد و جذب يعني انا قريته استفدت جدااااااااااا معكرشي دة عير جو الشد و الجذب اللي فيه لان قبل كدة برضة كنا عاملين موضوع عن الجيتز و السيريون موضوع جميل اويييييييييييييي كله بيقول اللي عندة بموضوعيه لقيته فجأة اتقلب و الناس برضة بتشد مع بعض و بقي فيه معلومات مغلوطة كتير من الجانيبن
و كل سنه و انتم طيبين و محدش يزعل مني
رقم العضوية : 26692
تاريخ التسجيل : 02Dec2008
المشاركات : 846
النوع : ذكر
الاقامة : Canada
السيارة: BMW X3 2009 3.0i
السيارة[2]: 99 Passat 1.8T
دراجة بخارية: none...
الحالة :
أن مش فاهم ليه الموضوع أتاخد على إنه تحدي وفي الأخر كوردبا اكتسحت سراتو .
الإكتساح مش مكانه العربيات أصلاً . هنا أحسن حاجه إن الناس بتساعد بعضها وفي الأخر كل واحد بيجيب اللي يناسبه .
دكتور سامي شارك في الموضوع بحياديه مش لأنه مايعرفش يكتسح بل لأنه غرضه الأفادة . أحب أضيف إن المفروض أنك لما تجيب عربيه بتجيب اللي أنت حابه مش بتجيب اللي تنتصر بيه على اللي معاه عربية معينة .
رقم العضوية : 47068
تاريخ التسجيل : 14Sep2009
المشاركات : 1,066
النوع : ذكر
الاقامة : EL SHEK ZAYED 6 OCTOBER
السيارة: يا رييييييييت
السيارة[2]: GEN 2 -2010
دراجة بخارية: لا يوجد
الحالة :
و انا عاتب علي الاخ tayer عتاب اخوي لان الموضوع من الواضح من الاول مكنش معمول مقارنه لان حضرتك في قسم سيات باعت دعوة للاخوة بالنص دة ( الى جميع السياتويه يا ريت تجيبو حق السيات السيات بتتهان و بتخسر قدام السيراتو فى قسم المقارنات حد يجبلها حقها ونبى فى موضوع عنوانه كالأتى : (( كيا نيو سيراتو 2010 ولا سيات كوردوبا 2009 ستيب.. )) بصراحه مفهمتش ايه العرض من الكلام دة بتتهان و بتخسر انا مش عارف هي السيات دي بلدنا يعني و لا ديننا دي ماركه عربيات و توكيلها هو اللي مس عارف يسوقها معاه كنز و مش عارف يبيعه
يعني توكيل ديهاتسو خلال سنتين حول العربيه من عربيه خسرانه و محدش بيقربلها و اختفت من الشوارع لعربيه ماليه الدنيا زي الرز و نفس الكلام وكيل كيا من عربيه ملهاش توكيل اساسا لعربيه بتتحجز ل 5 شهور قدام
انا كان كل أصدى انى اصحصح منتدى سيات و أخلى الناس كلها تستفيد و بالفعل ده حصل
و أرجو مكنش زعلت حد منى
و شكرا لزوقك و ردك يا باشا
و أعتقد انى قد نجحت فى ذلك و أرجو ان أكون قد أفدت الجميع
المفضلات