الموضوع: كيا نيو سيراتو 2010 ولا سيات كوردوبا 2009 ستيب ترونيك

المشاركة الأصلية كتبت بواسطة kareemhisham

انا انسحبت لانى مش عارف اتغلب على عقدة الالمانى العند ناس كتير .. و المش بيعترفوا بالكورى و مقللين من شأن اليابانى .. مع انهم العربيات البتبيع دلوقتى و عربيات اعتمادية جدا ..

و مش شايفين قدامهم غير المانى المانى .. كأنها عربيات صاروخية ..

و انا شايف ان مميزات الالمانى الحضرتك بتكلم عليها مش بتبان غير فى المرسيديس و البى ام و انت طالع .. انما الحاجات الاقل من كدة .. ليهم منافسين اقوية جدا و يتغلبوا عليهم من اليابان و كوريا ..
........
........
يعنى المهم تكون مرتاح مع العربية مش انها تكون الاحسن ..
........
........

استهدى بالله يا كريم .. بإذن الله محدش يقصد حاجة وحشة و في الأخر دي عربيات .. بس كل واحد بيدافع عن إختياره و المشكلة إنها بتبقى عن طريقة الكتابة و ممكن حد يخونه التعبير فلا داعي لإساءة الظن.

بالنسبة لموضوع الألماني .. الموضوع مش عقدة و لا حاجة الموضوع إن فيه تاريخ طويل للألمان في صناعة السيارات و الخبرة الموجودة في السوق المصري بتقول إن الإعتمادية أعلى خاصة في المقارنة مع الكوري و بدرجة أقل بكتير مع الياباني و طبعا بدرجة أكبر مع الصيني.

حكاية الاعتمادية و الثقة في المنتج بتاخد وقت كيبر على ما بتظهر العيوب و المميزات .. الياباني نفسه مر بنفس التجربة من السبعينات و اللي كان فيها شراء سيارة ياباني يماثل شراء الصيني الأن. يعني عشان الناس تبدأ تبطل الكلام عن إعتمادية الكوري لازم يمر كام سنة و الناس تحس فعلا بالفارق و التطور الحادث في الصناعة الكورية.

المشاركة الأصلية كتبت بواسطة kareemhisham

انا قلت الالمانى فى "الحالة دى" لا يتفوق .. شوف العربية دى تكولوجيا سنة كام و دى تكنولوجيا سنة كام ..

- تكنولوجيا ايه يا باشا هي ايه التكنولوجيا اللي في السيراتو مش موجودة في الكوردوبا و بعدين فتيس و موتور الكوردوبا جداد ياباشا لو حضرتك مش عندك فكرة سيات منزلة الابيزا و الكوردوبا ال 2009 بموتور جديد 1600 سي سي و فتيس تيبترونيك 6 نقلات اعتقد انه تكنلوجيا متفوق علي السيراتو لو ده قصد حضرتك بالتكنولوجيا لو حضرتك قصدك حاجة تانية ياريت تقولي .

المشاركة الأصلية كتبت بواسطة kareemhisham

و انا مقلتش ان العربية شكلها وحش انا بقول ان شكلها قدييييييييييم ..

احنا يا باشا اتفقنا ان الشكل ده مسألة اذواق و قلت لحضرتك ممكن تشوف انت حاجة تقول عليها حلوة و انا اقول وحشة او العكس

المشاركة الأصلية كتبت بواسطة kareemhisham

و من الواضح ان حضرتك متحيز شوية لان حضرتك فى كل نقطة بتقول دى المانى .. و انا مش شايف ان دة سبب كافى غير فى الbmw و المرسيدي و انت طالع ..

افهم من كلام حضرتك ان الفولكس فاجن و الأوبل و الأودي دول شركات اي كلام ؟؟؟؟؟؟؟؟؟؟؟؟
او ان الالماني مرسيدس و بي ام بس و باقي الشركات دي ماليزي ؟؟؟؟

المشاركة الأصلية كتبت بواسطة kareemhisham

بالنسبة لاعادة البيع فحضرتك لو اشتريت سيراتو دلوقتى ممكن تبعها و تكسب فيها و الله العظيم ..

ده لأن السوق المصري تفكيره في الفترة الحالية كده بس ده مش معناه ان السيراتو احسن من الكوردوبا و كمان باشمهندس ايهاب قال ان صاحبه بايع سيراتو بعد ما اشتراها بشهر باعها ب 115 و كان شاريها ب 127 يعني خسر 12 الف جنيه فين المكسب بقي الا لو كانت خسارة 12 الف دي اسمها مكسب !!!!!!!!!!

المشاركة الأصلية كتبت بواسطة kareemhisham

و اسعار قطع الغيار .. فحضرتك كنت عامل موضوع عن اسعار اكسسوارات فى التوكيل كانت اسعار خيالية بصراحة

احب اوضح لحضرتك نقطة بس قطع الغيار حاجة و اكسسوارات دي حاجة تانية خالص اكسسوارات دي حاجة انا كنت بسال عليها لمزاجي انا الشخصي يعني حاجة هاتتبعت تتطلبلي من بره ليا انا مخصوص و ماكنش في حاجة سعرها مبالغ فيها غير الزينون و ده لأنهم ببيغيرو معاه الفوانيس و دراع النور و كده لكن قطع غيار ارخص من السيراتو و أثبتنا الكلام ده

المشاركة الأصلية كتبت بواسطة kareemhisham

انا اخدت بالى ان حضرتك داخل "تاخد حق السياتوية" .. فحضرتك داخل بتكدب "كل" العيوب الاعضاء قالوا عليها ..

طب ممكن حضرتك تقولى عيوب الكوردوبا ايه ؟؟

لأ مع احترامي الشديد لسيادتك انا مبكدبش حد بس انا اللي بقوله كلام عن تجربة و بجيب ارقام و دليل علي كلامي لو في و بعدين دي الجملة اللي حضرتك مقتبسها من الرد بتاعي و بتقول اني بكدب الاعضاء
((( انا مش مع حضرتك يا دوكتور انها بتبان في يوم لأن يوم ده يعني مامشتش بالعربية و اعتقد الخسارة هاتكون متقاربة و برده الكلام مش اكيد لأن لسه ماحدش جرب يجيب دي و يبعها بعد يوم او يجيب دي و يبعها بعد يوم

و شوفت بقي يا دكتور الفانوس في الكوردوبا ارخص و قطع غيار تانية كتيير و الصيانة الاولي برده ارخص)))

حضرتك اصلا لو متايع الردود و خدت بالك انا كنت سألت دكتور احمد سامي فانوس السيراتو بكام قالي ب 970 قلتله ده عندنا ب 770 يعني ارخص و كمان الصيانة الاولي انا عاملها مع واحد صاحبي للسيراتو ب 430 و عاملها للابيزا ب 390 يعني برده ارخص و محدش رد عليا و انا ماكدبتش حد في حاجة و عموما شكرا علي مشاركتك

المشاركة الأصلية كتبت بواسطة mr_shims_49

- تكنولوجيا ايه يا باشا هي ايه التكنولوجيا اللي في السيراتو مش موجودة في الكوردوبا و بعدين فتيس و موتور الكوردوبا جداد ياباشا لو حضرتك مش عندك فكرة سيات منزلة الابيزا و الكوردوبا ال 2009 بموتور جديد 1600 سي سي و فتيس تيبترونيك 6 نقلات اعتقد انه تكنلوجيا متفوق علي السيراتو لو ده قصد حضرتك بالتكنولوجيا لو حضرتك قصدك حاجة تانية ياريت تقولي .


احنا يا باشا اتفقنا ان الشكل ده مسألة اذواق و قلت لحضرتك ممكن تشوف انت حاجة تقول عليها حلوة و انا اقول وحشة او العكس


افهم من كلام حضرتك ان الفولكس فاجن و الأوبل و الأودي دول شركات اي كلام ؟؟؟؟؟؟؟؟؟؟؟؟
او ان الالماني مرسيدس و بي ام بس و باقي الشركات دي ماليزي ؟؟؟؟


ده لأن السوق المصري تفكيره في الفترة الحالية كده بس ده مش معناه ان السيراتو احسن من الكوردوبا و كمان باشمهندس ايهاب قال ان صاحبه بايع سيراتو بعد ما اشتراها بشهر باعها ب 115 و كان شاريها ب 127 يعني خسر 12 الف جنيه فين المكسب بقي الا لو كانت خسارة 12 الف دي اسمها مكسب !!!!!!!!!!



احب اوضح لحضرتك نقطة بس قطع الغيار حاجة و اكسسوارات دي حاجة تانية خالص اكسسوارات دي حاجة انا كنت بسال عليها لمزاجي انا الشخصي يعني حاجة هاتتبعت تتطلبلي من بره ليا انا مخصوص و ماكنش في حاجة سعرها مبالغ فيها غير الزينون و ده لأنهم ببيغيرو معاه الفوانيس و دراع النور و كده لكن قطع غيار ارخص من السيراتو و أثبتنا الكلام ده

انا هرد بس على حتت الbmw و المرسيديس .. انا مقلتش ان باقى الشركت ماليزى ..

انا شايف ان الفولكس و الاوبل من نفس مستوى الbmw و المرسيديس ..

الموضوع انى مش هسمع باقى مركات العربيات الالمانى و خصوصا انها كتير ..

انا قصدى على الجيتا و الاوكتافيا كمثال .. طبعا دى عربيات ممتازة ..

بس مينفعش لما اجى اقارنها بسيفيك او كورولا تقولى طبعا المقارنة منتهية فى صالح الالمانى ؟؟

انما لما نتكلم على جولف او فيكترا او باسات هقولك هما طبعا ..

ياريت تكون فكرتى وصلت !!

و بالنسبة لباقى الموضوع فانا اسف جدا لانى قلت انى مش عايز اتناقش فى الموضوع دة اكتر من كدة .. و ممكن حد تانى يقولك على وجهة نظر مختلفة تقنعك

المشاركة الأصلية كتبت بواسطة mr_shims_49

لأ مع احترامي الشديد لسيادتك انا مبكدبش حد بس انا اللي بقوله كلام عن تجربة و بجيب ارقام و دليل علي كلامي لو في و بعدين دي الجملة اللي حضرتك مقتبسها من الرد بتاعي و بتقول اني بكدب الاعضاء
((( انا مش مع حضرتك يا دوكتور انها بتبان في يوم لأن يوم ده يعني مامشتش بالعربية و اعتقد الخسارة هاتكون متقاربة و برده الكلام مش اكيد لأن لسه ماحدش جرب يجيب دي و يبعها بعد يوم او يجيب دي و يبعها بعد يوم

و شوفت بقي يا دكتور الفانوس في الكوردوبا ارخص و قطع غيار تانية كتيير و الصيانة الاولي برده ارخص)))

حضرتك اصلا لو متايع الردود و خدت بالك انا كنت سألت دكتور احمد سامي فانوس السيراتو بكام قالي ب 970 قلتله ده عندنا ب 770 يعني ارخص و كمان الصيانة الاولي انا عاملها مع واحد صاحبي للسيراتو ب 430 و عاملها للابيزا ب 390 يعني برده ارخص و محدش رد عليا و انا ماكدبتش حد في حاجة و عموما شكرا علي مشاركتك

انا اسف لو كان خانى التعبير فعلا -زاى ما رجح الاستاذ بهاء- انا مش قصدى المعنى دة بظبط ..

انا كان قصدى بس ان مفيش ولا سبب من القالوه الناس للسيراتو حضرتك قولت عليه صح ..

و انا اسف تانى

المشاركة الأصلية كتبت بواسطة bishoy02010

3- اعتقد انا مش هقعد فى الشنطة يبقى مش متفقين خالص

لأ طبعا مش هاتعد في الشنطة الا اذا كنت عايز تعد فيها بس اللي بقوله ان السيراتو كنبتها اوسع لكن الكوردوبا شنطتها اوسع يعني تشيل حاجات اكتر و الفرق بينهم في الكنبة السيراتو اكبر 5 سم تقريبا هل في بني ادام هايعد في ال 5 سم دول؟؟؟

المشاركة الأصلية كتبت بواسطة bishoy02010

4- بردة اكيد ارخص ومتتكلمش فى فوانيس اتكلم فى اساسيات بعد ازنك مساعدين علية دركسيون عشان ببساطة زى محضرتك بتقول المانى فى كل مشاركة عشان المانى انا بأكدلك انها اغلى وب
بمراحل

ياباشا بتأكدلي ده علي اساس ايه تاكيدك ده يارييت تفهمني حضرتك روحت اشتريتهم او سألت عليهم قبل كده و بعدين مانا قلتلك شوف المساعدين و علبة الدركسيون هاتغيرهم بعد كااااااااااااام سنة في الكوردوبا لأنهم الماني و شوف بتوع السيراتو الكوري هاتغيرهم بعد اد ايه و لا حضرتك شايف ان الحاجات الالماني و الكوري عمرهم واحد ؟؟

المشاركة الأصلية كتبت بواسطة bishoy02010

5-زى مقالولك هات سيراتوا دلوقتى وبيعها بكرة واحتمال كبير تكسب فيها مش تخصر يبقى استنى سنة عشان إيه حضرتك مش شايف بقى فيه كام عربية سيراتوا فى الشارع بلاش عارف سمير ريان بيجيب العربيات ويسلمها فورى وياخد أوفر بريس ومبيجبش كمية غير من اللى عارف انهم هيتباعوا هوا انا مش هوصفلك المنظر عندوا عامل إزاى هسيبك تروح انتة تتفرج وتقولى ده معناه إيه ان من اول الناصية بتاعت الأوتوسراد لغاية عندة جوه عربيات نيو سيراتوا ؟؟؟؟؟ اكتر من 50 عربية ؟؟؟ ده اسمة إيه ؟؟؟؟ عمتا مش موضوعنا بس سعر اعادة البيع للسيراتوا بكل تأكيد ده من غير نقاس اصلا

ما هو الباش مهندس ايهاب قالك اهو واحد خسر في سيراتو 12 الف جنيه في شهر واحد وانا مازلت عند رأيي مانحكمش علي اعادة بيع دلوقت لسه شوية

المشاركة الأصلية كتبت بواسطة bishoy02010

6- ههههههههههههههه هيا عشان ميزة للسيراتوا تقلى اجيب 128 واعمل فيها البدع .... طيب قولى انتة ارد عليك وققلك إيه ؟؟؟؟

هههههههههههههه ماتقوليش حاجة قةلي ايه الاوبشنز الفظيعة اللي في السيراتو

المشاركة الأصلية كتبت بواسطة bishoy02010

7- انا كنت بتكلم على القرضبة مش على الإبيزا وكنت بتكلم بالألنترا معايها مش بالسيراتو وده بكل بساطة لأن مفيش حد من صحابى جايب السيراتو بس عمتا لو تحب تجرب بالابيزا تنور :)

اولا لعلم حضرتك لو ماكنتش عارف يعني الابيزا و الكوردولا حاجة واحدة الفرق الوحيد ان دي سيدان و دي هاتش باك مفيش اي فرق تاني
يا باشا انت اللي تنور هات انت بس السيراتو و قولي

المشاركة الأصلية كتبت بواسطة bishoy02010

8- واضح انك رديت على حد تانى انا مش عارف انته بتتكلم على إيه !!! احنا بنتكلم فى الضمان سنتين هنا و 5 سنين هنا إيه علاقة إجابتك ديه بالنقطة ديه اصلا ؟!!!

لأ انا برد عليك انت اصل انت كل كلامك بتقول اكيد فانا مش عارف انت بتاكد علي اساس ايه و انت مجربتش و بعدين موضوع الضمان ده قلنا علي حسب استخدام كل واحد يعني افرض واحد بيعمل 200 الف كيلو في السنة يبقي ضمان الكوردوبا احسنله طبعا و لو واحد تاني بيعمل 20 الف كيلو بس في السنة يبقي ضمان السيراتو احسنله

المشاركة الأصلية كتبت بواسطة bishoy02010

9- طبعا مش اى حد بيركب سيات عندك حق :)

اكيد طبعا

المشاركة الأصلية كتبت بواسطة bishoy02010

10- طيب محنا حسبناها على ان ديه فى الزحمة 7.9 زى كلام الكتالوج وزودنا 2.1 لتر فى كل 100 كيلوا تحب نزود اكتر من كده ؟!!! احنا كده فارضين أسوق احتمالات بصراحة
نتابع بقى باقى الردود زى محضرتك قلت

ياباشا انا والله ما بتكلمش في انك حسبتها او كده انا بتكلم في ان واحد صاحبي معاه السيراتو و بيشتكي ان استهلاك البنزين عالي وانا الابيزا معايا ما شاء الله بشكر فيها مش بشتكي منها ياريت يكون قصدي وصلك
و تابع باقي الردود

المشاركة الأصلية كتبت بواسطة bishoy02010

- مين قال لحضرتك ان شايف ان عمر قطعة الغيار الألمانى زى عمر قطعت الغيار الكورى ؟؟؟ لالالا انا مقلتش كده خالص بس حضرتك مقلتش الأول اسعار قطع غيار الألمانى ديه كام قلها الأول وبعدين نتكلم فى العمر الإفتراضى

كلام حضرتك هو اللي قال لحضرتي كده
انا قلت اسعار الحاجات اللي اعرفها و طلعت ارخص اهيه و حتي لو كلام حضرتك صح ان في قطع اغلي زي المساعدين او كده انا احسنلي اشتري حاجة اغلي 200 او 300 جنيه و تعيش معايا 10 سنين افضل من اني اشتري نفس الحاجة مرتين في نفس الفترة دي و بكده هتلاقي برده علي المدي الطويل ان الالماني ارخص

المشاركة الأصلية كتبت بواسطة bishoy02010

5- فى ناس كتير بتحب تغير مش موضوع كام سنة والناس مبتبعش عربية كورى عشان بقت خربانة الناس بتبعها عشان تغير للأحدث مش عشان كورى :)

و في ناس اكتر بتغير العربية لما تبدأ تفتح بؤها زي ما بيقولوا و اعتقد دول اكتر من اللي بيغيروا لمجرد التحديث

المشاركة الأصلية كتبت بواسطة bishoy02010

7- حضرتك شايف ان تكيف القرضبة احسن يعنى !!! انا نفسى يكون كده فعلا بصراحة واهى تبقى اول عربية المانى طلع تكيفها احسن من الكورى واليابانى

انا مجرب مش شايف بس انا مجرب و متاكد من اللي بقوله الحمد لله و تنورني لو تحب تيجي تجربه بنفسك