الناس في كدة مدرستين
ناس بتحب تجيب الحاجة و تنساها بس بتدفع ازيد شوية و ناس بتحب مصاريف مناسبة مش مبلغ مرة واحدة بالنسبة لمصاريف تشغيل الكوري و قطع غيارة اكيد ارخص من الالماني بس العمر الافتراضي اقل و دة مش عيب ممكن يبقي ميزة عند بعض الناس انه ميتقرصشي مرة واحدة و يدفع زيادة
فشوف انت ايه اللي بتحبة يبقي عندك كل 20000 كم مثلا قطعه بتتغير و لا تغيرها كل 40000 كم و تدفع ازيد شوية و دة علي سبيل المثال
انا عن نفسي احب العمر الطويل لاني مش فاضي كل فترة اغير حاجة و بصراحه انا ليا واحد صاحبي معاه فورد فييستا موديل 98 كل صياناته في التوكيل لحد دلوقتي العربيه بقالها 11 سنه ماشاء الله موقفتشي بيه علي طريق مثلا و حالتها من برة و جوة زي ماهي بس بيدفع كل فترة مبلغ للصيانه
و بالنسبة لقطع الغيار القرطبة بيركبلها قطع غيار حاجات تانيه فهتلاقيها هتتعبك بس هتلاقيها برة التوكيل
و دة برضة مش معناه اني بقول القرطبة احسن هي احتياجات و اراء و توافر فلوس و انواع من الناس
بس انا شخصيتي مثلا لما هغير كاوتش العربيه هجيب ميشلان اللي بييقعد 80000 كم و انساة في واحد تاني بيجيب كاوتش يقعد 40000 كم انا مش غلط و هو مش غلط
و اي عربيه طالما خرجت برة الفيات القديم 128 و 131 و 132 و الشاهين و بعض موديلات الهيونداي هتلاقي قطع الغيار غاليه بنسب متفاوته للفئة بتاعه العربيه
بس لو هتسمحلي اقترح عليك تابع كمان ال سوزوكي sx4 و الديهاتسو ماتيريا و الفورد الفيستا و التحفة الفيات لينيا
المفضلات