الموضوع: الفرامل راحت

الأول حمدا لله على سلامتك
ثانيا واضح انو المستر الرئيسى ودا لأنك ملقيتش فرامل خىالص
للأسف مش هقدر افيدك فى موضوع الأسعار لأنى متعرضتش للموقف دا
ثانيا لو ليه حشو يبقى الأصلى ودا هنلاقيه هنا فى القاهره لو كده قولى وهبعتهولك فى الأتوبيس
ولو فى حاجه فى المستر نفسو يبقى هات استيراد احسن لأن ممكن ملاقهوش جديد أصلى ولو بقى موجود هيبقى غالى جدا

او لا مليووووووون حمد الله على سلامتك
ثانيا انت عارف بقى انا خبرتى على قدها و مش هقدر افيدك
بس اهم شئ اننا اتطمنا عليك

لسه هفكها بس إتأخرت فى الشغل..
محدش فادنى أوى بس شكلى كده هجيب إستعمال وأمرى لله بس معرفتش سعر الماستر لسه..

فين م أسامة؟؟؟

دى الصور اللى لأيتها على النت :













واضح كده إن فيه ATE وطبعا هيكون غالى!!

الله ينور على الصور يا اوريجينال

الحمد لله المشكلة إتحلت وصورتلكم اللى عملته بالضبط :
الأول شفطت الزيت اللى فى علبة الفرامل بسرنجة وطبعا جمعته فى إزازة عشان مايبهدلش الدنيا..



وده بعد ماخلعت العلبة من الماستر وطبعا دلأت مياه عشان فيه شوية زيت نزلو منها وطبعا كان الماستر إسود من الشحوم والتراب اللى عليه ( عوامل الزمن )



وده السرفو والمواسير بعد ما خلعت الماستر



وده الماستر القديم BENDIX والعلبة بعد ما إتنضفو تمام



رحت عشان أجيب طقم إصلاح أو واحد إستيراد
مالأيتش طقم إصلاح وتقريبا ماكانش هيبأا معمر لو لأيته أصلا وكمان الإستعمال حسيت أنه مش هيعيش كتير وخصوصا بعد اللى حصل معايا فجأة مقدرش أجيب إستعمال!!
لأيت عند واحد 3 أنواع Mayle و ATE و BOSH
Mayle ب250 معجبنيش تأفيله وخصوصا إن مكتوب على العلبة ألمانى يعنى مضروب
ATE ب270 تأفيله تمام والصبة بتاعته قريبه من الأصلى ومكتوب على العلبة تشيكى
BOSCH ب320 معجبنيش خالص مع إن علبته مكتوب عليها أسبانى بس تقفيله مش حلو خالص حسيته مضروب..

جبت ال ATE ومعاه علبة الزيت ATE الأصلى 270+30=300 دفعت 290



الأصلى BENDIX والجديد ATE



هوا محفور عليه ATE بس من تحت ونسيت أصورها










دى البيانات اللى على الكرتونة



ركبته بالسيرفو ووصلت المواسير وحطيت الزيت الأصلى
وأخيرا أخدت الواء من الفرامل وجربت وكلله تمام الحمد لله...