فيات لينيا ... مواصفات و اسعار

**amrbakly** · 03-10-2009 08:08 PM

علي فكرة يا شباب الناس اللي شايفة الفيات عربية اي كلام و مرتبطة معاهم عقليا و نفسيا بـ 128 هما فئة الموظفين المحنطين اللي ناقص يلبسوا البدلة الصيفي من تاني و دول اللي فرحانين قوي باللانوس و اللانسر و الألنترا و الفيرنا و كل العربيات الكاورك دية

يعني انا مش متخيل ان في حد عاقل يسيب مثلا السيينا الجديدة و يروح يركب فيرنا ولا لانوس حتي لو كانت السيينا تركي ولا صيني، مش عارف لية الناس مش قادر تشوف الفرق قوي كدة بين الكوري و بين الأوربي حتي لو كان تجميع شبرا الخيمة

و بعدين هي لية الناس نسيت تاريخ الفيات و الحجز لسنوات في انتظار الريجاتا، انا فاكر ابويا فضل تلات سنين مستني الريجاتا و في الأخر يأس و راح اشتري لادا.

و لية الناس ناسية ان العربية الفيات هي العربية الوحيدة في السوق اللي عاملة زي المرسيدس في السوق، عمرك ما تشتريها و تبيعها اقل من سعرها اللي اشتريتها بية (علي المدي الطويل)، 128 كانت بسبعتاشر في التمانينات دلوقتي لسة بسبعتاشر مستعملة

127 بدأت بـ 7000 جنية ووصلت في اقصي مراحلها زيرو لـ 15000، دلوقتي لسة بتتباع تقريبا بنفس السعر، كذلك الريجاتا، كذلك الأونو

يبقي فين بقي الجملة البايخة بتاعت لية يعني دية فيات اروح اشوف الألنترا

دة واضح فعلا ان في ناس مش فاهمه حاجة

**ahmad--ezzat** · 03-10-2009 08:29 PM

المشاركة الأصلية كتبت بواسطة amrbakly

يعني انا مش متخيل ان في حد عاقل يسيب مثلا السيينا الجديدة و يروح يركب فيرنا ولا لانوس حتي لو كانت السيينا تركي ولا صيني، مش عارف لية الناس مش قادر تشوف الفرق قوي كدة بين الكوري و بين الأوربي حتي لو كان تجميع شبرا الخيمة

كلامك صحيح بنسبه كبيره ولكن اسمحلى اعلق على حاجه....
الفيات مهياش وحشه ومهياش اقل من الانوس والحجات دى...الفيات انضف بمراحل.. بس العربيه يعنى قطع غيار ومراكز خدمه كويسه واداء وراحه وامان...الاداء والراحه والامان موجودين فين الباقى بقا؟؟؟؟؟
يعنى اللينيا كويسه جدا بس انا لو جبتها مثلا اكيد هتعب مع اوماترا لو حصل حاجه لاقدر الله وحياتى هتبقى جحيم فى جحيم لو عربيتى الفيات الجديده اللى فوق ال 100 اللف جنيه فيها حاجه ومش عارف تعامل مع وكيلها..انا ليه احط نفسى فى الموقف دة...دة غير قطع غيارها...انا سمعت ان الفانوس ب 2700 ودة غالى جدا....
نحن لا نعيب فى فيات ولكن نحب ان يكون لها وكيل محترم والفولفو نفس الكلام والالفا روميو الحجات دى كلها محترمه جدا ولكن يعيبها الوكيل المريح
بالنسبه للسينا الجديده هى تجميع صينى وانا بالفعل كنت هشتريها وهيا عربيه حجر ما شاء الله...بس لما رحت اوماترا اللى فى جسر السويس وحسيت انى فى الحرفيين او بمعنى اصح فى مكان مينفعش نقول عليه توكيل فيات ومفيش حد كويس الواحد يتكلم معاه صرفت نظر تماما عن شراء فيات..

**Youssef.Awad** · 03-10-2009 09:13 PM

[QUOTE=amrbakly;3872028796]علي فكرة يا شباب الناس اللي شايفة الفيات عربية اي كلام و مرتبطة معاهم عقليا و نفسيا بـ 128 هما فئة الموظفين المحنطين اللي ناقص يلبسوا البدلة الصيفي من تاني و دول اللي فرحانين قوي باللانوس و اللانسر و الألنترا و الفيرنا و كل العربيات الكاورك دية

لو كانت الفيات عربياتها اى كلام زى ما الناس بيقولوا ماكانتش اشترت كرايسلر احدى قلاع صناعة السيارات الامريكية الثلاثة السنة دى بعد الازمة الاقتصادية العالمية
وفعلا اللى فاكرين الفيات هى ال128 بس يبقى اخرهم فعلا البدلة الصيفى والفانلات المونتيجو بتاعت بورسعيد

**amrbakly** · 04-10-2009 01:38 AM

[QUOTE=y2y1500;3872028902]

المشاركة الأصلية كتبت بواسطة amrbakly

علي فكرة يا شباب الناس اللي شايفة الفيات عربية اي كلام و مرتبطة معاهم عقليا و نفسيا بـ 128 هما فئة الموظفين المحنطين اللي ناقص يلبسوا البدلة الصيفي من تاني و دول اللي فرحانين قوي باللانوس و اللانسر و الألنترا و الفيرنا و كل العربيات الكاورك دية

لو كانت الفيات عربياتها اى كلام زى ما الناس بيقولوا ماكانتش اشترت كرايسلر احدى قلاع صناعة السيارات الامريكية الثلاثة السنة دى بعد الازمة الاقتصادية العالمية
وفعلا اللى فاكرين الفيات هى ال128 بس يبقى اخرهم فعلا البدلة الصيفى والفانلات المونتيجو بتاعت بورسعيد

هههههههههه حلوة المونتيجو بتعت بورسعيد دية

علي فكرة مستحيل فانوس اللينيا يبقي بـ 2700 جنية دية خالص، دة فانوس الجراند بونتو مش مكمل 800 جنية، يبقي اذاي اللينيا اغلي قوي كدة؟ و بعدين يعني هو فارق الأسعار في الأوربي التاني كام ولا بلاش الأوربي، الياباني في ارخص حالاتة اللي هو المتسوبيشي؟؟؟ عايز حد كدة يقول سعر فانوس الجيتا ولا الباسات؟ ولا حتي الستروين ولا الرينو الكليو حتي، دة انا عندي فانوس الأونو المضروب عامل 120 جنية يعني الأصلي مش أقل من 400 و انتوا مستكترين 800 و 900 في فانوس عربية موديل 2009 و بعدين يعني اللي يجيب زيرو النهاردة و ميأمنش تأمين شامل يبقي غلطان طبعا و خاصة في الزيرو حتبقي تحت مظلة تأمينية في الوكيل و الدنيا عز، و يوم ما تبيع تبقي كأنك بايع كسر زيرو

كمان انا بطلب من الناس اللي بتقول الكوري تروح اليوتيوب تتفرج بس علي اختبارات التصادم للهيونداي و تقولي