O2 والفكرة المجنونة

**Terrible_DaRsH** · 28-09-2009 05:59 PM

MMamdouh قصده ان الفلتر بيدخل هواء بنسبة معينة حسب ما الموتور عايز

يعنى لو ماشي على التانى عادى الفلتر هيدخل هواء على قد ما الموتور عايز يعنى نسبة قليلة .

انما لو على الرابع و قارص جامد الفلتر هيدخل هواء اكتر اكيد للموتور حسب عملية الحرق و الحرارة

لكن انبوبة الاكسجين هتدى نسبة واحد ثابتة للهواء يعنى و انت ماشي على سرعة 20 زى ما تمشي على سرعة 180 و ده طبعا غلط جدا على الموتور ..

**Hegazio** · 28-09-2009 06:43 PM

الراجل أسف جدا علي سؤاله عن الفكرة
( جرب في الخباثة علي الواقف زي ما اتفقنا هه )

**aboomr** · 28-09-2009 08:12 PM

جميل جداً ويريت كمان تركب تكيف يونيون اير 5 حصان وكوتش جرار زراعى وتشيل السقف

**tifacivic** · 28-09-2009 08:50 PM

المشاركة الأصلية كتبت بواسطة MMamdouh

انت عايز تموت نفسك؟؟

اصلا لو انت ركبت NOS و مضبطوش كويس ممكن تسيح البساتم... و دة 33% اكسجين... انت عايز تحط 100% اكسجين؟؟؟؟؟؟؟؟

و ليه اصلا اللفة دى كلها طالما انت متاح ليك تركب NOS؟... دا على حسبتك دى انت عايز تزود كمية البنزين 5 اضعاف عشان تضبط اداء العربية و معتقدش ان حتى لو قدرت تعمل كدة الموتور حيستحمل الحرارة المفرطة و الضغط الكبير اللى حيحصل و انت مشغل الاكسجين

بلاش تعمل كدة

MMamdouh

انا شوفت فكره لواحد ركب blower اعتقد كان DC voltage و رفع بيه عزم و قدرة المكنه رغم ان البلاور بيزود كمية الهواء مع ضغط منخفض مقارب للضغط الجوى و بالتالى زيادة كمية التدفق لكثافة معينه للهواء معناها زيادة كتلة الهواء الداخل للمكنة و بالتالى رفع القدرة و فعلا مع القياسات اتضح انه قدر يزود 4-5 حصان عند معظم سرعات المكنه

فى حالة الاستاذ هنا.. اعتقد بما انها انبوبة المشكلة هتبقى فى ان الاكسجين له ضغط و اكيد اكيد اكبر من الجوى و بالتالى هيعتبر زى وجود تربو مثلا مع الفارق.. وبالتالى رفع الضغط هيرفع ال brake mean effective pressure يعنى المكنه هتشتغل على ضغوط عاليه و ده يأثر على العمر الافتراضى لاجزاء المكنة و نظام التبريد هيكون محدود و ايضا ممكن اجزاء المكنة متستحملش و يحصل كسر او التواء مثلا.. لان لو زود كتلة الهواء و المكنه فيها electronic control هيزيد الوقود بالتبعيه (بس لحد اخر تدفق ممكن الرشاش يخرجه) و معنى كده ان الخليط علشان يكون غنى جداااااا هتتولد منه حراره كبيره جداااااااااااااااااا ممكن تعمل cracks , bending لرأس الاسطوانة...

انما دخول اكسجين كتيير جدااااا مع ثبوت كمية الوقود ممكن يتسب فى تقطع انتشار جبهة اللهب لان الخليط هيبقى فقير جدا و بالتالى مش هيحصل خلط جيد و المكنه هتقف لكن بما ان المكنة فيها ecu ده مش هيحصل لكن الحرارة الناتجه هتزيد جدا.

و زى ما حضرتك قولت النيتروس فيه 33% اكسجين و اكيد النسبة دى هيقابلها زياده فى كمية الوقود للحفاظ على air to fuel ratio فى حدود 10 او 11 او 12

احب اسمع رد حضرتك لو فى حاجه غلط فى كلامى

**Drift_Lover** · 28-09-2009 08:51 PM

الهدف انك عاوز تظبط العمل علشان لما تشد...
الفكره بعيده نهائي عن التظبيط... اللي حيحصل ان الفكرة حتي لو نجحت مع كم المخاطرة. فانت حتبرجل الموتور. وصعب تتحكم فيها يدويآ...

**bedo13** · 28-09-2009 09:39 PM

المشاركة الأصلية كتبت بواسطة aboomr

جميل جداً ويريت كمان تركب تكيف يونيون اير 5 حصان وكوتش جرار زراعى وتشيل السقف

هههههههههههه

**bedo13** · 28-09-2009 10:02 PM

HowStuffWorks "What if I pumped pure oxygen into my car engine?"
حد يقولي رأيه ايه في الكلام ده

**Ghamrawy** · 28-09-2009 11:03 PM

المشاركة الأصلية كتبت بواسطة bedo13

howstuffworks "what if i pumped pure oxygen into my car engine?"
حد يقولي رأيه ايه في الكلام ده

كلام جميل بس ايه هى العربية اللى مكوناتها تستحمل زيادة مفاجئة فى القدرة بنسبة 5 اضعاف ؟

**crazylambada** · 29-09-2009 01:50 AM

طب ما احنا ممكن نعمل زي محبي على واير السرعه بتاع العربيه لانبوبه الاكسجين
يدخلها بكميه محدوده حسب اليرعه بنفس فكره throating gate
الموضوع محتاج اتقان و تفكير لان الغلطه حتبقى مشكله