السلام عليكم ورحمه الله
ازييكم يا احلى كياويه يارب تكون ايام العيد عدت عليكم بفرحه وسعاده
في الحقيقه اتيحت ليا فرصه تجربه السيراتو الجديده اول فئه اوتو خليجي
والتجربه بقى كانت طويله جدا من بني سويف ل قنا مركز نجع حمادي
اصل كان عندي فرح في الصعيد ف سافرت من مصر ل بني سويف ومن هناك سوقت عربيه صاحبي لحد الصعيد عشان هو جايبها جديد ومش بيعرف يسوق
خلونا كده ناخدها وحده وحده من الخفيف للتقيل ونكون واقعيين ونبتعد تماما عن النفسيات والحب الشخصي للاشياء
1 الشكل الخارجي مفيش اتنين يختلفوا انها تحفه فنيه فعلا انا عن نفسي بموووت في شكلها جدا جدا وفي النهايه دي ازواق برضو
2 الداخليه العربيه العربيه من جوا يا جماعه شيك بصراحه بس لما نيجي للخامات يبقى ليناعليها كلام لانها مش خامات فخمه ولكنها ليست رديئه بس خاماتها اقل من الهيونداي النترا بقليل
يبقى اعتراضي على الخامات وليس الشكل
والقعده في العربيه ورا او قدام حلوه ومريحه الا كرسي السواق كنت بعاني اني افرد طهري على الكرسي خصوصا لو مرجع ظهر الكرسي شويه
نور التابلوه بالعدادات حلو جدا جدا ومتزهقش منه تماما ويخليك تنسى صحابك الاندال الي ناموا وسابوك على الطريق لوحدك سايق
الساوند سيستم بصراحه لذيذ جدا هو 4 سماعات وفيه وصله يو اس بي و اي بود هوه بالنسبه لساوند سيستم ستوك حلو بصراحه
3- المحرك والفتيس
المحرك هو هو الالنترا عامه التسارع بتاعه حلو خصوصا انها اوتو انا جبت بيها 190 على 5 ار بي ام و 170 على 4.5 ار بي ام وصوت المحرك مش عالي ومحستش بيه الا بعد 160 وفي حالات الكيك داون صوته بيعلى بس طبيعي جدا مش صوت عالي او مزعج
والعربيه كانت هتجيب اكتر من 190 بس انا طنشت ومتنسوش ان العربيه زيرو كانت ماشيه 1500 كيلو يعني مثلا بعد 10 الف كيلو هتلاقيها صاروخ
وبرضو عشان الموتور لسه جديد كنت بسرقلها عشان تجري مش بكبس عليها اوي عشان لسه جديده
الفتيس استجابته حلوه لو ضعت مثلا ضغطه قويه بتدي نقله وحده لتحت لو ضغطت اخر الدواسه بتنقل غيارت اقل يعني من 4 ل 2
بس مستغرب شويه من النسب بتاعه الفتيس المفروض الاوتو ال 4 غيارات الاولاني بيبقى اخره 60 وبيعديها بشرطه وينقل والتاني بيوصل 120 وينقل والتالت 170 وينقل للرابع
بس دي كانت كا الاتي الاولاني اخره 50 وينقل والتاني اقل من ميا بكام شرطه وينقل والتالت كان بيستمر لحد 160 والرابع بعد كده
بس عامه التالت والرابع حلوين يعني 190 على 5 ار بي ام حلو جدا
4 العفشه وهدخل معاها صلابه بادي العربيه (طبعا العفشه دي اكبر مشكله واكتر جدل في المنتدى )
انا والله العظيم هتكلم بحياديه تامه مع ان نفسي ان هيونداي وكيا تبقى اعلى شركه في العاااااالم بكل عربياتها ده انا نغسي السيراتو تبقى احسن من ال بي ام 320 الجديده
العربيه البادي بتاعها بصراحه خفيف زييها زي كل هيونداي وكيا لا يقارن ببادي وتقل السيارات الياباني خصوصا الجديده زي مازدا وزي هوندا تحف بصراحه
بس ممكن نقارنها بلانسر الجديده وهتبقى الكيا احلى منها وقريبه منها في تقل السياره نفسه
العفشه عجبتني جدا جدا جدا في نعوميتها مفيهاش نشوفيه بصراحه لا دي عفشه محترمه طول السفريه ووحنا راجعين مفتكرش ان العربيه رزعت اا مره وحده مثلا عفشه حلوه قوي
العربيه عاليه مش بتحك في المطبات الا نادرا فعلا
ف من الناحيه دي نقدر نقول تصلح للطرق المنيله بستين نيله وتبقى فله كمان
نظام التعليق الخلفي الي اثار جدل في المنتدى كله
العربيه ناعمه وشنطه عاليه بالاضافه الى نظام ال beam axle الي اتكلموا عليه كتير
ف لازم تاخد وتدي مع الطرق الغير مستويه ف بتلاقي العربيه بتطلع وتنزل مع الطرق الغير مستويه بس الموضوع ده مش بيتحول لتنطيط وكلام من ده هي معقوله برضو والركاب الخلفيين بيحسوا برضو بالطلوع والنزول ده بس مش بيتدايقوا جامد
العربيه بامانه مش بتاعه غرز على 100 خطفت الدركسيون خطفه قويه سنه حسيت انها بتلعب
وبصراحه احساس انها بتلعب ده كان موجود علطول بس الحلو برضو انه مش بيتحول لفعل
يعني على ملف تحس انها بتلعب بس برضو بتاخ الملف عادي جدا مش بتعوم
بالاضافه الى انها على الطرق المستقيمه مش بتفقد تماسكها يعني 120 زي 140 زي 160 حلو اوي التماسك طول ان مفيش غرز بعد ال 160 بتخف سنه بس بتفضل برضو متماسكه ولحد 190 حلو
ممكن لو العربيه كانت بجنط 160 كانت تبقى احسن عشان هي كانت طاسات 14 او 15 مركزتش بصراحه
متخيلتش العربيه دي بصراحه بعد 50 الف كيلو تبقى عامله ازاي مثلا بس اتمنى تفضل ماسكه نفسها وتبقى ناعمه
دي نهايه تقييمي
بس لما نيجي نقارن بامانه هي كتير عليها وكتير على كل الكوري اكتر من 115
يعني المازدا والهوندا من الخيارات الممتازه عنها حتى لو مستعملين بس ثبات المازدا لا يعلى عليه في الفئه دي والهوندا كمان ممتازه والعربيتين دول للغرز باشاوات فعلااا
لانسر افضل الكيا والهيونداي عليييهااا بكتييير
تويوتا تعتبر عربيه حلوه بس اسعارها غاليه عشان مجرد الاسم ولو انها ليست لها ولا مييزه وحده تنفرد بيها عن اي عربيه
نسيت اقول برضو لو هنقارن سيراتو بالنترا واي 30
سيراتو انعم واقل ثبات والعكس صحيح برضو
النترا ثبات متفوق على الكيا وعفشه انشف
اتمنى يكون الموضوع عجبكم واكون افدتكم
المفضلات