اقتباس:
كلام صادر عن واحد غير مجرب للسيارات اليابانيه بالمره
Rolling Eyes Rolling Eyes Rolling Eyes Rolling Eyes Rolling Eyes
أعتقد اننى شرحت بالعلم و الدليل لماذا يقل عمر السيارات اليابانية عن مثيلاتها الأوروبية راجع ردودى ربما تفهم شيئا.
دليلك الوحيد اللي قلته انك سآلت واحد جاي من امريكا
يا استاذ امريكا ١٠٠ مليون انسان و ١٠٠ مليون رآي مش رآي واحد
على فكرة تسنت لى الفرصة لقيادة سيارة لانسر الشكل الجديد لمدة يومين , و قطعت بها ما يقرب من 100 كيلو.
و رأيت منها ما يدعم وجهة نظرى.
محرك ضعيف, دائما مرتفع السرعة, و لكن صوته الهادىء الذى فعل اليابانيون الأعاجيب لكى يسكتوه كان يخدع قليلى الخبرة.
ثبات لا يليق بسيارة يجرها حصان, خادع أيضا فى البداية و لكنى أحسست بعدم تماسك السيارة على الأرض عندما مرت من جانبى سيارة من النقل الثقيل.
و فى المنحنيات كنت بعمل بهلوان على الدركسيون حتى أسيطر عليها.
و كنت أشعر أن عتلة تبديل السرعات سوف تنخلع فى يدى عاجلا ان أجلا, هى أو المقود.
اقتباس:
و ما هى تلك السمعة الجبارة التى تتحدث عنها؟؟؟ أى سمعة هو كلام فى الهوا, هاتلى سيارة يابانية واحدة سمعتها مثل سمعة البيجو 504 أو رينو 12 أو فيات 131 أو مرسيدس التمساحة.
التعليق الوحيد هو
ههههههههههههههههههههههههه ههههههههههههههههههههههههه هههههههههههههههههههههههه
ههههههههههههههههههههههههه ههههههههههههههههههههههههه هههههههههههههههه
To funny To funny To funny To funny To funny To funny
الى مايعرفش يقول عدس, واضح انك لا تعرف شيئا عن تلك السيارات و مسقتهاش أصلا. هذه سيارات تاريخية و ليست سيارات للاستهلاك السريع مثل سياراتك اليابانية المغشوشة.
اقتباس:
دليلك الوحيد اللي قلته انك سآلت واحد جاي من امريكا
يا استاذ امريكا ١٠٠ مليون انسان و ١٠٠ مليون رآي مش رآي واحد
انت شايف انو ده دليلى الوحيد؟؟؟ واضح انك يا اما لا تقرأ ردودى أصلا(بدأت أشك فى ذلك فعلا) أو تقرأ و لا تفهم و هذا شىء أعذرك فيه. لو فى حاجة مش فاهمها فى ردودى قولى و أنا أفهمهالك.
راجع ردودى و خصوصا التى تتحدث عن المحرك و العزم و القوة الحصانية و سوف تعرف دليلى.
اقتباس:
استاذ فادي معلومات الدفع الامامي غلط في غلط
اول من ابتدع الدف الامامي و ابتلانا به هم الامريكان شخصيا
أول من قدم نظام "السحب الأمامي" هي الأمريكية ( Cord ) عام 1929 , عندما طرحت سيارتها ( Cord L-29 ) . و شاع أن "سيتروين" أول من قدم نظام "السحب الأمامي" بسيارتها ( Citroen Avant Traction ) عام 1937 لأن هذه السيارة أُنتجت بكميات مهولة , أنتج منها حوالي 800.000 نسخة , بينما سيارة ( Cord L-29 ) لم ينتج منها إلا قرابة 6000 نسخة . و أتى الكساد العظيم على هذه الشركة ( Cord ) و من كان تحت لوئاها ( Duesnberg و Auburn ) عام 1937 و أنطمرت . مع وجود محاولات في الأربعينات الميلادية لإعادة إحيائها لكنها بائت بالفشل .
أبحث في "ويكيبيديا" و مصادر أخرى و ستجد أني على حق .
معروف فى العالم كله أن سيتروين هى أول سيارة دفع أمامى, و سمعت كلاما من قبل عن أن فورد هى صاحبة الابتكار الحقيقى و لكنها لم تنجح فى تسويقه, عموما سوف أتأكد و ان كنت متأكدا من موضوع سيتروين لأنى قرأتها كثيرا فى مصادر عديدة و منها مقالة فى سبور أوتو كانت تتحدث عن كيفية التعامل مع نظم الدفع المختلفة أثناء القيادة.
عموما ويكيبيديا ليست مصدر موثوقا به لأن من يحررها أناس عاديون.
اقتباس:
اولا انا بصراحه مش عارف اعمل ايه
اجيب فيديوهات تقول خبر و مش عارف ايه
اجيب ارقام رسميه تقولي بيكذبوا
اقولك اسآل ناس عندهم السيارتين و كل نص ساعه بنشوف سباق بينهم علي الطبيعه تقولي اكاذيب و تهويل ( مع اني بقولك اسآل ناس معرووف حبهم للسييارات الامريكيه
اجيبلك تجربه مجله و موقع شهير تقولي بيكذبوا
من الاخر في الموضوع بتاع تسارع جي تي ار - حضرتك تصدق بآيه ان تسارعها كدا ؟؟؟
للعلم فقط نسيت ذكر ان الجير بوكس اللي علي جي تي ار هو دي اس جي و هو اسرع جير في تبديلاته في العالم
أنا الى مش عارف أعملك ايه أكتر من كده, أثبتلك بالدليل القاطع و البرهان الساطع ان نيسان تكذب و لازلت على رأيك, عزيزى لو كان عند القليل من الخبرة بعالم السيارات لعرفت أن لا يوجد سيارة فى العالم تبلغ ال100 كلم/ساعة فى 3.8 ثانية بمحرك 3.6 لتر. الرقم غير منطقى تماما و هو ما جعلنى أبحث عن سيارات أخرى فى نفس قوة محركها حتى أقارن و وجدت عدد من السيارات و التقطت منهم الفيرارى مارنيللو و سبايدر, فوجدتك تقول لى سقفها مكشوف و موتورها ادام, قلنا ماشى و جبتلك نفس السيارة بس بسقف و محرك فى المنتصف, أعمل ايه تانى؟؟؟!
و الأكثر من ذلك قلت لك السبب الذى جعل نيسان تفعل شيئا كهذا و تزور وقت التسارع, و هو لرفع فئة سيارتها من الرياضية الى السوبر رياضية طبعا للحصول على بعض الدولارات الزائدة مقابل لا شىء, من أجل تحقيق مكاسب كبيرة فى النهاية حتى تأتى أنت و تزهو بالكام مليار التى تحققهم نيسان فى السنة.
عندك حاجة تقولها؟
انت فضحت سيارتك المفضلة بنفسك و لو لم تخبرنى برقم تسارعها المزعوم لما فطنت الى عملية النصب تلك التى قامت بها نيسان. شكرا لأنك نبهتنى.
اقتباس:
بالنسبه لموضوع الادا نيفا Mr. Green Mr. Green Mr. Green Mr. Green Mr. Green
عندك موقع جي ام اهوووو بكل شركاتها
http://www.gm.com/
ارجووووك طلعلي السياره
هذه المعلومة عرفتها من مجلة سبور اوتو و لحسن الحظ العدد معى الأن بتاريخ مايو 2004
صفحة 126 : الخبر يقول:
بدأ تسويق الجيل الأحدث من طراز نيفا فى روسيا و الولايات المتحدة تحت اسم شيفروليه, و تأمل لادا أن يبدأ التسويق الفعلى فى بقية دول العالم لطراز نيفا المجدد اعتبارا من شهر سبتمبر من العام 2004 الحالى.....
لا أعلم اذا كان الطراز مازال يسوق فى أمريكا و روسيا تحت اسم شيفروليه أم لا.
اقتباس:
لا كورفت ولا فيراري منزلين من السماء و يمكن المقارنه بيهم
جيرمي كلاركسوف في توب جير مره قارن بين ايفو و جلارد
مفيش شئ فوق الانتقاد الا ربنا و فيراي حالها حالل كل الشركات تخطي و تصيب
طبعا لا كورفيت و لا فيرارى منزلين من السماء و معرضين للخطأ و كل الشركات لها أخطائها و عثراتها و كوارثها. و لكن ليس كل الشركات تحترف النصب على زبائنها.
اقتباس:
و للعلم انت حضرتك معندكش معلومات عن مجلات و ولا شركاات التآمين اذا طلع في بيان غلط من الشركه
دي كانت كل المجلات شهروا بالشركه في تسارعها
خلاص يا سيدى أنا قولتلك هرفع قضية على نصر للسيارات على الجزئين من الثانية الضايعين عشان محدش يسكت على الثوانى الضائعة.
شركات تأمين ايه؟؟؟! هو فى شركة تأمين هترفع دعوى عشان ثانية أو اثنتين متأخرين من انطلاق سيارة ما؟ المجلات كلها تثبت خطأ الشركات فى تقدير تسارع سياراتهم, بس ايه شهروا ديه؟؟ هو فيه كام واحد بيقرا مجلات السيارات المتخصصة؟ هى سياسة و لا فن عشان يشهروا و يعملوا حملة صحفية. انت عايش فين؟
اقتباس:
و مسمعتش ردك علي استخدام الامريكان للاختراع الفاشل اللي بيقصف عمر المحرك
التربو اختراع فاشل سواء استخدمه الأمريكان أو أى شىء أخر, حتى فيات استخدمته قديما فى بعض سياراتها و ثبت فشله و لكن استخدام التربو الأن يتراجع بعد أن كان شعبيا جدا منذ فترة قصيرة و قريبا سوف يختفى, طبعا ماعدا عند الاخوة اليابانيون الى مستعدين يبيعوا أبوهم عشان كام حصان زيادة.
اقتباس:
بصراحه مش عارف اقول اكتر من ان كل اناء ينطح بما فيه
متشكرين على الأدب لاحظ انى مغلتطش فى حد أنا كنت بتكلم عن الخبراء الذين يرون السيارات اليابانية أفضل سيارات فى العالم. لو كانوا عزاز عليك اوى كده دافع عنهم براحتك.
اقتباس:
ممكن حضرتك تقولي فيات بتبيع ايه في امريكا او في العالم كله
ده مصر اللي كانت مبتركبشي الا 128 معدشي الفيات لديها مكان في سوقها
يا راجل ده لحد الأن عيوب الفيات هيا هيا اللي هيا درجة الحرارة العاليا وساعت الرادياتير اللي بتبوظ
ياااااااااااااااااااااااه ههههههههههههههههههههههههه
تخيل ده كان في الــ 128 من زمان موضوع ساعة الرادياتير
على فكرة أنا قدت ال128 لأربعة سنوات متواصلة و لم تسخن الا اذا كانت هناك مشكلة ما و المشكلة التى حدثت معى مرتين هى المروحة, مرة موتور المروحة اتحرق, و المرة الأخرى فيوز المروحة ضرب بسبب ولاعة السجائر, لكن مفيش عربية بتسخن كده من نفسها.
و على فكرة مشكلة ال128 و ال127 و غيرها من سيارات فيات الأن هى قطع الغيار غير الأصلية, صدقونى لو كانت هذه السيارات الاعتماية جدا تزود بقطع غيار أصلية لما كنت وجدت الفرصة للسخرية منها هكذا.
عموما يكفي أن هذه السيارات مازالت تسير و بحالة جيدة بعد 20-30 سنة من الاستخدام.
سيارات فيات حاليا وكيلها سىء جدا فى مصر كما أسمع, ربما يكون هذا السبب الأساسى فى عدم انتشارها بكميات كبيرة, لكن لا تنسى أن الشاهين هى فى النهاسة سيارة من فيات أيضا, و لاحظ انتشارها الشديد حتى الأن و مبيعاتها و اسأل نصر عن حجم قائمة الانتظار لديها.
اقتباس:
كلمة اخيرة ياريت لو حضرتك عاوز تتناقش
يبقى تتناقش بنفس الأسلوب اللي الناس بتتكلم به
اما غير كده من الفاظ لا تليق بالأعضاء هنا وعلى راسهم المهندس محمد متيما فلا يوجد لدينا مكان لها هنا
مش انت الى هتعلمنى الأدب و كيفية المناقشة, أنا عارف أنا بقول ايه كويس و مش عجبك دوس على Close فى المتصفح الذى تستخدمه.