اقتباس:
الاوروبيين عندما يتحدث عنهم العالم فيذكروا مرسيدس اوي و بي ام و الاكثر ثقافه في عالم السيارات يذكروا ساب و فولفو و فيراري
و لمبو و بنتلي و لند روفر و جاجور و اوستن مارتن و بوجاتي
هنا تذكر الصناعه الاوروبيه
لكن فيات ايطاليه لتنافس الفرنسيات رينو و بيجو ستروين و هذه الشركات عموما تعتبر عار علي الصناعه الاوروبيه
مش زي الفئه الاولي
فيات و بيجو و ستروين عار على الصناعة الأوروبية !!!!!!!!!!!!!!!!!!
فيات يا عزيزى هى الشركة الرائدة فى صناعة السيارات الصغيرة و اذا كانت مرسيدس تقود صناعة السيارات الفارهة, فان فيات هى التى تقود صناعة السيارات الصغيرة.
فيات هى الشركة التى اخترعت المحرك بوضعية عرضية مما يوفر مساحة كبيرة للركاب(128)
و فيات هى أول من ادخلت التربو ديزل الاختراع العظيم الذى نقل محركات الديزل الى عالم سرعة محركات البنزين(كروما 1986)
فيات هى التى علمت العالم كيف تصنع سيارة صغيرة حديثة و أجبرت فولكس على تقليدها (صنعت القيات ال128 فحاكتها فولكس بعدها عن طريق الجولف التى غيرت مفهموم السيارات الصغيرة)
فيات هى التى استطاعت أن تنقذ شركات عريقة مثل ألفاروميو و مازيراتى و لانسيا, و انظر ما فعلته بألفاروميو بعد أن كادت تنهار تماما.
فيات هى التى حاربها الأمريكان و تأمروا عليها من أجل السيارات اليابانية و أشاعوا عنها أنها سيئة الجودة مع أنها و عن تجربة احدى أكثر السيارات اعتمادية و جودة. و يكفى سيارة لم تأتى شركة بمثلها و هى ال131.
بيجو هى اكثر سيارة اعتمادية فى العالم و سمعتها فى مصر لا تحتاج للكلام, و يكفى سيارة مثل بيجو 504.
كان لدينا سيارة بيجو 405 و أقسم بالله هذه السيارة عملت معانا 170 ألف كيلو و لم نفتح الكابوت . كنا بنحط بنزين و زيت و خلاص.
انت كمان هتخبط فى بيجو؟!!! ده الى ناقص
و ده الى متوقع من واحد معجب بالداتسون.
سيتروين!
نعم سيتروين سمعتها وحشة أنا معاك و محركاتها سيئة و لكنها من الشركات المبدعة. و يكفى أنها اول من استخدمت الدفع الأمامى الاختراع الى انت معجب بيه.
اقتباس:
الروس متي صنع الروس سياره ؟؟
ما هي ابداعات الروس في عالم السيارات
خلي الروس اولا يصمموا شكل انسيابي لسياره او حتي تصميم قابل للاستهلاك الادمي
هل في شركه سيارات من يوغوسلافيا ؟؟ والله عمري ما سمعت عنها
و ما دليلك انهم كانوا اكثر جوده من اليابانيات ؟؟
الروس متى صنعوا سيارة؟؟!! الجهل اشتغل.
الروس صنعوا اللادا على فكرة اللادا سيارتهم الشعبية, طبعا لم تسمع عن سيارات مثل الفولجا التى تنافس المرسيدس فى فخامتها و جودتها.
حتى اللادا سيارة تاريخية , و انظر كيف تعيش اللادا و تتحمل .
و انظر اللى اللادا ال2115 ذات الشاسيه المصفح و الأداء الراقى و العمر الطويل.
دعك من النسخة المصرى التى ظهر فيها العديد من عيوب التصنيع.
اليوغوسلافى , طبعا لم تسمع عن شركة زاستافا؟؟ التى تصنع ال128 بجودة عالية الى الأن و التى دخلت أمريكا فى فترة من الفترات و تم التأمر عليها كالعادة.
اقتباس:
اللادا نيفا !!!!
اسمها شيفورليه ايه ؟؟
اسمها شيفروليه نيفا, اللادا نيفا تسوق فى أمريكا تحت اسم شيفروليه بعد اتفاقية بين لادا و شفروليه و هذه الاتفاقية أبرمتها لادا بعد أن تعرض اسمها للتشويه المتعمد من الأمريكيين.
أنا أتكلم عن اللادا نيفا الجديدة و هى مختلفة تماما عن الشكل القديم.
واضح أنك لا تعرف شيئا عن الجيل الجديد من سيارات لادا التى تحاكى السيارات الأوروبية فى أدائها و انسيابيتها.
اقتباس:
طبعا لا حضرتك معطيني احساس ان اللي بيشتروا الفئه دي من السيارات مش كل يوم في سباق هههههههههه
دا اذا طلعت ثانيه اقل الدنيا بتقوم ومش بتقعد ههههههههه
و علي فكره انفنتي جي ٣٥ ٣.٥ سي سي ٦ سلندر و بدون شواحن و بتسبق لومينا ٨ سلندر عشعتاشر شي شي هههههههههههه
و اسآل اي واحد في بلد فيها السيارتين و هو يقولك و اذا مش مصدق انا ممكن تعدي علي اقرب منتدي سيارات خليجي و تحط سؤالك
و شوف الردود
للعلم بيطلع الفرق أكتر من ثانية و لو كنت تقرأ مجلات السيارات و اختبارات السيارات سوف تعرف أن هذه العبارة تتكرر كثيرا :
"تقول شركة ----- أن سيارتها ---- تبلغ سرعة ال100 كلم/ساعة فى زمن قدره 5 ثوانى الا اننا لم نستطع الوصول الى هذا الرقم عبر التجارب و أفضل ما وصلنا اليه هو 5.7 ثانية."
عادى جدا يحدث, و منذ متى و المستخدمين يقيسون زمن تسارع سياراتهم؟؟؟! هل فعلتها أنت من قبل مع سيارتك؟؟؟!
رجعنا تانى لكلام القهاوى من نوعية الانفينيتى تسبق اللومينا و السيات تسبق الجولف. حاول أن تبتعد قليلا عن المنتديات الخليجية التى تزخر بالتفاهات و الأكاذيب.
اقتباس:
مش صح مش كلهم
طول السياره بيفرق
ايرو ديناميكيه السياره بتفع
نوع الدفع بيفرق
نوع المحرك بيفرق و وضعيته
وضعيه و مكان الجير بوكس بيفرق كمان
و توزيع الوزن
و نوع العجلات المستخدمه في العربيه ( في التجارب الرسميه بستخدموا نوع كوتشات اسمها سلكس )
و الامئاااااات من الاسباب العمليه مش بالسهوله اللي انت متوقعها
العوامل التى ذكرتها هى عوامل ثانوية و لا تفرق الا فى أجزاء من الثانية فقطو ليس 0.6 ثانية كاملة ؟؟ و ليست كلها صحيحة. و لا يمكن أن تكون هذه الأسباب تسببت فى تأخر الفيرارى 0.6 كاملة و هىتتفوق عليها فى الأحصنة و خفة الوزن.
بعض المنطق أرجوك.
توزيع وزن كل سيارات فيرارى مثالى 50% 50%
ايرودينامكية الفيرارى عالية جدا و يمكنك أن تشاهدها و عموما هناك مقياس للأيروديناميكية و الفيرارى على حسب ما رأيت ليست سيارة مربعة لكن يمكن نظرى ضعف. هحاول ألبس نظارة و أبص عليا تانى يمكن تطلع مربعة. :-)
الفيرارى دفع خلفى أى أسرع أنواع الدفع.
الفاقد نتيجة الدفع الخلفى لا يتعدى ال3 أحصنة , يعنى مازالت الفيرارى تتفوق فى عدد الأحصنة على السكاى لاين.
الدفع الرباعى لا يفرق فى شىء.
الدفع الخلفى سريع لأنه لا ينزلق بسهولة مثل الدفع الأمامى.
الأسباب الحقيقية التى تؤثر هى مكان التجربة و كمية الهواء فهل تعرف مثلا أن السيارة ممكن أن تبطأ اذا كانت تمشى فى مكان فوق مستوى البحر بكثير , نظرا لانخفاض الأوكسجين.
و طبعا هذه الأسباب لا تعنينا فى شىء لأن هذه التجارب تجرى فى الظروف المثالية لكل السيارات.
اقتباس:
حلو اوي سؤال كيف دا اولا : الدفع الرباعي اقوي من الخلفي في الانطلاق لانه بيكون تراكشن كنترول منه فيه
و مبيحتاجش تراكشن الكتروني اللي بيضيع اجزاء من الوقت
السياره اللي انت مستعين بها هي مكشوفه و طبعا الايرو دينامك ضااااايع عشان الكشف بتزيد مقاومه الهوا للعربيه
ثالثا في فراري المحرك امامي الدفع خلفي يعني لازم حيتآخر
متزعلش يا عم من موضوع الكشف , هجيبلك النسخة غير المكشوفة من السبايدر و هى الفيرارى 550 مارنيلو نفس المحرك و الوزن و لكن التسارع هذه المرة 4.3 ثانية و هذه المرة وضعية المحرك فى منتصف السيارة على فكرة يعنى أفضل وضعية للمحرك.
ماشى يا عم عشان متزعلش أدى ك الظروف أهيه فى صالح فيرارى.
فرقت؟؟
أعتقد كده أثبتلك انو كل الظروف الأخرى متشابهة, طبعا لازم نقول انو الفيرارى بالتأكيد أفضل انسيايية ووضعية علبة التروس و المحرك مثالية و أفضل توزيع لعلبة التروس بالتأكيد فيرارى. ديه فيرارى يابنى هتقارنها بنيسان؟؟ وصلت لحد كده؟؟؟
و لا فيرارى كمان من الشركات الى جلبت العار لأوروبا زى بيجو كده؟؟:-)
اقتباس:
مفيش شركه تقدر تكذب كل العملاء بيشتكوا علطووووول
الحقيقة انا لما جبت الشاهين من نصر قالولى انها بتبلغ ال100 كلم/ساعة فى 12.1 ثانية طبعا مكدبتش خبر و رحت اختبرتها و لاقيت الوقت 12.3 ثانية , قلت ايه المصيبة دى دول نصبوا عليا فى جزئين من الثانية كاملين لازم أخد حقى , فرحت اشتكيت معبرونيش , بس قلت مبدهاش هروح أرفع قضية على نصر لأنهم خدعونى! :-) لو تعرف محامى كويس قولى عليه.
عملاء ايه اللى هيشتكوا يابنى؟؟! يا راجل حرام عليك اتكلم كلام معقول شوية.
اقتباس:
من اين لك هذا
و في الاخر زي ما بيقوالوا الميدان يا حميدان Mr. Green
يعني السياره فاضل عليها كام شهر و بآذن الله ان كان ليا عمر هزهقكم من الفيديوهات اللي جايبه التسارع بتاع العربيه
هو مين أستاذ أخضر ده؟ مش عارف عمال كل شوية أخضر أخضر, مين ده؟؟
زهقنا فيديوهات زى مانتا عايز, أنا مش هتفرج عليها.