المشاركة الأصلية كتبت بواسطة ابوحميد
حاجات كتير اوى متحفظ عليها من كل الاطراف الاساتذة احمد وفادى وماتيما وابو عبدالله
لكن دا شىء عادى لان ربنا مخلقناش زى بعض
لكن حاجة واحدة خلتنى لازم ارد عليها ولو مؤقتا لحد ما ارد رد وافى على كل اللى شايف من وجهة نظرى المتواضعة انها مش صحيحة
الحاجة دى هيا رد فادى انه مش تحت اسمه فيل هندى
وكمان قال ان متوسط عمر اى عربية 100الف لا وكمان المرسيدس من 300الى 400 الف
يا راجل دا انا ابويا اشترى مرسيدس مستعملة كانت عاملة 300الف ودلوقتى كملت 450الف تقريبا ولسه حالتها كويسة
لدرجة انه لما اشتراها زى ما متعود يفتح الكبوت كل يوم ويشوف الميه والزيت اصله كان معه 405 اللى انت بتحلف بحياتها
المهم انه لما راح يغير زيت سال واحد بيفهم فى المرسيدس يعمل ايه كل يوم قبل ما يشغل العربية وايه اللى يكشف عليه
الراجل قال له متعملش ولا حاجة كل اللى عليك انك تكشف على البنزين ولو نقص تروح تمون :twisted: :twisted: :twisted: :twisted: :twisted: :twisted: :twisted: :twisted:
وحاجة تانية عاوز اقولها
كان معانا الاول 128 اللى مش عاجبة اخويا ابو عبدالله
كانت اصيلة وبشوية اهتمام ماشية زى الفل وبنسافر بيها من الصعيد للاسكندرية ومفيهاش موضوع السخونة دا
وبعدين غيرنا جبنا 405
محصلش اننا شتمنا فى ال 128 وفى نفس الوقت مقلناش ال 128 احسن لان كل وقت ليه ظروفه ومتطلباته
ولا لما جبنا المرسيدس لعنا ابو البيجو
ارجو اكون وصلت الرسالة
:( :( :( :( :( :( :( :( :( :( :( :( :(