علي فكره فيات ٥٠٠ عجباني جدااااااا مع انها مش نوعي من العربيات
بس ضعيفه :evil: :evil:
عرض للطباعة
علي فكره فيات ٥٠٠ عجباني جدااااااا مع انها مش نوعي من العربيات
بس ضعيفه :evil: :evil:
ايه الكلام الكتيييييييييير أوى ده انا مبأتش عارف الناس بتتكلم على ايه
المفروض أن واحد كان عارض تقرير من مجلة عن أسوأ 10 عربيات السنه د
وفجأة الموضوع أتلخبط والبورش بأت بعجلتين وفيات فى أمريكا ورجعنا بالزمن 50 سنة للأمام وكلام غريب مش فاهمه :?:
معلش يا جماعة انا من رى ان الموضوع يتقفل على كده ولو حد عايز يناقش أى موضوع تانى يعمل موضوع جديد بأسم جديد
قرأت أراء كثيرة هنا من فادي و أبو عبدالله
فادي متحامل جدا على الياباني
و أبو عبد الله مش عاجبه الفيات
و لكن لي رأي للأخوة
الفيات من احسن الشركات في العالم التي تصنع سيارات
و السيارات اليابانية أيضا من أفضل الصناعات عموما و ليس السيارات فقط
و اللي يقلل من السيارات الياباني يبقى مش دارس الموضوع كويس
و مثلا شركة زي شركة نيسان بتصنع سيارات أفضل مائة مرة من شركات اوروبية كثيرة
و على فكرة السيارات الأمريكي هي اللي مش قد كدا ( رأي شخصي ) مع أنهم ليهم إنتاج غزير جدا
و أختلاف الرأي لا يجب أن يعتد به كحقيقة
لأن أنا شايف أن كل واحد من الأخوة الأفاضل يعتبر رأيه حقيقة مؤكدة
الأستاذ فادي فين العربيات اللي مش عاجباك في الياباني ؟؟؟؟؟؟؟؟ فين الهوندا الخطيرة و التويوتا و النيسان ؟؟؟؟؟؟
الأستاذ أبو عبد الله أنت ليه ضربت مثالين على عربيتين فيهم مشاكل ؟؟؟؟؟؟؟ زي السينا و 128
طيب يا راجل فين 131 و 132 و البونتو و الموديلات الأخرى الناجحة
كل مصنع بيطلع حاجات وحشة و حاجات حلوة زي مثلا الدايهاتسو التيريوس القديمة موديلات ما بين 1998 إلى 2004 تقريبا كلها زبالة و غير موزونة .......... و تلافت الشركة العيب و أخرجت عربية روعة و هي التيريوس الموديل الجديد
يعني فيات ماكفرتش علشان طلعت موديل وحش
و شكرا
:mrgreen: :mrgreen: :mrgreen: :mrgreen:
انا مش بقول ان فيات وحشه ولكن مش زي ما هوا بيقولاقتباس:
الأستاذ أبو عبد الله أنت ليه ضربت مثالين على عربيتين فيهم مشاكل ؟؟؟؟؟؟؟ زي السينا و 128
طيب يا راجل فين 131 و 132 و البونتو و الموديلات الأخرى الناجحة
وبعدين احنا بنتكلم على الان
ولو رجعنا علشان نقول 131 و 132 والكلام ده يبقى بنتكلم على زمن تاني خالص وكمان مش هيبقى كلامنا مظبوط لأن احنا مجربناش العربيات الياباني في هذه الايام لأن مصر لم تكن تعرف الياباني انا ذاك
وهو ده اللي قصدي عليه مش اكتر
فيات كان ليها موديلات ايامها ولكن الان انا شايف انها مش بنفس مستوى منافسيها والدليل عدم الانتشار لها
الا للسعر
وهذا لا ينطبق على كل الموديلات ولكن غالبها
وشكرا لك
http://www.youtube.com/watch?v=g0NjJZmKzAYاقتباس:
هل رأيت واحد قبل كده بيقارن بين النيسان و الكورفيت, لا و دلوقتى نيسان و فيرارى؟؟؟ ده مدير فيرارى لو سمعنا هيقتلنا احنا الاتنين يا اما هينتحر لأن سيارة من عنده تم مقارنتها باحدى علب داتسون المتحركة
http://www.youtube.com/watch?v=omhdzZvqCa4
Enjoy
Thanks
Eng.Sherif Shaker
عزيزى ألأستاذ محمد متيما, أقدر لك عملك بمجال السيارات و لكن يا عزيزى بعض الحقائق رغم ذلك قد تكون خافية عليك, و هى خافية عن الكثيرين, لأنها مؤامرة عالمية و المؤامرة قدرها أن تعمل فى الخفاء.اقتباس:
بس سياره والدي عامله مليون و 200 الف كيلو متر و كانت تويوتا كرسيدا و هي مع اخي الاصغر و يرفض بيعها
أولا لا يوجد محرك بنزين فى العالم يبلغ مليون و 200 ألف كيلومتر, مستحيل علميا و عمليا مستحيل تماما و لعلك تعرف ذلك , محرك البنزين عمره الافتراضى 100 ألف كيلو, و أكثر المحركات المعمرة المعروفة (محركات مرسيدس) تبلغ 300-400 ألف كيلو و لا تزيد عن ذلك. محركات الديزل فقط هى التى يمكنها بلوغ عمر كهذا, و الأغلب أن التويوتا التى لك تم تغيير محركها, بعد اجراء عمرتين له, لا يوجد محرك بنزين قدار على بلوغ المليون كيلو أبدا. أو ربما تكون هذه التويوتا مزودة بمحرك ديزل؟؟؟ ربما.
لا يمكن طبعا. عموما سوف أورد لك بعض أسعار السيارات اليابانية فى السوق الأمريكية و سوف نرى كيف أن السيارات اليابانية سيارات تلعب على السعر و السعر فقط :اقتباس:
اسعار ال لكزس هذه الايام تكاد تكون اغلى من ال مرسيدس في بلدان
تويوتا هايلاندر 3.3 لتر أعلى موديل بها : 30,435 $
تويوتا كامرى تبدأمن 19,620$
تويوتا كورولا أعلى موديل 15,450$
هوندا اس 2000 أعلى موديل 36,300 $
هوندا أكورد أعلى موديل 29,400 $ و تبدأ من 20,925 $
و الأن قارن و سوف أختار صانع أمريكى أسعاره منخفضة بعض الشىء و هو شيفروليه :
شيفروليه تاهو تبدأ من 34,095 $ و أعلى موديل 38,950 $(قارنها مع الهايلاندر)
شيفروليه امبالا تبدأ من 21,920$ (قارنها مع الأكورد و الكامرى)
شيفروليه كورفيت تبدأ من 44,250 $ و تنتهى ب 69,175 $ (قارنها مع الاس 2000)
لكزس جى اس 450 اتش 54,900 $ !! غالية جدا
لكزس ال اس 460 61,500 $
لكزس اس سى 430 (رياضية مكشوفة ) 65,455 $
قارنها مثلا مع كاديلاك :
كاديلاك اس تى اس - فى 76,665 $
و مع المرسيدس اى كلاس
مرسيدس اى كلاس 60,900 $
مرسيدس اس كلاس $144,200
انظر الى مرسيدس الرياضية الأن سى ال 550 99,900 $
مرسيدس سى ال 600 144,200 $
قارنها الأن مع لكزس الرياضية المكشوفة.
و فى النهاية انظر الى صغيرة مرسيدس السى : 40,400 $
قارن بين الأسعار مع العلم أن الشيفروليه ليس من صانعين الصف الأول فى الولايات المتحدة. بينما تويوتا و هوندا و لكزس هم أفضل الصانعين اليابانيين.
و لعلك تعرف أن مرسيدس فى الولايات المتحدة هى سيارات الأغنياء فقط, و الأمريكية لمتوسطى الدخل, و اليابانية للفقراء و الموديلات الكبيرة منها لمتوسطى الدخل.
عزيزي قبل ان نختم هذا الموضوع احب ان ارد مره اخيره
و لك مطلق الاعتقاد بعد ذلك في ما تحب او تفضل
ردا على هذااقتباس:
أولا لا يوجد محرك بنزين فى العالم يبلغ مليون و 200 ألف كيلومتر, مستحيل علميا و عمليا مستحيل تماما و لعلك تعرف ذلك , محرك البنزين عمره الافتراضى 100 ألف كيلو, و أكثر المحركات المعمرة المعروفة (محركات مرسيدس) تبلغ 300-400 ألف كيلو و لا تزيد عن ذلك. محركات الديزل فقط هى التى يمكنها بلوغ عمر كهذا, و الأغلب أن التويوتا التى لك تم تغيير محركها, بعد اجراء عمرتين له, لا يوجد محرك بنزين قدار على بلوغ المليون كيلو أبدا. أو ربما تكون هذه التويوتا مزودة بمحرك ديزل؟؟؟ ربما.
السياره لم يتغير محركها إطلاقا و ال سياره مركونه و تفضل سيدي بمشاهدتها
و لم يحدث لها غير وش سلندر بس و كان السنه الماضيه و انا اللي عمله في ورشه فالدقي مع مهندس عمرات هناك و لكنه فاتح ورشه
و السياره مره اخرى إذا اردت ان تشاهدها اهلا و سهلا
ثانيا في مقارانات الاسعار انا لم اتحدث على تويوتا بس تحدثت على لكزس
ثم وجدتك تقارن بين ال لكزس جي اس 450 هايبريد و بين ال إي كلاس 550
المقارنه ستكون سيدي الفاضل بين لكزس جي اس 460 و بين إي 550 و بي ام 550اي رغم انهم ازيد ب 1 ليتر تقريبا
فستجد $52,620 $59,400 $58,500 على التوالي
و للتأكيد قارن ايضا في محرك ال في 6
جي اس 350 و بين إي 350 و بي ام 535اي
$44,150 $50,900 $49,400
و ستجد انه في الفئات الاساسيه عند لكزس ليس بها كماليات كثير للسعر الاساسي على عكس كلا من بي ام و مرسيدي بكامل الكماليات
و في فئه
اي اس 350 و بين سي 350 و بي ام 335اي
$35,905 $36,500 $38,900
ولاحظ الفروق القليله رغم ما قلته سابقا
اما ال اس سي 430 فلا تقارن لانها قديمه و في اطار التغيير قريبا
ولا اعلم لما ادخلت الكاديلاك اس تي اس في فالموضوع
فا ال في عند كاديلاك تنافس ال ام عند بي ام دابليو و ال ايه ام جي عند مرسيدس و ال ار اس عند اودي
و ليس لدى لكزس فرع للمحركات عاليه القوه
فقط فرع اف الحديث العهد في سياره ال اي اس و لم يعلن عن سعره
و إذا دخلنا لفئه ال اس 460 و مرسيدس اس 550 و بي ام 750اي ال فنجد الاتي
$71,500 $86,700 $75,800
للاسعار الاساسيه ايضا كما قلت لك
رغم انها اقل منهم ب 500 سي سي مع ال فئه السابعه و 1000 مع ال اس كلاس
هذا بالاضافه الى انها اقل منهم فالكماليات
و هذا ايضا اذا ما قارنت اكبر 4*4 لدى لكزس و لدى تويوتا فستجد الاتي
لكزس ال اكس470 و جي ال 470 مع لاندروفر رانجروفر 4.4 ستجد الاسعار كالاتي
$67,395 $54,900 $57,235
اي ان ال لكزس ال اكس اغلى من ال رانجروفر و ال جي ال
رغم ان ال اكس هذه ال جيل القديم فما بالك فالجديد
و أخيرا ارجو ان يكون هذا غير ما قلت عن ان
والسلام ختاماقتباس:
قارن بين الأسعار مع العلم أن الشيفروليه ليس من صانعين الصف الأول فى الولايات المتحدة. بينما تويوتا و هوندا و لكزس هم أفضل الصانعين اليابانيين.
و لعلك تعرف أن مرسيدس فى الولايات المتحدة هى سيارات الأغنياء فقط, و الأمريكية لمتوسطى الدخل, و اليابانية للفقراء و الموديلات الكبيرة منها لمتوسطى الدخل.
علما ان هذه الاسعار موجوده على كل مواقع السيارات الرسميه
و صدقني انا اعرف فالسيارات الكثير
و ما قلت عن المؤامارات و هذا الكلام ليس له اساس من الصحه إطلاقا
أنا عموما مبحبش المناقشات اللي زي دي..لكن لازم أرد علي النقطة ديه.اقتباس:
أولا لا يوجد محرك بنزين فى العالم يبلغ مليون و 200 ألف كيلومتر, مستحيل علميا و عمليا مستحيل تماما و لعلك تعرف ذلك , محرك البنزين عمره الافتراضى 100 ألف كيلو, و أكثر المحركات المعمرة المعروفة (محركات مرسيدس) تبلغ 300-400 ألف كيلو و لا تزيد عن ذلك. محركات الديزل فقط هى التى يمكنها بلوغ عمر كهذا, و الأغلب أن التويوتا التى لك تم تغيير محركها, بعد اجراء عمرتين له, لا يوجد محرك بنزين قدار على بلوغ المليون كيلو أبدا. أو ربما تكون هذه التويوتا مزودة بمحرك ديزل؟؟؟
موتور ال127 ال900 سي سي عامل معانا 340000 كم (ثلاثمائة و أربعون ألف كيلو متر) و كان لسة حالته كويسه يمشي كمان 50000 كيلو....مع العلم ان في خلال ال 340000 دول الموتور متفتحش تمااااممااا..أخره كان جوان وش سيلندر....و وقت ماحتجنا نظبط الموتور احتاج طقم شنبر بس و و طقم صبابات بس..
تويوتا كورولا 2001 كانت مع زميل في الكلية واصلة ل 280000 كيلو من غير ميغير أي حاجة في العربية كلها مش الموتور بس...و عمل الصيانة الدورية 3 مرات فقط خلال المسافة دية...و وقت ما اتباعت الموتور كان بحالة ممتزة و مش محتاج حاجة بردو
لي صديق أيضا والده عنده شركة سياحة فا كان عندهم سيارة seat toledo القديم...و كانت عاملة 1,280,000 كيلو متر و كانت عاملة عمرة واحدة في النص بس الموتور منفعش تاني و غيروه بعد المسافة ديه....الموتور كان 1800 بنزين
أنا مش بفتي ولا بقول كلام من الهوا عشان أسخن الموضوع..دي حقائق و ربنا يعلم مدي صحتها
كان في واحد كاتب في منتدى بيجو ان واحد صاحبه عامل بالعربية بتاعتة مليون و250 الف كم ولسه معاملش عمرهاقتباس:
ولا لا يوجد محرك بنزين فى العالم يبلغ مليون و 200 ألف كيلومتر, مستحيل علميا و عمليا مستحيل تماما و لعلك تعرف ذلك , محرك البنزين عمره الافتراضى 100 ألف كيلو, و أكثر المحركات المعمرة المعروفة (محركات مرسيدس) تبلغ 300-400 ألف كيلو و لا تزيد عن ذلك. محركات الديزل فقط هى التى يمكنها بلوغ عمر كهذا, و الأغلب أن التويوتا التى لك تم تغيير محركها, بعد اجراء عمرتين له, لا يوجد محرك بنزين قدار على بلوغ المليون كيلو أبدا. أو ربما تكون هذه التويوتا مزودة بمحرك ديزل؟؟؟ ربما.
وكمان شوف العربيات بيجو اللي شغاله في المحافظات من السبعينات
اعرف واحد معاه بيجو 504 اشتيشن بتاعت الشرطة ومطلعين عينها كل اسبوع عسكرى جديد يسوقها بسألة هي
عاملة كام كيلو قالى شكلها معدي مليون على الاقل والعربية ده كانت موديل 78 ومع ذلك شغاله كويس وماشية
ومش بتعطل ولا بيحصل فيها اي مشاكل بس هيا شكلها يصعب على الكافر مش بقولك عساكر بيركبوها ويناموا فيها
اهم حاجة انك تحافظ على العربية وتحترمها وتسونها وتكون ايدك فيها على طول