الموضوع: طقم دبرياج بولو 2001

المشاركة الأصلية كتبت بواسطة connexions

je vous conseille d'utiliser luk ou sachs, valeo est bonne, mais luk et sachs sont beaucoup mieux, mais je pense qu'il n'est pas facile à trouver luk sur le marché, et bien sur les sachs sont chinois

الترجمه:

أوصي باستخدام ساكس أو لوقا ، فاليو جيدة ، ولكن ساكس ولوك هي افضل بكثير ، ولكن أعتقد أنه ليس من السهل العثور على لوقا في السوق ، وبالطبع ما كان الصينيون ساكس

:b4_611: احنا جامدين قوي اهوه بس اخر جمله مش مظبوطه

على فكره اسمو لوك مش لوقا وفعلا لوك من افضل الناس اللى بيصنعو طقم دبرياج

طيب ربنا يسهل وألاقيه لما ساعته تيجى.

أخيرا عرفت الاقى وقت و اعمل طقم الدبرياج
يوم السبت روحت لياسر و اكد لى ان طقم الدبرياج هو سبب تقل الدواسة و عدم سلاسة عصاية الفتيس
نزلت على شارع دمشق و لكن أشرف الشهابى لم يكن موجود و بالتالى ما حدش فى المحل بيبيع حاجة فولكس (معلومة مهمة عن الشهابى انه لا يتواجد ايام السبت)
عديت على فتح الباب و كان عنده ساكس لكن شكل الخامة و التقفيل غريب رغم ان محفور عليه صنع فى المانيا و كمان العلبة لونها بيطلع فى الايد
ما رضيتش اخده و قلت ادور تانى
بالفعل لقيت محل صغير شغال فى اوبل و فولكس
عنده ساكس و لوك (ألمانى و صينى)
صحيح نفس الشكل و العلبة اللى عند فتح الباب بس الخامة و الفنينش يطمن
اخدت الساكس و رجعت على ياسر
تغيير الطقم اخد منه ساعة و نص شغل و عملت شوية حاجات بسيطة (تغيير مياه و كلام بسيط) كله استغرق ساعتين
ما شاء الله التوقيت رقم قياسى بس كان حراق شوية فى المصنعية المرة دى (اكيد عشان اخر الاسبوع و دى عادة الصنايعية)
المهم ان الدبرياج بقى تمام و ناعم زى ما كنت اتمنى و الحمد لله

أحسن حاجة انى عرفت اقابل اسامة يومها (و ان كان لقاء سريع) و ربنا يديم المعروف

أفضل حاجة حصلتلي يوم السبت اني فعلا قابلتك يا محمد

وبجد سعيد جداً بيك لدرجة لا تتصورها

الله يبارك لك
ده من كرم اخلاقك
و القلوب عند بعضها و ان شاء الله تتكرر مرات و مرات فى الخير