الموضوع: Nubaroo's daewoo running 2 Bar boost

المشاركة الأصلية كتبت بواسطة MMamdouh

مين قال ان المكلارين طلعت عشان الجو حر؟؟؟؟ المكلارين طلعت عشان اخف فى الوزن مش اكتر... و بعد كدة البوجاتى "اللى فيها تربو" طلعت منها.... و اعتقد ساعتها كان الجو لسة حر برضة
حضرتك المكلارين تسارعها في 3.2 و البوغاتي في 2.5
يبقا ازاي المكلارين اخف و تسبق في الطلعه!
و الي سمعته بردو انها سبقتها لغيات ما البوغاتي اتكيفت مع الجو و ظبطت التبريد و بعدها فرقت

مين قال ان الايفو عربية مش رياضية... و مين قال انها اتقل من الكورفيت؟؟؟ كفاية اساسا وزن مكنة الكورفيت لوحدة
موتور الكورفيت اه تقيل و كبير بس مقارنتا بباقي سيارات فئته فهو خفيف جدا لانه هو و بدي العربيه مصنوعين من موا خفيفه لانها رياضي و سمعت انها اخف من الايفو بردو و الايفو انا بقول مش رياضيه لانها مش بابا واحد
الحقيقة مسمعتش عنها و لو كنت سمعت عمرى ما كنت حقول انه عيب فى العربية... اى ايفو فى مصر بتبقى عربية جاية من برة متقطعة و ملحومة... يعنى فى الاساس العربية طلع عين ابوها جرى و سباقات برة مصر و لما بدات تبقى كنبة اتباعت بشلن و جة شاب لطيف من مصر ركبها و هى خلصانة

لا يا مان في حوالي 3 عربيات ايفو في مصر اصحبهم شرينهم بورقهم هو اصلا سعر العربيه كام 600 الف! في كتير يقدر يجبها بدل الموستنج و الرمسيدسات و كدا
و هي عربيه من دول و مش فاكر اسم صحبها الحقيقه لن الموضوع ده حصل قريبا كان بيجري مع واحد و حرقين اوي و فضل علي سرعه عاليه فتره الموتور راح و كتير اكد لي الكلام ده مينفعشي تعلق علي سرعه عاليه بعبيه فيها تربو ابدا او ممكن يكون الكلام علي المحركات الي مش بتستحمل التربو بس هو الايفو مش فيها التربو استوك اصلا!!!!!!!
معلش اللى بتقولة دة غلط... انا ركبت تربوهات بايدى و عارف كويس اوى التربو بيشتعل امتى و ازاى و يقدر يعمل ايه و القصة ملهاش علاقة لا بزحمة و لا حر

دي وجهة نظرك و انا معرفشي في التربوهات كتير و مش هقدر اقول لك كلامك غلط لكن انا سمعت موضوع الحر و الزحمه دا كتير عشان كدا بيظبطو الشواحن انها متبدئشي الا عند 3500 او4000 لفه و دا افضل طبعا

مش فاهم ايه المعزى من كلامك... راجع فيدوهات best motoring لما قارنوا بين عربيات ستوك و عربيات فيها تربو و بينوا الفرق بينهم... و خللى بالك ان دايما حتلاقى الكلام على عربية بموتور صغير و تربو مقارنة بعربية بموتور كبير N/A و دايما حتلاقى العربية اللى بتربو اسرع
اولا التربو اقصي قوه بيزودها هي 60% يعني مش بيقلب الحال 180 درجه اه هو بيعلي كتير اوي بس ده حسب القدره الي بيطلعها الموتور اصلا و حسب النوع و حسب التركيب و حسب الموتور هيستحمله ولا لا اصلا
اختلف معاك ان في حد في اوروبا بيفهم بيطلع عربيات فيها تربو ادام عربيات مفهاش و بيقول التربو كسب لو حصل سباق زي ده بيبقا ودي بس لكن زي ما قلت لك تربو ادام تربو و استوك ادام اسوك و الفا 2000 سي سي تربو قامت بالواجب مع الايفو الي الناس طلعه بيها السمه لكن فكره الشواحن التربو ليست فكره عمله او في جدول الفا او مرسيدس او اي شركه من الشركات صاحبه الرياده في تصميم المحركات
الكريستالات اللى بتتعدل ايفو دى مليش فيها ولا هى مجال للمقارنة... دا شغل عك و تاليف بيعملة هواه الفتى و الفهلوة فى مصر... دة مش ذنب شركة متسوبيشى ولا ذنب الايفو ان الناس بتقلدهم
تمام و انا كنت بتكلم علي العربيات الكرستاله الي متركبه فيها ايفو في مصر مش بتكلم علي الايفو و حططها مثال زيها زي النوبيرا الي حضرتك بتتكلم عنها و بقول يا فرحتي بالجريه الي هي طلعه من شواحن اصلا مش موتور و انا لا معايا فرامل ولا ثبات ولا عربيه تتركب اصلا
يعنى احنا مقتنعين ان العملية مش كبر مواتير و خلاص... القصة منظومة ديناميكية متكاملة بتشتغل مع بعضها عشان تحصل على اداء متكامل
اوك تمام مش مواتير كبيره و استعراض عضلات علي الفاضي زي الامريكي ولا مواتير صغيره بشواحن زي الياباني(ايه الموتور مش قايم بالواجب اوك عادي خد الشاحن ده) انما مواتير متوسطه بقوه جباره زي الالماني

على فكرة الشدات اللى بقول عليها بيبقى اللى راكب العربات التانية هو اللى عايز يجرى معانا لانة شايف النوبيرا سريعة فا بيحب يعلم عليها (او على الاقل بيبقى فاكر انه حيقدر يعلم عليها) و فى الاخر هو اللى بيتعلم علية و 99% من المرات بيوقفنا عشان يشوف المكنة اللى فيها شكلها ايه و بتطلع الاداء دة ازاى... و اخرهم كان واحد ب E39 فيها مكنة 2800
اوك عادي كدا زي ما قلت لك ميمفعشي تطلع تربو ادام عادي و دي سباقات زي ما انت قلت وديه و ميمفعشي تقول النوبيرا طلعت من تت!!!!!!زي ما قلت لك يافرحتي بالفرنا الي بتطلع من الاوكتفيا مستريحه
طلعة الفرنا من الاوكتافيا فرق وزن... و ارجع و اقولك تانى لو عايز تمرمط الفرنا متجريش معاها فى خط مستقيم... اى طريق فيه ملفات محترمة حتمسح بالفرنا الارض... اصل لو اللى راكب الفرنا فاهم عربيته يبقى حيهدى جامد قبل الملف... و لو مش فاهمها حيتقلب فى الملف... و كدة او كدة الاوكتافيا حتطلع
انت مش فهمني بردو يا مان انا بتكلم علي المقامات يعني واحد معاه فرنا ييجي بقول لبتاع الاكوتفيا انا احسن منك ولا انا بطلع منك!
يعني مهما النوبيرا طلعن ولا زنلت هي في الاخر نوبيرا و مثلا بتاع بي ام 320 مثلا و عارف هو راكب ايه كويس مهما عملت البدع ادامه عشان تسخنه اقصي حاجه ممكن يعملها يفتح لك الاريل الكهربا و يبص لك بأستحقار و يسيبك و يمشي
و الموضوع ده انا وقعت فيه اني مثلا بومه و ناوي اسقط ميفاك هكون ابدعت كدا!
لو انا ميفاك 2400 بيطلع 168 حصان هتيجي جولف 2300 بال200 حصان بتعها تعمل معايا احلي واجب
و اخري هشد مع مين هتشطر علي الانسر الاتسوك و الكورولات و الحجات دي!
بس الي مثلا بيجيب جولف ولا بي امات ولا الفات لعبه كله مع الm3 و الالمانيات الي زيه و لما حتا يحط تربو و يعدي كله اه عربيه قادره و محدش هيفتح بقه الا انه ممكن يقول انت تربو و انا لا لكن لو لانسر ميفاك نفترض مثلا انها عدد جولف ولا بي امايه بردو بتاع البي ام هيعمل له زي ما عملت ال320
القصة مش مكنة و بس... انت عارف انى بطلع من ناس كتير بالفرامل مش الموتور؟؟؟ لازم تبقى فاهم عربيتك و عربية الى جنبك عشان تعرف انت ميزتك فين و ميزة العربية التانية فين... يعنى لو معاك اوتوماتك متفكرش تطلع مع عربية مانيوال من ثبات... و لو معاك عربية تقيلة فى الوزن متفكرش تجرى اول تانى مع عربية لعبة زى الجيتس والبرايد و الحاجات اللى عاملة زى النبلة على الاولانى دى

كلام جميل كدا يا مان و ده لعبي مع الانترات و محدش بيصدق اني 1.3 اوتو بطلع من الانترا منيول ازاي اطلع لي يا حبي في طريق تغريز او ملفات و يبقا يوريني نفسه اجري اد ما تجري علي الملف بالجنط ال16 عريض و تهبطك بس بردو هتنزل ل40 انا الكيك دون و طاير من جمبه
وجهة نظرك تحترم طبعا و محدش يقدر يفرض عليك اى رائى
احترم من يحترم اراء الاخرين

زى ما قولتلك قصة الحر و الزحمة ملهاش علاقة بالتربو... بيئه عمل التربو اكثر حرارة من الجو بمراحل... التربو ممكن يوصل الى درجة الاحمرار من حرارة العادم اللى بيمر فيه... تفتكر حرارة الجو تفرق معاه فى حاجة؟؟
انا قلت اني مش ضليع في العالم ده لكن كلامك جميل و هقرء عن التربو تاني في اوقات فراغ و هرد عليك
كمان بالنسبة للزحام و السير ببطء... معظم التربوهات بتبداء من 2500 الى 3000 تشتغل و طالما انت تحت السرعة دى التربو مش حيعمل اى حاجة
اه و في ناس بتعلي اكتر من كدا كمان و لكن العربيات الاستوك بتنزل من 1750 زي اللينا و البرافو و ده الي ديقني اوي منها و كان نفسي ان التربو ميشتغلشي غالص الا بأمر مني و دا كان هيكون شئ رائع الحقيقه
انا ملاحظ انك بتبنى حكمك على العربيات اللى فى مصر و غالبا دى بتبقى اما مدعوكة برة مصر و اتباعت على انها خردة او حد مركب التربو بطريقة بلدى و طبيعى ان العربية تتوفى... بص على التربوهات اللى بتنزل ستوك و بص على التربوهات اللى بيركبها متخصصين... راجع حتى التربو اللى فى اول مداخلة و شوف تسارع العربية... التربو لو اتعمل صح العربية بتتحول

اه ما انا اسمع كتير بردو ان لو التربو اتركب غلط ممكن يقلب الموتور سلطه جوه عموما اصلا في مصر الموضوع مكلف كدا و انا مش مقتنع و كتير من صحابي بردو مش مقتنعين بأني اركب تربو علي موتور كورولا ولا لانسر اتسوك بدون تغيير اي حاجه فيه و اناس قالت ان لو ده حصل المصامير هتسيح بمعني الكلمه يبقا ما بالك بالموتور من جوه
و فعلا انا بنشيل المواتير ال1.6 و نسقط لحد 2.8 و مبنفكرشي في شواحن خالص لان ابيط حجاه زي ما انت قلت مفيش حد في مصر بيعمل شغل صح و مكلفه اكثر من اني اجيب مواتير كبيره و صيانه مقرفه

مهو التربو برضة تكنولوجيا و مرتبطة بتصميم المحرك ارتباط وثيق... ازاى بتهدر حق الشركات اللى بتصنع تربوهات بالشكل دة؟؟؟ انت عارف اصلا ان تركيب التربو اسهل كتير من ضبطة؟؟؟ يعنى وجود تربو فى عربية محتاج شغل و فكر و تضبيط كتير جدا... هى الفكرة ان محدش فى مصر بيقدر يضبط الكلام دة بالتالى محدش بيحبة... دا عيب فينا مش فى التربو

اوك طبعا التربو بيحتاج شغل عشان يتركب و ممكن يكون شغل كبير لن لن يكون شئ في اختراع تكنولوجا محرك جديده!!!!!!!

بالنسبة لفولفو انت فات منك حاجة مهمة... فولفو مش بتعمل سيارات رياضية فيها تربو... دى سيارات ركوب عادية و التربو الل فيها صغير و مبيزودش الاداء بالشكل اللى انت متخيلة... انزل الشارع حتلاقى الشيفرولية الدبابة و المكروباصات التيوتا الجديدة كلها بتربو... هل معنى كدة ان دول اسرع من اى عربية ملاكى؟؟... لا طبعا
التربو له حجم و ضغط على اساسة الاداء بيتحسب... لما تركب تربو صغير بضغط واطى حتزود الاداء حاجة بسيطة... لكن لما تركب تربو حيوان شغال على 2 بار العربية حتتحول الى صاروخ... بالتالى مش اى عربية فيها تربو المفروض انها تبقى طلقةو تقطع الدنيا... المهم التربو دة قد ايه و بيطلع ضغط قد ايه

تمام يا مان بس انا بقول انها صاحبه الرياده في هذا المجال و لو كانت شيفه انها تعمل مواتير صغيره غليها تربوهات كبيره افضل كانت زمنها عملت و كانت هطلع عربيات لعنه بمعني الكلمه وسعتها لا هنقول لا ايفو ولا الفا لان محركات فولفو معروفه بقوتها و تربوهاتها تستخدم فيها اعلي تخنولوجا و افضل تصميم لكن ليه بردو فولفو مصممه علي محركات كبيره و تربوهات صغيره!!!!

شوف الفيديو دة لعربية E34 M5 و راكب فيها تربو... شوف القدرة و شوف الاداء بقى عامل ازاى... و شوف حجم التربو مقارنة بتربو الفولفو
YouTube - BMW M5 Turbo E34

MMamdouh

علي فكره عادي يا مان
دا شئ معروف عن التربو اصلا حاجه ليس لها حجم و ترفع الاداء جدا يبلاش لكن لما بتبص لاضراره و تكلفته و نهايه القصه معاه بتقول موتور كبير افضل و دي زي ما قلنا وجهات نظر

و واضح انك اديم في حوار التربوهات ده و عارف فيه كويس فنستغل بقا المقابله الجميله دي و نستفيت منك
انا لانسر 1.3 اوتو عاوز اركب تربو
ما هو نوعه؟
و ما تكلفته؟
و هل هغير اي جزء من اجزاء المحرك ولا زي ما هي عادي هيركب عليه بس
و هل وجود شاحن تربو مش هيقلل عمر المحرك او الجير بوكس يعني بالزات الجير بوكس اظن انك لو جبت جير بوكس بتاع 1.3 و حطيته علي موتور 1.6 مش هيقوم بالواجب خالص و لو قام هيطلع عينه و مش هيطول معاك صح؟
معلشي يا مان بتقل عليك شويه

المشاركة الأصلية كتبت بواسطة medoakef

الف شكر يا مان علي الفيديوهات الجميله
لكن اصلا كل الريسنج دي مش رسميه لان كلهم مواتير استوك ادام موتور تربو و دا مينفعشي اصلا!!!!!!!
عموما انا اركب موتور 3000 سي سي و مركبشي 1600 بتربو حتي لو ال1.6 ادائه اعلي التربو اصلا انا بكرهه بمعني الكلمه و شايف انه مشروع فاشل و ليس له قيمه ولا يظهر اي قوه للشركه المصممه
ولله العربيه دي بتفكرني بالايفو الي نزلت 2000 دفع رباعي و مرمي فيها شواحن الدين و الدنيا و حسبو انهم ابدعو كدا جت لها الكورفيت علمتها الادب يعني الشركه الي عوزه تعمل نفسها حاجه كانت تعمل عربيه في 6 اسابيع 12 سلندر (جولفgt( و تقول اهو احنا عملنا اسرع عربيه هاتش باج علي وجه الارض من غير شواحن خالص
و عموما حتي لو العربيه بتجري اوي الجري مش كل حاجه حتي في الريسنج فين فراملك فين ثباتك !!!!!و بسعر اقل من ده بكتير هجيب بي ام 85 و اسقط 3200 و ابقا سلم لي علي النوبيرا بقا حوار فاشل بمعني الكلمه

لو في Drag Race يبقي :

المشاركة الأصلية كتبت بواسطة spidermohmd1

لو في drag race يبقي :

ههههههههه
بس في التوب سبيد هيحصل العكس

المشاركة الأصلية كتبت بواسطة spidermohmd1

لو في drag race يبقي :

ايه يا مان بس ليه كدا يعني لا طبعا هجيب لك فديو لكن الموقع الي انا كنت متفرج علي الفديو فيه مهنج دلوقتي بس اول ما يفتحه هجيبه لك
الايفو طلعت نص كبوت من الكورفت و بعدها الكورفت فرقت
و لو الايفو طلعت في الاول دا عشان هي 4*4 و هي طلعه بتحس انا بطنط مش بتطلع عادي و الاربع عجلات بيتحركو مع بعض فمش بتفرك كتير عشان تحرك نفسها يعني مفيش لوز بور عكس الكورفت الي هي دفع خلفي بس فبتفقد بور كتير في طلعتها
و يعني الايفو 2000 و عليها شواحن يعني المفروض وزنها خفيف و بطلع احصنه كتير و الاصدار الاوروبي الجديد 491 حصان يعني تامفروض تمفخ كله لكن الكورفت هو موتور كبير فقد و دفع خلفي مش 4*4 يعني تشكر اوي بالوزن و نظام الدفع ده اناها تسد مع الايفو صح؟