الموضوع: هل عربيتك اللانوس بتطير من الهواء ؟

المشاركة الأصلية كتبت بواسطة AhmedCooper

[OVERLINE] [/OVERLINE][OVERLINE]
بص انا مش خبير بس ممكن افيدك بما إنى لسة جايب لانوس ودى أكتر عربية بكرهها فبص
أول حاجة إطلع على أقرب بنزينة و إعمل فحص شامل (ده طبعاً لو العربية مخبوطة قبل كدة)ولو مش مخبوطة يبقى معندكش حل غير إلى هاقولهولك فركز و نفذ الكلام دة بالحرف
# أولاً روح لعفشجى خلية يهبطلك العربية 2سم من الأمام و الخلف بس طبعا العربية أساساًَ كانت مرفوعة سنة من ورا فمتخليهوش يساويلك ورا بقدام وهقلك لية ؟؟؟؟؟؟؟؟؟
#تانى حاجة إنزل الحرفيين إستنضفلك سبويلر عالى وركبة بس خلى حد بيفهم يركبهولك عشان دة لو إتركب غلط فهيبوظها أكتر !!!!!!!
#ثالث حاجة تصبلها كساحات (فالحرفيين برضة)بس مش تقص الإكصدام كساحات فقط لا غير !!!
--طبعاً عايز تفهم الحاجات دى لية هقولك أولاً التهبيط عشان تثبت العربية على الأرض أكتر شوية ومتساويهاش من ورا زى قدام عشان السبويلر هيهبطها من ورا شوية على الطرق السريعة والكساحات برضو هاتثبت العربية أكتر لو فى أى أسئلة فممكن تبعتلى علىahmed_cooper_92@yahoo.com أو تكلمنى على 0180522541 أو0160398453 وأسف على الإطالة
[/OVERLINE]

شكرا على مساعدتك لكن المشكلة إني عايز أعلى العربية مش أوطيها علشان المطبات

الدايو عربية كويسة بتكرهها ليه بس؟

المشاركة الأصلية كتبت بواسطة mmamdouh

هو انت كل دة لسة مشيلتش العلايات؟؟؟

معلش كدة احنا بنحرت فى البحر و ال11 صفحة دول كدة على الفاضى.......

Mmamdouh

أنا نويت أشيلهم فعلا لكن بعد ما جربت العربية 1000 كيلو بعد تركيب القطعة دي الدنيا بقت تمام من ناحية التحكم ، الدريكسيون بيرد بقوة وبسرعة لمكانه ولآخر سنة لغاية ما يبقى عدل والتحكم بقي حاد ودقيق جدااااا

ومفيش أي تأثير حاسس بيه بسبب العلايات يمكن علشان هما صغيرين

غير كده أنا كنت باتأثر بالهواء على 60 أو أقل ولو كنت ماشي أعلى كنت باجبر على تهدية السرعة فوراااااا ، لكن حاليا الحمد لله أنا بامشي 100 وتأثير الهواء بيكون منعدم في حالة عدم وجود رياح ، ومش بأخفض السرعة حتى لو الهواء جامد ، وبدأ الطريق يبقى ممتع ومسلي غير الأول كان دايما رحلة رعب وهلع

ولقيت مشكلة صغيرة هي سبب احساسي بالهواء
وهي إن الطريق فيه مناطق غريبة شوية ، لو انت حركت الدريكسون يمين أو شمال عليها بتلاقي العربية تتزحلق زي الصابونة ولو عديت عليها عدل من غير حركة العربية بتكون ثابتة

فمع وجود حركة الهواء والمكان مفتوح يعني مفيش سور والطريق عالي ومرتفع عن باقي الأجزاء اللي حواليه بيحصل خلخلة للهواء يعني الهواء بيتحرك جامد وبيخف خالص ، ولما باعدي جنب عربية بيختلف مقدار الحركة نتيجة خلخلة الهواء وفي وجود عيوب الطريق دي (الأماكن اللي قلت عليها مسبقا ) وده هو اللي بيخلي العربية تتحرك زي الصابونة

أنا جربت طريق تاني مختلف الأسفلت بتاعه جديد العربية كانت ثابتة جدااااااااااا ومفيش أي مشكلة

لكن اللي عايز أعرف له حل حاجتين :-
1- عيوب الطريق اللي هي عبارة عن مادة سوداء توضع لسد الفراغات والأماكن بين قطع الأسفلت نتيجة كسر في الأسفلت (ترميم الأسفلت) هي دي اللي بتزحلق العربية لما بتحرك الطارة وانت دايس عليها
2- لما الهواء بيكون قوي جداااا في المقابل (عكس سير العربية ) لدرجة إنه ممكن ينقص من سرعة العربية ، ولما ادخل ملف الهواء بيكون على اليمين أو الشمال هنا قوة استجابة الدريكسيون مع الهواء أكبر من عكسه بمراحل، وكمان بيزداد مع ميل الطريق

هل في طريقة لتلافي المشكلتين دول ؟

هذه الظاهرة تحدث فى اللانوس عند 120 كم لو مش راكب معاك حد و لكن لو العربية محملة بركاب و معك أوزان بالشنطة الثبات بيكون أفضل كتير عند نفس السرعة

للأسف . . . . طارت تاني على سرعة 80 لمسافة 1.5 متر

أنا كنت ماشي والهواء جاي بقوة من الشمال فطارت يمين ولولا إني حودت شمال كانت كملت ، وزي ما قلت العربية بتنقل حتة واحدة يعني مش بتحدف .

وحتى لو معايا أوزان العربية بتطير

هجرب أفك العلايات
هل في حاجة تاني أعملها ؟ أنا كنت عند عفشجي فقال لي غير البطاحات علشان منفوخين هل أغيرهم ولا عادي علشان هما جداد ومش مقطعين؟