هل عربيتك اللانوس بتطير من الهواء ؟

**Strong** · 23-10-2009 02:06 AM

المشاركة الأصلية كتبت بواسطة samirayad

يــــــــــــــــــــــــ ــــــــــــــــــــــاصب ر أيـــــــــــــــــــــــ ـــــــــــــــــــــــــ ـــــــــــــوب

شوف حتى حبال الصبر أنقطعت

ههههههههههههههههههههه
أنا عارف إني تاعبك معايا بس لو جيت مشوار واحد معايا هتحس باللي أنا حاسس بيه
هتحس بالرعب والفزع لو شوفت الشجر بيتتحرك جنبك هههههههههههههه احساس رهيييب
أول ماشوف المنظر ده باهدي ل 60 استعدادا للطيران والإقلاع
واللي بيضايقني في الحكاية دي حاجتين
1- كل عربيات الدايو اللي بتعدي جنبي مش بتمشي أقل من 120 أبدا يعني مش باشوفهم.
2- التاكسيات مش باشوفهم بالاقي صاوخ طاير حتى مش باشوف النمر

واللي فرحني
- شوفت عربية لانوس كانت أمامي وكنا ماشيين ورا بعض على اليمين وفجأة عدى هواء من اليمين للشمال ولقيت عربيتنا احنا الاتين بقيوا في وسط الشارع بنفس الدرجة

ههههههههههههههه وبعدين هو سحب وسابني
- في 2 زمايلي بيحصل معاهم نفس الحكاية وبيقولولي طنش علشان دي عربيات خفيفة
==================
في واحد معاه دايو 99 هو اللي بيقول مش بيحصل معاه كده ولما جيت أجرب عربيته علشان أشوف الوضع لقيت العربية مش مظبوطة زوايا وبتحدف وحديها والعفشة بتخبط فمعرفتش أجرب

**Strong** · 23-10-2009 02:15 AM

المشاركة الأصلية كتبت بواسطة samirayad

على فكره
مش مطلوب منك تحود الدركسيون حتى يمين لو الهواء قادم من اليمين
لأن كده العربيه حتزحلق وتلف على اليمين برضه
زى ماتكون بتلففها حوالين نفسها زى الدومه ياعنى (أو الفريره )
لأن ضغط الهواء على الجزء الخلفى من السياره حيساعد فى حدفة العربيه لليمين أكتر
والمطلوب تثبت الدركسيون على وضعه العدل وخلاص

ولو ثبت الدركسيون فى النص كويس ومشيت فى الوضع العدل الطبيعى
عمر الهواء ما حيزحلق العربيه جانبيا
لأنها مش ورقه فعلا
مهما كانت قوة الضغط الجانبى على السياره بواسطة الهواء

ألا لو قامت القيامه وكانت الزعابيب بتاعة الهواء بتطير أى حاجه على الأرض مثلا

كلامك ده بيديني دفعة للأمام وبيحسسني إني سايق عربية محترمة
مرة لقيت واحد سايق موتوسكل صيني وماشي في خط مستقيم حسيت إن ثباته أعلى من الدايو بسبب الهواء ههههههههه

**MMamdouh** · 23-10-2009 03:21 AM

معلش سؤال قبل ما نستمر فى الدايرة المفرغة دى....

الاستاذ سترونج... هل انت مازلت بتبحث فى اسباب المشكلة و انت لسة مركب العلايات اللى ذكرتها قبل كدة؟؟؟

لو الاجابة نعم يبقى الموضوع دة ممكن يوصل للصفحة 299 بدون اى جديد

MMamdouh

**samirayad** · 23-10-2009 09:50 AM

شوفت عربية لانوس كانت أمامي وكنا ماشيين ورا بعض على اليمين وفجأة عدى هواء من اليمين للشمال ولقيت عربيتنا احنا الاتين بقيوا في وسط الشارع بنفس الدرجة :c_laugh[1]: ههههههههههههههه وبعدين هو سحب وسابني
- في 2 زمايلي بيحصل معاهم نفس الحكاية وبيقولولي طنش علشان دي عربيات خفيفة

طيب زمايلك دول مركبين علايات برضه زيك

كلامك ده بيديني دفعة للأمام وبيحسسني إني سايق عربية محترمة

فعلا أنت سايق عربيه محترمه بكل المقاييس
وأنا حاسس أن معندكش حاجه
بس أهو أحنا بندردش
يمكن نمسك حل اللغز ده

أنا عارف إني تاعبك معايا بس لو جيت مشوار واحد معايا هتحس باللي أنا حاسس بيه
هتحس بالرعب والفزع لو شوفت الشجر بيتتحرك جنبك هههههههههههههه احساس رهيييب

ومتقلقش من الكلام معايا
بخصوص حتة صبر أيوب (لأنى بهزر فعلا معاك )
عمرى ما بأتعب من الكلام فى أى مشكله
حتى لو ألفنا فى أى موضوع
كتاب زى بتاع
ألف ليله وليله
ومعاك كل يوم لحد ما الديك بتاع ألف ليله وليله يؤذن
هههههههههههههههه

**samirayad** · 23-10-2009 10:00 AM

ههههههههههههههههههههه
أنا عارف إني تاعبك معايا بس لو جيت مشوار واحد معايا هتحس باللي أنا حاسس بيه
هتحس بالرعب والفزع لو شوفت الشجر بيتتحرك جنبك هههههههههههههه احساس رهيييب
أول ماشوف المنظر ده باهدي ل 60 استعدادا للطيران والإقلاع

بس ركز معايا شويه برضه
لأن الطيران بيكون بعد الأقلاع

**Fadi Ezzat** · 23-10-2009 11:14 AM

على فكرة انا بصراحة مقتنع تماما ان دى عليات ورا هيا الى تعمل كدا
تعرف انت لو مركب العلايات دى قدام العربية دى ممكن تعوم لكن مش هتتنقل بالطريقة الى انت بتقول عليها

**samirayad** · 23-10-2009 11:34 AM

على فكرة انا بصراحة مقتنع تماما ان دى عليات ورا هيا الى تعمل كدا

راكبه عندى وأنا لسه شارى العربيه زيرو
وبقالها 3 سنين
وبأمشى لحد 130 ساعات
وعمرها ماعملت الحركات دى

تعرف انت لو مركب العلايات دى قدام العربية دى ممكن تعوم لكن مش هتتنقل بالطريقة الى انت بتقول عليها

بالعكس
دا العلايات قدام ممكن تخللى العربيه تزحلق وتعمل الحركات دى
من أى شوية هواء جامدين ( وأمال الصنايعيه بيقولوا بتعوم ليه ) لما تحط علايات قدام بصوره غير طبيعيه
ماهو علشان بتعوم على وش الأرض ( يعنى عاوزه تطير )
عن ماتكون راكبه ورا
على فرض أن ده السبب
وده لو طبقنا نظرية ال drag & lift
المطبقه فى هندسة الطيران
فى فرع ال airo- dynamic

**samirayad** · 23-10-2009 12:22 PM

لو تقصد ورا انها هتزود ال downforce نتيجة ان ضهر العربية بقى اعلى فانسيابية العربية مصممة اصلا انها تعمل downforce للمنطقة الخلفية ودى ممكن تزودها باسبويلر اوريجينال بتاع العربية, ولكن فى العلايات متنساش انك رفعت ال c.g بتاع العربية ودة مش مطلوب

التعليه ليها حدود
هو أنا قلت أرفع العربيه من ورا زياده عن الازم وأكفيها لقدام
متنساش أن العربيه كأستخدام عائلى غير الأستخدام الشخصى
لأن الحمل الخلفى كان معايا بيقلب الشاسيه للخلف بطريقه مخيفه
وحتى لو شفت عربيتى بعد ماغيرت اليايات الخلفيه وركبت علايات
مش حتلاحظ أى أختلاف فى المظهر العام للعربيه (حتى بدون تحميل عائلى )
مش فيه برضه وجهة نظر وبتفرق من واحد للتانى

لو انت مربكها فى العربية وهى لسة زيرو فكها وجرب ولاحظ الفرق (العربية مش هتجرى بالعرض ومش هتعرف تتحكم فيها لأ بس ثباتها والتصاقها بالطريق هيقل .. والتجربة خير دليل)

وأفكها ليه ياباشا
ما أنا مجرب الحالتين ولا فيه أى فرق نهائيا معايا
بس أنت مجربتش المطبات عندنا عامله أزاى فى وسط الدلتا وأنا مسافر

جبال الهيمالايا بدون فخر
حتى لما بأركب الأولاد معايا العربيه بتنزل من ورا كمان عن ما أنا عاوز
بس ماشى الحال وكده رضا أوى

مشاهدة نتائج الإستطلاع: هل عربيتك اللانوس بتطير وبتتأثر بالهواء مع السرعة المتوسطة 90-100 مثلا ؟

الموضوع: هل عربيتك اللانوس بتطير من الهواء ؟

LinkBack

أدوات الموضوع

عرض

-

-

-

-

المواضيع المتشابهه

صرفت متوسط كام في السنه علي عربيتك اللانوس ؟

ميجان بتطير ؟

هى الطيارة بتطير ازاى ؟؟؟؟؟؟!!!!!!

طبارة بتطير زى النورس

ازاى تعرف عربيتك اللانوس تقفيل مصرى ام كورى

الكلمات الدلالية لهذا الموضوع

المفضلات

المفضلات

ضوابط المشاركة