استفتاء تشترى كورى جديد او يابانى مستعمل بنفس السعر

**momenhamdy** · 31-08-2008 08:50 PM

المشاركة الأصلية كتبت بواسطة alivara

حضرتك لو قريت كلامى لسة بقول : العربيات الكورية اللى فيها عيوب هى الموديلات القديمة قبل التطوير يعنى موديل 90 فى الكورى ده تعبان انما بداية من موديل 2004 مع بداية تقدم هيونداى خاصة فى ترتيب الشركات العالمية و لحد دلوقتى عربيات كلها ممتازة اما المشكلات اللى ظهرت فى بعض العربيات فى الفترة ديه ناتجة عن سوء التقفيل هنا زى فيرنا لانها بتتقفل فى مصر اما فيرنا الكورى عربية جميلة جدا يعنى فعلا تقدر تقول من سنة 2004 الكورى بقى حاجة تانية و ما بقاش فيه فرق (تقريبا) بينه و بين اليابانى

طبعاً انا متفق مع حضرتك جداً في الكلام و الي بيساعد علي الكلام علي ان الكوري مش معمر زي ماحضرتك قولت التقفيل طبعاً شوف كدا الفيرنا المصري و الفيرنا الكوري و تعرف الفرق و بعدين كمان في حاجة الشكل بتاع الفيرنا دا نزل في كل الدنيا باسم Accent و لو تخدوا بالكوا ان العربيات دي في ليبيا كمان اسمها Accent مش Verna يعني برده اللعب ده بيخلي السمعه بتاعت الحاجة ممكن تقل

**mezo2271973** · 28-09-2008 09:57 AM

كوري جديد طبعا 00الكوري اثبت نفسه وجودته مش اقل من الياباني حتي في الخليج الان الالنترا رقم واحد كليموزين واثبتت نفسها في السوق السعودي

**shanodaa** · 26-10-2008 10:47 PM

اشتري زيرو طبعا الكوري اصلا قريب جدا من الياباني وفي انواع بتكون احسن كمان

**Mystique** · 26-10-2008 11:30 PM

كوري جديد..عشان مستوياتهم ف الجودة بقيت قريبة إلا ما ندر زي السيفيك مثلا.
لكن لو ياباني كسر زيرو ولقطة ممكن أفكر
بس أميل برضه للزيرو..لأنه أحسن وأريح.

**sa3dawy** · 26-10-2008 11:33 PM

موضوع كورى ويابانى ميفرقش فى مقارنة اصلا
المهم العربية اية ؟؟

**Amrrr** · 27-10-2008 01:39 PM

زيرو كوري
ولا مستعمل ان شاء الله يكون ايه
الا لو المستعمل اللي هتشتريه تكون عارف صاحب العربية وعارف تاريخها كويس جدا وتكون عارف سواقته ومدى اهتمامه بالعربية والكلام دا صعب تلاقيه وانا دورت ومالقيتشي وجبت كوري زيرو ومبسوط الحمد لله
طبعا مش بمتانة الياباني اوي بس راحة البال تسوى
أعرف واحد جاب لانوس على انه عاملة 3000كم من معرض (في شبرا) وعارفة وواثق فيه والقصة اياها ، واشترى العربية بالليل عن ثقة ، بيركب العربية الصبح لقى السقف شكله مش نظيف وبعد ما مشي بالعربية حس بحاجات دربكة في العفشة فراح التوكيل (طبعا كان اشترى وسجل وشرب المقلب ) واكتشف انها عاملة حاجة وتلاتين ألف وملعوب في عدادها وفي حاجة في الطنابير اللي ورا والله أعلم بالباقي - لازم يبقى حد بتثق فيه اوييييييييييييييييييييييي ييييييي