الموضوع: استفتاء تشترى كورى جديد او يابانى مستعمل بنفس السعر

كوري جديد احسن طبعا لان العربية المستعملة ما تعرفش اتعمل فيها اية
و كمان الجديد جديد و مش بيحتاج مصاريف لمدة 3 سنوات على الاقل
و كمان الكوري كل يوم بيتطور و انا شايف ان دلوقتي الفارق بين بعض الماركات مش كبير الياباني زي الكوري كله الصاج ضعيف فية و الياباني تقفيلة الداخلى مش اد كدا و ممكن يفرق شوية في الموتور

الزيرو زيرو والكزرى مش وحش اوى كدة

ان فاتك اليبانى مش هيرجع تانى

اللى بيشترى عربية المفروض بيشوف مميزاتها و عيوبها مش يشوف هى كورى و يابانى و لا ماليزى حتى يعنى بيشوف انهى عربية مناسبة ليه .. اما اللى بيبقى كل همه انه يشترى عربية يعرف يبيعها بعد كده يبقى ده تفكير رجعى شوية لانى بشترى عربية عشان تريحنى فى مشاويرى اقضى بيها حاجاتى مش افكر من دلوقتى و انا لسة شاريها حبيعها بكام بعد كده
تانى حاجة مش الكورى بس فيه عيوب اى عربية فى الدنيا مهما كانت يابانى او كورى فيها عيوب
يعنى عربية زى كورولا الجديدة مش رخيصة يعنى ب 150 الف و انت طالع لقيت فيه ناس بتشتكي من الفتيس و بعضهم من الشكل و حاجات تانية رغم انها تويوتا زى الناس ما بتقول .. و فى نفس الفئة السعرية او اغلى شوية هيونداى سوناتا مثلا عربية محترمة بجد خالية تقريبا من العيوب يبقى اشتري كورولا مثلا و اسيب سوناتا عشان كورولا يابانى و سوناتا كورى ؟
مثلا ياريس عربية جميلة و شبابية بس فيها عيوب اهمها الثبات و فيه ناس مش بتحب شكلها و بيقولوا خاماتها الداخلية تقليدية مش فخمة و فى نفس الفئة مثلا جين 2 عربية برده خالية تقريبا من العيوب و كمالياتها اكتر اسيبها بقى عشان ماليزى ؟
حكاية يابانى و كورى ديه بقت قديمة خلاص و اذا كانت هناك بعض المشكلات فى بعض العربيات الكورية فالمشكلات ديه فى الموديلات القديمة اللى نتجت قبل التطوير او مشكلات ناتجة عن بعض اخطاء التوكيلات فى تقفيل بعض اجزاء العربية يعنى العيب مش فى العربية نفسها

اليبانى متانة وعمر طويل (عربيات معمرة )
شوف عربية كورى وواحدة يابانى موديل 90
هتعرف ان الكورى خلاص تتباس وتتركن جنب الحيط
بس اليبانى لسا تقدر تدى كمان 10 سنين هوا دا اللى تمنه فيه (يعيش ويعمر معاك)

طبعاً و بلاش شك الجديد احسن .... بس ساعات برده بيكون في مستعمل لقطة بمعني الكلمة ولكن برده انا مع الجديد