الموضوع: شيخ الأزهر يجبر طالبة على خلع النقاب بعد نقاش حاد

المشاركة الأصلية كتبت بواسطة مؤمنة

زى ما فى بنات بتلبس من غير هدوم وتمشى فى الشارع وما حدش بيقول لها اى حاجه وتقولك دى حريه شخصيه
انا شايفه ان النقاب حريه شخصيه
مع احترامى الشديد للدكتور محمد سيد طنطاوى لانى عمرى ما هوصل للعلم ال وصله واعتقد ان احترام شيوخنا واجب على كل مسلم ما ينفعش نغلط فيهم كأشخاص وانما نقتنع برايهم وناخد بيه او لا

صح حضرتك اعتقد ان محدش مننا قدر يوصل لعلم سيد طنطاوي ولكن هل يعمل بعلمه هذا هو السؤال ؟
واذا كان النقاب عادة وليس عبادة كما يقول فلماذا يحاربها ما دامت عادة مفيدة وغير ضارة بالاخرين؟

المشاركة الأصلية كتبت بواسطة eng.octooo

انا شايف ان موضوع النقاب دة حرية شخصية

بس رأيي انا انة مش لازم اوى الحجاب والعباية كويسين وكفاية اما انة يجبرها على كدة ويقولها انا اعرف اكتر من الى خلفوكى :i_angr1[1]: ووو كدة يبقى بجد عاوز ......

انت في البداية يا باشمهندس قلت انه حرية شخصية يبقي مش من حق حد يتدخل في حرية التاني ما دامت لا تضر الاخرين
اما اسلوبه فلا يليق بطالب علم وليس بعالم

المشاركة الأصلية كتبت بواسطة blazer

الفيديو
youtube - ‫ط´ظٹط® ط§ظ„ط§ط²ظ‡ط± ظٹط¬ط¨ط± ط·ط§ظ„ط¨ط© ط¹ظ„ظ‰ ط®ظ„ط¹ ط§ظ„ظ†ظ‚ط§ط¨‬‎
بجد مهزله!
الراجل دا لازم يترفع عليه دعوى قضائيه من والد الطالبه
ولازم يتشال من مكانه لانه بجد رمز مسىء للاسلام
وحسبى الله ونعم الوكيل

والله انا لو مكان ابو البنت لارفع عليه وعليى الازهر قضية واطلب تعويض لان ما تعرضت له البنت يدخل في اطار السب والقذف واصاب البنت باضرار نفسية رهيبة بدليل ان الصحفي في برنامج 90 دقيقة بيقول ان البنت محضرتش المدرسة تاني يوم

المشاركة الأصلية كتبت بواسطة tyler_durden

أنا مش مقتنع بصراحة بموضوع النميمة ده
يعني الراجل أخطأ مفروض الناس تخرس و لا تناقش الخطأ و تشاهد في صمت خوفا من ذنب النميمة ?

طبعا مش نميمة
النميمة لما يكون صاحب الشأن لا يعلم بما يقوله عنه الناس وهو يعلم
وبعدين من حقي انى انتقد سلوكه كموظف عام تجاوز حدود عمله وتعدي على حرية الطالبة واعتدي عليها شخصيا باللفظ لما سخر من قلة جمالها
ولا المفروض نسيب كل مسئول يعمل اللى هو عايزه ومحدش ينتقده علشان ميبقاش فيه نميمة ؟

المشاركة الأصلية كتبت بواسطة أبو عبدالله

يا أخواني لو هو غلط من وجهة نظرنا كلنا
فمش من حقنا ان احنا نغلط فيه لأن الأسلام جعل لكل منا حق على اخيه فأين كان الكلام
احنا من حقنا ان احنا نرد عليه وعلى اللي يقف بجواره ولكن بدون خطأ في شخصه
الله اعلم بحاله فعلا
ولكن الغريب فعلا ان تفسير القرأن بتاعه اللي الفه وهو صغير في سن تقريبا العشرينات
من افضل التفاسير فعلا
ولكن سبحان الله الظروف دلوقتي غير ايامها

علشان كده تعرف قيمة قول أبو بكر الصديق لو أن إحدى قدمي في الجنة وأخرى خارجها ما أمن مكر

فعلا الأنسان مش بمظهره او كلام الناس عليه
ولكن بأفعاله وكلامه وسيماهم على وجوههم

محدش مننا غلط فيه كشخص على ما اعتقد حتي اللى عايزين يغلطوا حطوا نقط مكان الشتيمة اللى نفسهم يقولوها لكن استحرموا انهم يقولوها
وسيد طنطاوي قبل ان يتطلع الى المناصب شئ وبعد ان وصل الى المناصب شئ اخر يكفي ان تعرف ان رسالته للدكتوراة وكانت اكتر من 700 صفحة على ما اتذكر كان عنوانها بنو اسرائيل في القران الكريم وكلها هجوم عنيف عليهم لكن لما وصل للكرسي صافح رئيس وزراء اسرائيل وبيستعبطنا ويقول مكنتش اعرف انه رئيس وزراء اسرائسل وينيلها اكتر ويقول معرفش ان غزة متحاصرة من سنة وينيلها اكتر واكتر ويقول انا ماليش دعوة فيه وزير خارجية يتكلم عن حصار غزة
منتظر منه ايه تاني ؟

المشاركة الأصلية كتبت بواسطة ahmed0nouh

بعيدا عن صحه الخبر وان كان متفبرك او لا عايز بس اقول كلمه للناس اللى بتشتم فى الراجل ده وبتشبهه بشويه فسقه
الراجل ده شئنا ام ابينا عالم من علماء الازهر له مؤلفاته وله اعماله اللى تشهد على قدره وخلقه وعلمه بالدين الحنيف
الخبر مش داخل دماغى بجنيه لسبب بسيط جدا , انا طالب ازهرى من اولى ابتدائى وحتى 3 ثانوى ولم ابتعد عن الازهر الا لفشلى فى تحقيق حلمى بسبب مجموع الثانويه وعلشان كدا الحمد لله قرأت ولفيت وعارف العلماء من الهوامش
انا اتعاملت مع شيخ الازهر عده مرات شخصيا وكان بيزورنا فى المعهد اللى كنت بدرس فيه فى ثانوى وياما دخلنا معاه فى نقاشات دينيه فى امور تتعدى حدود حاجه صغيره زى النقاب حلال ولا حرام

ومن معرفتى ليه بقول ان الخبر ده عاااار من الصحه

لا يا اخي العزيز يبدو انك متاثر بمقابلتك للرجل
وهو في رايي وانا اقل من ان احكم على العلماء لكنها قناعتي الشخصية الرجل تجاوز كل الخطوط الحمراء ولم يبق له اي خطوط ليتجاوزها وحسابه عند الله عسير لمواقفه في سب الرسول في الدنمارك ومن اخواننا في عزة ومن العدوان الصهيوني المستمر ومن المحجبات في فرنسا واخيرا من طالبة الازهر وقوله انه سيصدر قرار بمنع اى منتقبة من دخول المعاهد الازهرية سواء مدرسة او طالبة ليه هو احنا في فرنسا ولا ايه وغيرها الكثير والكثير من المآخذ الكبيرة التى تنزع عنه هيبة العلماء الذين تتحدث عنهم وعن توقيرهم
والموقف حصل والا كان الرجل كذبه وعلشان تعرف خطورة اي كلمة تصدر منه كفاية اقولك ان موقع ميدل ايست اون لاين الانجليزي استغل الموقف

المشاركة الأصلية كتبت بواسطة olaosman

عايزة أفهم ليه المظاهرة عبارة عن منقبات و محجبات بس؟ ليه الغير محجبات مش منضمين للمظاهرة؟ ليه الشباب ما عملوش مظاهرة؟ كإن الأمر يخص المنقبات وحدهن. مش ده برضه تعدي على الحريات؟ مش دي إهانة وجهت لمواطنة مصرية لسه بتطلع من البرعم و عايزة يبقى عندها ثقة في نفسها و في البلد اللي عايشة فيها؟ ليه الموضوع اختزل في النقاب و بس؟ :n_no[1]:

لو المظاهرات دي اللى كانت اماما المدينة الجامعية يبقي طبيعي انها بنات بس لان وقت ما حصلت كان امام المدينة الجامعية للبنات وبسبب منعهم من الدخول لان البيه الوزير شرف ومعاه الحخاشية بتاعته فطبيعي ميبقاش فيها رجال
اما بالنسبة للبنت اللى شيخ الازهر جاب لها عقدة فلم تقم بسببها اي مظاهرات