الموضوع: شيخ الأزهر يجبر طالبة على خلع النقاب بعد نقاش حاد

المشاركة الأصلية كتبت بواسطة human12

الراجل اسلوبه كان فظا و لكن هو صح و بعدين ماتقوليش تحسبا ان شيخ الازهر ييجى ده كلام منافى للعقل
الراجل ادرى ان النقاب عاده و يعنى هوه لما يطلع فتوى على مزاج الناس كله يمشى بيها حتى لو منافيه للمنطق و لما يقول النقاب يبقى كخه

و بعدين هو بينظم العمل فى المكان اللى هوه بيديره زى - يعنى لما يقول الطالبات بلاش نقاب يبقى المفروض مفيش
و موضوع وحشه و حلوه ممكن يكون فى سياق مداعبه
ماحدش كان منكم موجود عشان يقول الكلام اتقال فى اى سياق

و عموما انا مش بحب الراجل ده بس لازم نفكر قبل مانهاجم

حقيقي كلامك مش مفهوم المغزي لكن حارد عل كل جملة
بعني ايه كلام منافي للعقل هو ده مش راجل و دي بنت و من حقها تتطبق في نفسها قوانين حتي لو كانت تشدد و تعصب ما هي حرية شخصية مش كده و لا إيه
ثم إن النقاب مش تشدد و لا تعصب و يا ريت تقرأ كلامي كله

الراجل مش مصدر وحيد للفتوي للمسلمين ، الكلام ده منافي لقواعد الفتوي في الاسلام ، الأئمة كتير و من حق أي مسلم ياخد بأي فتوي من الأئمة الثقاة و كئيرا ما قد تتعارض آراء الأئمة و الشيخ طنطاوي ليس من الأئمة الثقاة

من حق الراجل ان يدير المكان و لا يدير حياة الناس ،هي مش دي قواعد الحريات الشخصية المعمول بها عالميا
تفرق معاه ايه محجبة و لا منقبة ، ده فرض رأي واضح و انتهاك حريات

الكلام موجود في البرامج و الجرائد و مش معقول نشكك فيه ، لأن لو كده فممكن أشكك في أن حضرتك موجود برضه لأني مشفتكش و انت بتكتب مشاركتك

الموضوع و لا بنحب الراجل و لا بنكره ، إحنا مش حنناسبه ، الموضوع آراء مخالفة للإجماع و هو أمام الكثيرين ممثل الإسلام في مصر و هي أرضا حقيقية مغلوطة لأن ممثل الإسلام في أي مكان لن يكون أبدا معين ممن لا يعرف و لا يعمل إلا بالقليل من تعاليم الإسلام

لماذا نخلط الأمور و لماذا نغالط ، هذه المناقشات يجب أن نراعي فيها الله في كل كلمة لأن الموضوع شائك و الرجل عالم دين مسلم (و ليس ممثل الاسلام الوحيد) حتي لو كان موظف

المشاركة الأصلية كتبت بواسطة نور القمر

وهل تعتقد انه لو كان عار من الصحة كان سكت لغاية دلوقت بعد ما الخبر اتذاع في برنامج مشهور وله شعبية كبيرة زي 90 دقيقة !!!!

ولو الخبر ده عار من الصحة فتواه بتحليل ربا البنوك ايضا عارية من الصحة

طنطاوي شيخ الحكومة
والحكومة ديل امريكا
وماما امريكا قالت الربا حلال والنقاب عادة وليس عبادة
يبقه نقول ايه ... نعم اوك

احيانا الرد على خبر هايف بيكون تعظيم من شأنه واللى حصل ده انا شايف انه مش محتاج رد

فتواه بخصوص الربا بقا او خلافه حضرتك لو كنتى درستى علم الفقه كنتى عرفتى ان الخلاف فى امور الدين مبنى على اساس دراسه الشروط واللى بتختلف من وجهه نظر كل عالم فى الدين فسواء كان الراجل حرم الربا واخطأ او حلل الربا وكان برده مخطأ يحتاج الى مناقشه دينيه بأدله بعد المعرفه الكامله بخطوات تعامل البنوك مع القروض وخلافه ويصبح الحكم بالادله , مجملا هو قال رأيه زيه زى اى فقيه او عالم اسلامى وليه وجهه نظره وادلته الثابته وده لا ينقص من قدره ابدا لو كان مخطأ

لو حد شايف ان فتواه خطأ ممكن يبعتله او يروح يزوره فى المشيخه بنفسه وانا على ثقه ان الراجل بصدر رحب هيقولك سبب فتواه , وان كنت انا شخصيا اختلف معاه فيها

الأئمه الاربعه كانوا دائما على خلاف ولكل منهم رأى يدعمه الادله هل معنى كدا انهم مبيفهموش ؟

المشاركة الأصلية كتبت بواسطة cairo2005

لا يا اخي العزيز يبدو انك متاثر بمقابلتك للرجل
وهو في رايي وانا اقل من ان احكم على العلماء لكنها قناعتي الشخصية الرجل تجاوز كل الخطوط الحمراء ولم يبق له اي خطوط ليتجاوزها وحسابه عند الله عسير لمواقفه في سب الرسول في الدنمارك ومن اخواننا في عزة ومن العدوان الصهيوني المستمر ومن المحجبات في فرنسا واخيرا من طالبة الازهر وقوله انه سيصدر قرار بمنع اى منتقبة من دخول المعاهد الازهرية سواء مدرسة او طالبة ليه هو احنا في فرنسا ولا ايه وغيرها الكثير والكثير من المآخذ الكبيرة التى تنزع عنه هيبة العلماء الذين تتحدث عنهم وعن توقيرهم
والموقف حصل والا كان الرجل كذبه وعلشان تعرف خطورة اي كلمة تصدر منه كفاية اقولك ان موقع ميدل ايست اون لاين الانجليزي استغل الموقف

لا ابدا انا مستحيل اتأثر بمجرد مقابلته , لكن انا كان لى وقت طويل فى المناقشه معاه وكان يحضر المناقشه شيوخ محنكين وبرغم ان كان ليه اراء اختلف معاه فيها كليا ومنها المواقف اللى حضرتك ذكرتها الا انى مازلت محترم لمكانته العمليه والدينيه وحسابه عند ربنا دى حاجه مليش دخل فيها

موقف البنت المنتقبه قد يكون تم تحويره بمنتهى البساطه انه مثلا بيقولها انها لا داعى تلبس النقاب فى وسط زميلاتها وهى جادلت معاه فرد عليها بعصبيه شويه ( هو عصبى جدا وصوته عالى ) وقالها فى سنك ده النقاب مجرد عاده اهلك بيعودوكى عليها وانا اعرف اكتر منك ومن اهلك , وهو فعلا فى السن الصغير ده النقاب مجرد علشان البنت تتعود عليه لكن مش ملزم

بس شيل كلمتين من الحوار وحط تحبيشه صحفيه وفرقع بقا الدنيا بالخبر الفظيع