الموضوع: شيخ الأزهر يجبر طالبة على خلع النقاب بعد نقاش حاد

إن الراجل متعصب لرأيه و إنه في الفترة الأخيرة تدهور صحيا و أصبحت له تصرفات و أفعال غير مبرره ، و دي كلها علامات كبر السن

قال تعالى : " و الله خلقكم ثم يتوفاكم و منكم من يرد الى أرذل العمر لكي لا يعلم من بعد علم شيئا ان الله عليم قدير "
ألا تري بعض هذه العلامات في الشيخ

المشاركة الأصلية كتبت بواسطة islam_galal

أخي العزيز ahmed0nouh

أنا لا أختلف معك في أن الشيخ طنطاوي عالم و له مؤلفات قوية جدا و لكن

الشيخ طنطاوي الذي كانت رسالاته العلمية في اليهود و كيفية التعامل معهم ليس هو الشيخ الحالي الذي يصافح شمعون بيريز

لو قرأت كتاباته الأولي و رأيت تصرفاته حاليا لوجدت تناقض غريب في المبادئ الأساسية و هي من وجهة نظري بسبب السن
فلقد بلغ الرجل من الكبر عتيا و وضح عليه عدم القدرة علي التحكم في أعصابه و آرائه أحيانا ، و لذلك فمن وجهة نظري الشخصية أن الرجل تغير و لم يعد من كان
و هذا قدر الإنسان و من أراد الله له الكبر في السن حتي هذه المرحلة فسيتعرض للانتكاسات في العقل و المنطق و لن ينفعه طب أو منصب
هي آيه من الله لنا لنتعظ

بالتأكيد كلامك كله صح , انا من مؤلفاته بحترمه جدا وعارف مقداره ولذلك كنت زعلان من ان الناس هنا فى الموضوع بتقول عليه كلام صعب قوى لدرجه ان فى عضو هنا قال عليه زى تامر حسنى , حاجه صعبه جدا لما نقلل من قدر الراجل بالشكل البشع ده

الراجل فعلا بقا كلامه كتير غلط وغير مقبول بالمره , الله اعلم من السن ولا من المنصب اللى اغراه او اسباب اخرى والراجل مضغوط عليه , لذلك اختلف معاه فى الرأى لكن مازلت احترمه

المشاركة الأصلية كتبت بواسطة cairo2005

بردو بختلف معاك يا استاذ احمد وهرد عليك نقطة نقطة:
- الخبر مش هايف الخبر ان شيخ الازهر اجبر طلابة على خلع النقاب وتعدي عليها لفظيا وافتي بان النقاب مجرد عادة ولو مش عارف اهية الخبر متهيالي هتعرف خطورته لما تعرف ان وسائل الاعلام الاجنبية اهتمت بالموقف واستعملته للهجوم على النقاب
- والله يا استاذ احمد انت اول واحد يقول انه اختلف مع شيخ الازهر وتقبل الاختلاف معاه بصدر رحب العكس هو اللى بيحصل دايما منه ولو تفتكر مرة ضرب صحفية بالجزمة لمجرد انها كانت كاتبة موضوع ضد ادارة الازهر وراحت تاخد رايه فيه والموقف اللي موجود دلوقت تعامله في قمة التعارض مع اخلاق العلماء
وايوة الائمة الاربعة كانوا بيختلفوا في الاحكام لكن كلهم كانوا بيحترموا بعض وبيحترموا طلبة العلم ولم اقرا ان احدهم سب طالب علم كما قعل سيد طنطاوي او كانت له مواقف مهادنة مع اعداء الامة مثله
والحوار الصحفي لو كان تم تحويره كان سيد طنطاوي رد عيه ووضح صحة لاموقف وعملها قبل كدة لما اتهاجم بسبب سلامه على بيريز وكلامه عن غزة ولما رد في التليفزيون كان رده وقح جدا وانا هنا اصف رده فلا تقل انى اسبه
وانت بتحترمه لمكانته الدينية والعلمية
وردي عليك ان مكانته العلمية كانت زمان لما كان باحث في الدين
ومكانته الدينية يستمدها من كونه شيخ الازهر والحمد لله في طريقه لتضييع ما تبقي من هيبة وقيمة الازهر

انا اسف جدا انى اخطات التعبير بكلمه خبر هايف , انا كنت اقصد يعنى انه قد يكون خبر مفبرك وعلشان كدا هو تجاهله لكن انا عارف طبعا مدى اهميه راى شيخ الازهر فى امر هام من الدين زى النقاب ( اسف مره تانيه على سوء التعبير )

بخصوص الاختلاف معاه انا عارف فعلا هو عصبى جدا ومن النوع اللى لما تجادل معاه صوته تلاقيه بدا يتغير زى مثلا ما تكون بتكلم راجل كبير وبيزهق بسرعه من الجدال , انا مستبعدش عليه الكلام اللى قاله من نوعيه انا اعرف اكتر منك ومن اهلك لانى شوفته وهو بيتناقش بس انا بقول قد يكون سياق الكلام كان غير كدا , لما حصل وكان الطلبه بتختلف معاه فى راى كان لازم غصب عنه يقول حجته لان ساعتها الموجودين كلهم فاهمين كويس الكلام بيدور فى ايه و اللى مش بيتقبل رأى التانى كان ساعتها بيبقى معروف ان موقفه ضعيف , موضوع الصحفيه ده انا اول مره اسمعه بس فعلا حاجه صعبه قوى

انا متفهم سخط حضرتك على اسلوبه وازاى هو واجهه غير مشرفه بتاتا للأزهر مؤخرا بعد تحول مساره تماما عن ما كان عليه