خلاصة الكلام في ثبات الياريس

**Samir Elshahawy** · 10-10-2009 01:33 AM

المشاركة الأصلية كتبت بواسطة khela

يا جماعة انا عندى تفسير لموضوع الثبات دة بتاع الياريس بس مش متاكد ياريت تفكروا معايا
انا لاحظت ان فية ناس كتير اشتكت من ثبات الكورولا الجديدة كمان فهل معقول تويوتا تصنع عربيات مش ثابتة؟
لو نلاحظ ان العربيتين نازلين بباور كهرباء انا مجربتوش بس سمعت انة بيخلى الدركسيون خفيف جدا و بيخوف فى السرعات الكبيرة فهل هو دة الى بيدى الناس احساس بان العربية مش ثابتة
ياريت المتخصصين والى بيجربوا عربيات كتير خصوصا باور كهرباء يفيدونا

الباور الكهرباء بعد سرعة معينة بيفصل و الدريكسيون بيتقل معاك و بالتالي مالوش علاقة بمسألة الثبات علي السرعات العالية

**ابوشريف** · 10-10-2009 03:06 AM

المشاركة الأصلية كتبت بواسطة se_coralsea

الباور الكهرباء بعد سرعة معينة بيفصل و الدريكسيون بيتقل معاك و بالتالي مالوش علاقة بمسألة الثبات علي السرعات العالية

كلام مضبوط

وكمان الباور الكهرباء افضل كتير من الباور الهيدروليكى لانه بيتقل الدركسيون تدريجيا كلما زادت السرعه

لكن فى الباور الهيدروليكى اعتقد بيخفف الدركسيون كلما زادت السرعه لان كمبرسور الباور متعلق بسرعة دوران المحرك

ياريت الناس اللى معاها باور هيدروليكى تشارك وتفيدنا اكثر

**madoo** · 10-10-2009 04:06 AM

المشاركة الأصلية كتبت بواسطة khela

يا جماعة انا عندى تفسير لموضوع الثبات دة بتاع الياريس بس مش متاكد ياريت تفكروا معايا
انا لاحظت ان فية ناس كتير اشتكت من ثبات الكورولا الجديدة كمان فهل معقول تويوتا تصنع عربيات مش ثابتة؟
لو نلاحظ ان العربيتين نازلين بباور كهرباء انا مجربتوش بس سمعت انة بيخلى الدركسيون خفيف جدا و بيخوف فى السرعات الكبيرة فهل هو دة الى بيدى الناس احساس بان العربية مش ثابتة
ياريت المتخصصين والى بيجربوا عربيات كتير خصوصا باور كهرباء يفيدونا

مش كده خالص انا عندى فى الماتيريا باور كهربا ناعم حرير على السرعات البطيئه وعلى السرعات العاليه ثابت جدا واحساس ملوش حل
بلاحظه او لو انا بعمل كيك داون على سرعه بتاع 30 او كده فجاه بلاقى الباور فصل والدريكيسون حجر فى ايدى والعربيه وبتزود سرعتها

**noon_eg** · 10-10-2009 05:31 AM

المشاركة الأصلية كتبت بواسطة ابوشريف

كلام مضبوط

وكمان الباور الكهرباء افضل كتير من الباور الهيدروليكى لانه بيتقل الدركسيون تدريجيا كلما زادت السرعه

لكن فى الباور الهيدروليكى اعتقد بيخفف الدركسيون كلما زادت السرعه لان كمبرسور الباور متعلق بسرعة دوران المحرك

ياريت الناس اللى معاها باور هيدروليكى تشارك وتفيدنا اكثر

حتى الباور الهيدرولك يا باشا بيتقل مع السرعه وبيثبت الدركسيون كل ما السرعه زادت ده الطبيعى فى اى بور ستيرنج سواء كهرباء او هيدرولك

**sa3dawy** · 10-10-2009 12:50 PM

خلاصة الكلام .... تصميم الياريس العالى عن الارض نسبيا والكراسى المرتفعة وتصميم التابلوة والباور الاليكتريك بيدوا انطباع ان الياريس مش ثابنة على السرعات العالية ..لكن جرب تاخد بيها ملف على 100 -120 .. مش هتسنع اى صوت او تعويم فى العربية .. وهوا دا معنى الثبات ...
الياريس تباتها جميل حتى 120-140 .. لكن فوق كدا ملهاش لازمة اصلا السرعات دى

**Hisham1** · 10-10-2009 01:49 PM

العربية ما شاء الله ممتازة والثبات ممتاز وفعلا الباور الكهرباء بيفصل والدركسيون بيتقل على السرعات العاليه والعلو بتاع العربيه ممتاز في شوارعنا الجميلة
بالنسبة للاستطلاع لا أعتقد انه حيجيب نتيجة لأن اللي معاه ياريس أو جربها واللي ممعاهوش بيقدر يصوت
اللي عايز يتأكد يسأل حد معاه العربيه
شكرا

**M.Mekawy** · 10-10-2009 02:12 PM

الموضوع ده اتفتح كتير أوى اوى اوى قبل كدة ,و مهندس سمير خاصة شرحه جملة و تفصيلا كتييير جدا , هو ليه كل شوية يتفتح يا جماعة , حاسس ان احنا بنسمع نص لغة عربية

**tamagogo** · 10-10-2009 02:37 PM

حتى الان 26% تقريباهمه اللى معترضين على الثبات.وده شيء كويس جدا.
بصراحه انا بحب الرعبيه ديه حتى انا مش عارف لما احب اغير هجيب ايه. حاسس ان بقيت العربيات اللى في فئه (100-120) مش هتديني نفس الاداء ابدا.

**Amr_tika88** · 10-10-2009 04:01 PM

الياريس عربية خفيفة انا سوقتها مرة كنا الساعه 7 الصبح العربية خفيفة بدرجه تخوف
وبصراحة هيا مش ريحتني بس بامانة انا مجربتهاش على سرعات عالية بس ليا اصحابي ماتوا على طريق العلمين كان معاهم ياريس وماشين 120 والعربية اتقلبت بيهم
من التجربة دي اعتقد ان هيا عربية غير ثابتة والكورولا (2005)وقت اما حبيت اشتري واحد من مبيعات توكيل تيوتا قالي لو العربيه دي ليك بعد ال 120 متضمنهاش

**john_samy** · 10-10-2009 04:24 PM

المشاركة الأصلية كتبت بواسطة madoo

مش كده خالص انا عندى فى الماتيريا باور كهربا ناعم حرير على السرعات البطيئه وعلى السرعات العاليه ثابت جدا واحساس ملوش حل
بلاحظه او لو انا بعمل كيك داون على سرعه بتاع 30 او كده فجاه بلاقى الباور فصل والدريكيسون حجر فى ايدى والعربيه وبتزود سرعتها

كلام مظبوووط جدا. وانا كمان لاحظت الموضوع دة.

مشاهدة نتائج الإستطلاع: هل انت راضي بشكل عام عن ثبات الياريس على السرعات العاليه ( +100)

الموضوع: خلاصة الكلام في ثبات الياريس

LinkBack

أدوات الموضوع

عرض

-

-

-

-

-

-

-

المواضيع المتشابهه

خلاصة الكلام في الاكسنت 2011 rb

ايه خلاصة الكلام في فوائد البنوك

خلاصة الكلام فى النوبيرا الاوتوماتيك

COROLLA NEW MODEL Mmt- خلاصة الكلام

خلاصة الكلام فى موضوع الكورى .....

الكلمات الدلالية لهذا الموضوع

المفضلات

المفضلات

ضوابط المشاركة