اتسرقت و...........قفشت الحرامي......!!!!!

**pro_samir** · 10-10-2009 01:20 AM

الله ينور عليك يا هندسة

وربنا يعوضك عن اللى حصل فى العربية ، المهم الحكومة الـ محترمة بتاعتنا تاخد حق الناس من البني أدم دة وأمثالة

**misoalex** · 10-10-2009 03:00 AM

عماااااااااار يا مصر
يا عم دانت بتحكى فيلم عربى فعلا والله فيلم
وانت كده كشفت كمان لعبه بيعملوها بتوع تأجير السيارات وبيقع فيها الناس
ده ممكن صاحب العربيه يكون مشترك مع الحرامى
الف مروك على الحاجه الى رجعت بس بالواسطه تخيل لو مكنتش تعرف حد

**Islam_galal** · 10-10-2009 03:33 AM

الحمد لله إن في رجالة زيك موجودين يحموا نفسهم و غيرهم
ربنا يعوض عليك في العربية
و يعوض علينا في بلدنا

**احمد عبدالله** · 10-10-2009 04:12 AM

بارك الله فيك

**blazer** · 10-10-2009 08:15 AM

الحمد لله على سلامتك
وبجد ول الحكم الاسلامى اتطبف و قطعت يد السارق و رجم او جلد الزانى مش هيبقى فيه امثال الناس دى

**tutankhamoun** · 10-10-2009 08:31 AM

الحكومة ملهاش أي لزمة في بلدنا ......... الشرطة لخدمة و حماية الحكومة فقط لا غير .......

و بأحييك على شجاعتك و تضحيتك بسيارتك .......... ربنا يستر طريقك يا شيخ و أبقى خليك حريص زي ما روكسر قال ..... كلامه مظبوط

**Marwanelbendary** · 10-10-2009 09:53 AM

المشاركة الأصلية كتبت بواسطة r0xer

هو انا شايف انه عمل رائع و ربنا يكتر من امثالك. لكن في حاجة عايز اقولك عليها مريت بيها في موقف مشابه كان مع واحدة صاحبتي في الكلية اتخطفت منها سلسلة دهب وجبت الحرامي و بعد كدا المحامي بتاع الحرامي اداله عنوان بيتي و حاول يتعرضلي ومرة تانية حاول اهله يتعرضولي....للأسف العينات دي بيكونوا اهاليهم كلهم مجرمين زيهم و حاول انك متعملش محضر ولا تحط نفسك في مشاكل مع مجرمين لان الحكومة ملهاش عازة بالمرة!

ويستحسن كمان تمشي بسلاح من النهاردة في العربية ميفارقكش محدش يضمن الظروف.

المشاركة الأصلية كتبت بواسطة tutankhamoun

الحكومة ملهاش أي لزمة في بلدنا ......... الشرطة لخدمة و حماية الحكومة فقط لا غير .......

و بأحييك على شجاعتك و تضحيتك بسيارتك .......... ربنا يستر طريقك يا شيخ و أبقى خليك حريص زي ما روكسر قال ..... كلامه مظبوط

باشكر كل اللي شارك في الموضوع بكتابته أو بروحه بس بصراحة أنا بكرر أني كتبت الموضوع ده علشان الناس تتعلم من تجربتي
بس أخلاقكم الرفيعة و روحكم الطيبة دي بتخليني في قمة الاحراج
ومتضايق شوية ان الموضوع ابتدى ياخد الشكل البطولي مع اني والله ما كانش ده الغرض من اللي عملته
وفي نفس الوقت لازم ما نتنازلش عن حقوقنا قدر المستطاع

والله يا جماعة انتوا قلقتوني على أهل بيتي بالكلام ده....
طب وهل الحل اني أغير مكان سكني؟؟؟ لو هو ده الحل يبقى أكيد لو كل واحد مسك حرامي البلد كلها هاتعزل:)

والله انتوا خليتوني فعلا بافكر اني أغيره..

**tutankhamoun** · 10-10-2009 10:03 AM

المشاركة الأصلية كتبت بواسطة marwanelbendary

والله يا جماعة انتوا قلقتوني على أهل بيتي بالكلام ده....
طب وهل الحل اني أغير مكان سكني؟؟؟ لو هو ده الحل يبقى أكيد لو كل واحد مسك حرامي البلد كلها هاتعزل:)

والله انتوا خليتوني فعلا بافكر اني أغيره..

للآسف الشديد ........ و بأقولها للآسف الشديد
الشرطة بتبقى عارفة البلطجية و الحرامية و عارفين مكانهم و عارفين بيعملوا أيه و للآسف الشديد مفيش أي أجراءات بتتأخد ضدهم و لا أي تحرك للحد من خطورتهم ........

الأمن في البلد فعلا بيقل بسبب ترك الحكومة للحبل على الغارب للبلطجية و الحرامية اللي بيزيدوا مع زيادة السكان و قلة الأنتاج و عدد الوظائف المتاحة .

فخلي بالك ........ و موضوع الأربعة ساعات ده يخليك تفهم أنهم أصلا مكنوش عايزين يفتحوا محضر و كانوا بيزهقوك علشان تمشي علشان هما يسرقوا الحاجات اللي الراجل سرقها .............. و يمشوه ....... و تتكرر المشكلة من جديد

و على رأي المثل حاميها حراميها ..................................

أنا أتهددت أدام ظباط شرطة و أمناء ...................... و كلهم رفضوا يشهدوا معايا في محضر رسمي ..........

أنا بقولك خلي بالك علشان بجد بلدنا كل حاجة بقت فيها بالذراع .......... الحكومة ملهاش دعوة بأي حاجة إلا مُهددين النظام ........ أو القتلة فقط ......

غير كدا ............. مش بيعتبروها قضايا أصلا .
و ربنا يستر عليك و علينا .............................. و أنا رأيي شوف الموضوع هايعمل أيه في الفترة اللي جاية
لو لقيت أنه فيه أذى مباشر ليك أو لأسرتك

تراجع ..............البطولة في المواقف دي نهايتها مش كويسة .

لو الموضوع لقيت أنه فيه أهتمام و ماشي كويس ........... كمل و ربنا يجازيك خير

و منه لله اللي كان السبب في الوصول لحال البلد للنقطة دي .........
حسبي الله و نعم الوكيل

**ashraf229** · 10-10-2009 10:28 AM

أنا بس كل اللي صعبان عليا عربيات الناس اللي أتخبطت و الراجل الغلبان صاحب الأوبترا المسروقة دي ربنا ما يورينا عذابه و حرقته على شقاه و تعبه

لكن انه بجد رجولة و كفاءة و قلب حديد ربنا يحميك

و على فكرة انا في السعودية أهوه و بأقولكم ان فيه هنا سرقة بس مش بالبجاحة دي خالص و حوادث فردية بسيطه كل فين و فين لما تسمع عن حاجة كده بس لأن فيه خوف من العقاب و الجزاء

-

الموضوع: اتسرقت و...........قفشت الحرامي......!!!!!

LinkBack

أدوات الموضوع

عرض

-

-

-

-

-

-

-

-

المواضيع المتشابهه

سيراتو اتسرقت و صاحبها راح سرقها من الحرامي !!!

سيراتو اتسرقت و صاحبها راح سرقها من الحرامي !!!-واقعة حقيقية

عربيتي السيراتو اتسرقت قدامي وكان الحرامي معاه المفتاح

عربيتي السيراتو اتسرقت قدامي وكان الحرامي معاه المفتاح

الفرامل قفشت

الكلمات الدلالية لهذا الموضوع

المفضلات

المفضلات

ضوابط المشاركة