اتسرقت و...........قفشت الحرامي......!!!!!

**maka** · 10-10-2009 10:46 AM

المشاركة الأصلية كتبت بواسطة tutankhamoun

و منه لله اللي كان السبب في الوصول لحال البلد للنقطة دي .........
حسبي الله و نعم الوكيل

المشاركة الأصلية كتبت بواسطة ashraf229

و على فكرة انا في السعودية أهوه و بأقولكم ان فيه هنا سرقة بس مش بالبجاحة دي خالص و حوادث فردية بسيطه كل فين و فين لما تسمع عن حاجة كده بس لأن فيه خوف من العقاب و الجزاء

**Marwanelbendary** · 10-10-2009 10:55 AM

المشاركة الأصلية كتبت بواسطة tutankhamoun

للآسف الشديد ........ و بأقولها للآسف الشديد
الشرطة بتبقى عارفة البلطجية و الحرامية و عارفين مكانهم و عارفين بيعملوا أيه و للآسف الشديد مفيش أي أجراءات بتتأخد ضدهم و لا أي تحرك للحد من خطورتهم ........

الأمن في البلد فعلا بيقل بسبب ترك الحكومة للحبل على الغارب للبلطجية و الحرامية اللي بيزيدوا مع زيادة السكان و قلة الأنتاج و عدد الوظائف المتاحة .

فخلي بالك ........ و موضوع الأربعة ساعات ده يخليك تفهم أنهم أصلا مكنوش عايزين يفتحوا محضر و كانوا بيزهقوك علشان تمشي علشان هما يسرقوا الحاجات اللي الراجل سرقها .............. و يمشوه ....... و تتكرر المشكلة من جديد

و على رأي المثل حاميها حراميها ..................................

أنا أتهددت أدام ظباط شرطة و أمناء ...................... و كلهم رفضوا يشهدوا معايا في محضر رسمي ..........

أنا بقولك خلي بالك علشان بجد بلدنا كل حاجة بقت فيها بالذراع .......... الحكومة ملهاش دعوة بأي حاجة إلا مُهددين النظام ........ أو القتلة فقط ......

غير كدا ............. مش بيعتبروها قضايا أصلا .
و ربنا يستر عليك و علينا .............................. و أنا رأيي شوف الموضوع هايعمل أيه في الفترة اللي جاية
لو لقيت أنه فيه أذى مباشر ليك أو لأسرتك

تراجع ..............البطولة في المواقف دي نهايتها مش كويسة .

لو الموضوع لقيت أنه فيه أهتمام و ماشي كويس ........... كمل و ربنا يجازيك خير

و منه لله اللي كان السبب في الوصول لحال البلد للنقطة دي .........
حسبي الله و نعم الوكيل

أنا معاك في كل كلمة بتقولها
وعلشان أريح دماغي أنا هابتدي أدور على مكان بعيد عن اللي ساكن فيه حاليا
وربنا يسترها معانا
ومتشكر ليك جداااااا

ومن ضمن الحاجات اللي خليتني أمسك الحيوان ده ان كان حصل في بيت والدي سرقة حاجات تقدر بحوالي 250,000 جنيه وأهلي كلهم قاعدين في البيت ....تخيل...!!!!

المهم ان الحكومة ما عرفتش تجيبهم أو على رأيك مارضوش يجيبوهوم على تبقى التركة النص بالنص

ودهي حاجة مهمة من الحاجات اللي خليتني أمسكه..

والله نفسي أطلع من البلد دي على خير لأني عمري ماكنت فيها أصلا
دا أنا كنت شغال في أمريكا مع واحد يهودي, بس عمره ما ظلمني ولا كل حقي ولا اتخابث عليا...!!!!
صحيح في هناك فئة متعصبة ولكنهم قلة... وأنا باكلمك عن الأغلب الأعم

وبالمناسبة كنت في مشكلة مرة وواحد أمريكاني تدخل وحللي المشكلة و بقينا شبه أصحاب و كان بيحبني جدا وبيسألني عن الحياة في مصر وعن ديانتي وغيره...المهم انه في مرة لقيته جايبلي عجلة (بيسكليتة) هدية....!!! فأنا قولتله ايه كل ده أنا مش حاقبلها و روح رجعها وأنا متشكر جدا على اهتمامك...والكلام ده.....المهم.
انه طلع سارقها.....فقعدت اتكلمت معاه.... وراح رجعها فعلا

الفرق بنا وبينهم انهم بيتعلموا من أخطاؤهم على خلافنا تماما...للأسف

**Ahmed Nouh** · 10-10-2009 11:35 AM

ربنا يعوض عليك فى الخساير الماديه والمعنويه

وفعلا تسلم ايدك على اللى انت عملته معاه , انما بقا الشرطه دى اخر حاجه تلجأ لها فى الحاجات اللى زى كدا

واحد غيرك لو ليه فى الحكايات دى كان خده معاه فى الشنطه وراح عمل معاه الواجب فى اى حته ورماه للكلاب , هى بلدنا بقت بالدراع للأسف

**horas3000** · 10-10-2009 12:51 PM

انا بجد عاجز عن الكلام
خلاص ما بقاش في امل في البلد الناس اتسعرت و ما فيش حد يلجمهم او يلمهم. بقينا عايشين في غابة و الواحد لازم يطبق القانون بايده. و قال ايه والدي عايز يسيب الكويت و ينزل يستقر في مصر

ربنا يعينك و يعوض عليك في الخسائر اللي حصلتك و يسترها معاك و الموضوع يخلص لحد كدة

**ZALABANY** · 10-10-2009 01:10 PM

الله ينور عليك بجد

**Mohamed.Ramah** · 10-10-2009 01:31 PM

ربنا يباركلك هى دة الشجاعة واحد تانى كان ساب الشنطة والحاجة ربنا يقدرك على فعل الخير وحسبى الله ونعم الوكيل فى كل حرامى اللى سبب انتشارهم الحكومة بتاعتنا

**horas3000** · 10-10-2009 02:01 PM

المشاركة الأصلية كتبت بواسطة marwanelbendary

أبوس ايدك تقوله ما يجيش
ولو عايز يسيب الكويت يروح أي حتة تانية غير مصر أكرمله
وعلشان الراجل ما يقضيش فترة الراحة في حياته في مكان مليء بعدم النظام والهمجية والبربرية و ده هايأثر على نفسيته جامد بعد الشر زي ما والدي رجع المخروبة دي واصطدم بكل ما هو سيء وكان فاكر انه راجع يرتاح وياعيني عليك ياوالدي رجع لوجع الدماغ برجليه ورجعنا معاه

صدقني احنا مش مقصرين
انا و اخواتي و والدتي معارضين الفكرة لكن هو راكب دماغة
هو فاتح كام مشروع في مصر و بيباشرهم من هنا لكن لما الحمد لله ابتدوا يكبروا عايز ينزل و يتفرغلهم. انا عارف ان ده حقه و كلامة انه يتعب في ملكة احسن ما يتعب في ملك غيرة انا موافقه فية و مؤمن بية بس اللي بشوفوا و بسمعوا عن مصر مخليني مرعوب من العيشة فيها. انا نزلت قعدت سنة واحدة و كان هيجيلي انهيار عصبي لاني مش متعود علي الحياة و اسلوب المعاملة فيها بحكم اني مولود هنا.
غير كدة ابويا هنا و لله الحمد منصبة كويس و ليه قاعدة معارف كبيرة بيخلص بيها معظم مصالحنا و بالتليفون و ده طبعا مش موجود في مصر و انت ادري اللي ملوش ظهر في مصر بيحصل فيه اية خصوصا انه يعتبر فريسة و هدف لقطة لناس كتييير يتمصلحوا عليه.

ادينا بنعمل اللي علينا و ربنا يقدم اللي فيه الخير و يوفقنا الي ما يحب و يرضي ان شاء الله

-

-

الموضوع: اتسرقت و...........قفشت الحرامي......!!!!!

LinkBack

أدوات الموضوع

عرض

-

-

-

-

-

-

المواضيع المتشابهه

سيراتو اتسرقت و صاحبها راح سرقها من الحرامي !!!

سيراتو اتسرقت و صاحبها راح سرقها من الحرامي !!!-واقعة حقيقية

عربيتي السيراتو اتسرقت قدامي وكان الحرامي معاه المفتاح

عربيتي السيراتو اتسرقت قدامي وكان الحرامي معاه المفتاح

الفرامل قفشت

الكلمات الدلالية لهذا الموضوع

المفضلات

المفضلات

ضوابط المشاركة