الموضوع: رابطة الوحوش ملاك السيفيا....الجزء الاول

صباح الجمال وكل حاجه حلوه عليكوا ان شاء الله

يا جماعة الى يعرف حاجة عن استاذ سامح يطمنا علية
كان فى قلق من فترة عند البيت عندة و مبيردش عليا ..

لسه والله يا ماكس مكلمنى من اسبوع تقريبا والحمد لله هوا تمام هوا برضوا ساعات معايا مش بيرد
لمشغلوا بالذات الفتره ديه عشان القلق الى كان موجود بس والله سال على الكل

مش تبعد عنة
الاوتو محتاج عناية مش اكتر لاكنة اريح بكتير جدا جدا
و لو قدامى الفرصة اغير الفتيس هغيرة ..

بالظبط محتاج عنايه
بس يا ماكس هل التغيير مجرد هتشيل القديم وتحط الجديد ولا لازم شويه شغل
لانى شوفت واحد عمل لانوس من مانويل لاتو بس قعد يلحم شويه حجات قلقتنى ؟

شكرا للـ mgazaly لرده السريع والوافى لكن السؤال اين اجد موتور المساحات فى العربيه . وشكرا ليك مره تانيه

الغزالى جاب المفيد بس فى حاجه صغيره اوى ان الفيوز يكون هوا السبب لان ده حصل عندى وطلع فيوز وان شاء الله
هيطلع هوا
وبكدا انت هتحتاج تروح لكهربائى هتقولى شوفلى الفيوز بتاع المساحات
لو قالك مفهوش حاجه او غيروا وبرضوا هتشوف توصيلات الماتور

وعشان توصل للماتور هتفك الفانوس ناحيه اليمين تمام وهتمد ايدك تحت قربه المايه هتلاقى الماتور
هتوشف التوصيلات بتعتوا ممكن يكون عليه صدى من الميه فعامل عازل لو برضوا مشتغل هتفك الماتور
وتجربوا عند اى كهربائى او بنفسك على البطاريه وتشوفوا شغال ولا لا لو مش شغال

هترمى الماتور وهتجيب واحد جديد من 40 الى 50 جنيه انا كنت جايبوا بس مش فاكر بكام
ممكن تلاقى الجديد الفيشه مختلفه هتروح تجيب الفيش السفره ناسى اسمها بالعطيان بتعتها وهتركبهم
وان شاتء الله الموضوع هيطلع فيوز

حلو ان جت سيره البزابيز أنا عندى سؤال لأن احنا معندناش بزابيز أصلا هو الموتور بيبقى فى القربه بتاعه مياه المساحات ولا هو مع نفس الماتور اللى بيحرك المساحات؟؟؟

بيبقى راكب تحت القربه بوز داخل فى القربه وبوز خارج منوا خرطوم ماشى لحد الكبوت ومتفرع لخرطومين داخلين فى البزابيز الى بيطلع الميه

خلى بالك انت قبل متشوف القربه وتشوف البزابيز اسمع فى صوت للماتور يعنى شغال ولا لا لو مش شغال هتشوف الفيوز
والفيوز من العلبه الى جوه العربيه
مش محتاج تروح لكهربائى لان العلبه مكتوب عليها فيوز المساحات لو سليم هتفك بنفسك وتشوف الدنيا فى الماتور عامله ازاى
المتاور بيتفك انك بتشده لتحت جامد لانو بيكون داخل كبس

لأن احنا معندناش بزابيز أصلا

بيعجبنى فيك صفه الجمع بينك وبين اخوك ربنا يخليكوا لبعض
ولازم يكون فى بزابير والله اعلم باسمها فى الكبوت والقربه والماتور ملهمش علاقه بالمساحات