الموضوع: رابطة الوحوش ملاك السيفيا....الجزء الاول

عندي سؤال بخصوص نقص المياه في الردياتير
انا من ساعة ما اشتريت العربية الميه مكانتش بتنقص عندي خالص لكن قبل رمضان اللي فات بشهر كده كنت مسافر والعربية فضلت مركونة حوالي اسبوعين ولما رجعت اركبها تاني لاحظت انها بتنقص جامد فرحت سلكت الردياتير وده كان تقريبا اول يوم رمضان اللي فات طبعا كان في الصيف
ومن ساعتها تمام جدا ومنقصتش خالص لكن من يومين كده لقيت الميه نقصت والعربية سخنت شويه
ولما زودتها الدنيا مشيت عادي
يا ترى هي المفروض تنقص كل فتره ولا كده في حاجه غلط عندي والمفروض اسلك الردياتير تاني مثلا ؟؟

اذيك يا ريس وان شاء الله نلاقى شغل لانى انا كمان بدور وربنا يكرم
بالنسبه لنقص الميه مش اساسى بيرجع لموضوع التسليك وانت سلكت قبل كدا يعنى لسه بدرى اوى لو بتفكر تسلك تانى
والاحتمال الاكيد ان عندك تسريب لاما من العلبه الى فوق لاما من العلبه الى تحت فى الريداتير او فى افيز مش مربط كويس
او الغطاء بيسرب هوا
فان هتبص على كل الكلام ده لو لقيت احمرار على الافيزات يبقى بتسرب لو لقيت صدى على الريداتير من فوق او من تحت يبقى بيسرب
وبرضوا ممكن يكون اتخرم فانت مترحش تقول سلكلى الريداتير روح لواحد متخصص وقوله الميه بتنقص
وبسيطه ان شاء الله والمفروض الميه متنقص

اشكركم على الرد بس هل ممكن يكون الاسكترة والطرمبة بيظين وانا مش مركب جنوت ثم هل البور بتاع السيفيا خفيف ولا دة عيب فى السيفيا وهى سعرها كام الان موديل 1999 الحالة 80 فى المية وشكرا جزيلا.....................................

باور السيفيا كويس مش عارف انت كان معاك عربيه مثلا قبل كدا الباور بتعها خفيف اوى
او ممكن يكونوا بايظين انت خلى حد غيرك يسوق العربيه ويقولك رايه
خصوصا لو معاه سيفيا كمان هيبقى احسن
سعر السيفيا من 40 لحد 43 حسب حالتها طبعا

كلاكيت تاني مرة والمقص الشمال اتكسر بالليل كان اليمين اتكسر من شهرين ونص يالا الحمد لله
بس انا مش عارف ده عيب في سواقتي ولا في السيفيا عموما يا ريت حد يقولي
حاجة كمان انا كده كده هجيب واحد جديد بس هل القديم ممكن ألحمه ويرجع يشتغل تاني ولا صعب وهل المقص الامامي ده عليه حمل جامد ولا هو وظيفته ايه

lممكن فعلا زى مماكس بيقول وممكن يكون انت سوقتك قاسيه شويه مع المطبات
بالنسبه انك تلحم ده طبعا مرفوش نهائى ومينفعش لازم تشترى واحد لاما استيراد لاما جديد نوع نظيف
وابقى طمنا ان شاء الله

السلام عليكم و رحمه الله
أنا عندى أستفسار كده على الماشى
أنا فى خناقه بينى و بين واحد صاحبى على طريقه السواقه يعنى هو العربيه تجيب 20 يجيب التانى تجيب ال 40 يجيب الثالث و هكذا
لاكن أنا بجيب التانى على 20 عادى لاكن بجيب التالت على ال60 و ممكن أكتر و بجيب الرابع على 80 وأكتر شويه و مشيت عليه على 130
و صاحبى يعد يقول الموتور هيفوت و بتاع من ده و أنا بصراحه مش بقتنع بكلامه
و أنا مقتنع انا ال rpm طالما مجاش على Red zone يبقى أنا كده فى السليم وعامتا بنقل على rpm 4 بالكتير 5
فهل ده صح ولا غلط و ياريت أعرف من كل والوحوش بتنقلوا على rpm كام و سرعه كام ؟؟؟

بص يا ريس ديه بتبقى وجهات نظر يعنى متجبش عربيه قديمه وتجيب الثانى على 60 سعتها فعلا ممكن الماتور يفوت
وممكن تلاقى واحد بيطلع على الثانى وبينقل الثالث على 40 حسب سواقته
والجاز غير البنزين
وافضل نقله فى العربيات بتعتنا عامتا الاثى على 20 والثالث على 60 وهكذا مش هيفوت الماتور لو حرقت على الغيار بس انت كدا بتوصل للماتور لاقصى عزم فى عدد اللفات وده بعد فتره هتلاقى الماتور اتهلك منك عشان كدا بنقول متحرقش على الغيار
وفى نفس الوقت تلاقى واحد بينقل الثالث على 50 او 40 وده برضوا غلط لانو بيسمح ان يكون فى كربون على البوجيهات وغيرها
وبعد كدا يرجع يشتكى يقولك هوا ليه العربيه مش بتسحب

نهايه الكلام بقى
لو انت جوه البلد والجو زحمه متقرص على الغيار وريح الماتور
لو انت ماشى فى طريق صفر حاول انك تحرق على لغيار عشان تفتح ماتورك وتفوقه
واخر حاجه حاول انك تخلى سواقتك ثابته بمعنى عدد لفات معينه بمعنى ان مش كل مره تركب فيها العربيه تسوق بشكل مختلف على النقلات
بالنسبه لتفويت الماتور ده مش هيحصل طالما انت ماتورك كويس وبعيد عند الريد زون بس نخلينا فى الامان لاننا مش عربيات سباق