الموضوع: رابطة الوحوش ملاك السيفيا....الجزء الاول

السلام عليكم سلامى لكل اعضاء الرابطه و بالاخص عصام و هانى

وعليكم السلام يا ريس ويارب تكون بخير وشكرا لذوقك

انا كنت باقول كده فعلا في الاول وبعدين فكرت شويه لقيت اني ممكن لما ادي العربيه غيار بدري شويه ده يخليها تستهلك بنزين اكتر عشان تاخد السرعة اللي المفروض تاخدها بشكل طبيعي يعني مثلا لو انت طلعت من الثبات على التاني اكيد هتحتاج بنزين اكتر عشان تحرك العربية بالترس الاضعف من المطلوب للسرعة الحالية
مش عارف فهمت وجهه نظري ولا لأ لكن على العموم انا اخدت بالي من عربيه واحد صاحبي ماتريكس اتوماتيك لقيتها بتغير على 3.5 rpm علشان كده قلت ممكن يكون هو ده المعدل الطبيعي

هقولك على حاجه انا فهمت وجهه نظرك وحتى لما فكرت فى كلامك قبل كدا جه فى دماغى الصوره ديه
بس انت بقى لو عاوز الصح بتاع الماتور بتعنا نشوف التتالوووووج ممكن يكون ماتور الماتركس مختلف

مشكلة السخونة اللي قلتلكم عليها قبل كده غالبا كده شكلها ترموستات المروحة بيعلق لأن الميه مبتنقصش خالص ولا حظت انها بتسخن مره واحده وهي الميه زي ما هي مش ناقصه والمروحة مبتشتغلش ولما ابطل العربيه شويه وارجع ادورها المروحة تشتغل عادي كده بقى واضح انه الترموستات بيهيس
حد عنده فكره سعره كام؟؟

على فكره الاغلبيه بيشيلوا الترموستات انا مش عارف هوا عندى ولا متشال ولما اتكلمت مع ميكانيكى قبل كدا
قالى ان الترومستات مش مفيد عندنا لانوا بينزل فى العربيه عشان الدول الى عندها تلج والكلام ده
وناس كتير بتلغيه اما سعره مش عارف والله
وبص برضوا على حساس الحراره وده بخمسين جندى

أنا أول مره أخد بالى أن الأسعار عليت كده يعنى على ما أظن ان الاكسيل متعديش ال 33 بأى حال من الأحوال و الأكسنت على ما أظن متعديش ال 40 و السيفيا ب 49 على كده الأسبكترا تبقى 55 حرام أنا بيتهيألى السيفيا لما تكون مفيهاش غلطه (التابلوه سليم)
متعديش ال 44 أو 45 بالكتير
و الجولف 2 دى اللى هى أواخر الثمانينات كانت فى العشرينات ده كده حلو أنا كنت متخيل أنها أكتر من كده
و أن شاء الله نبقى فى الوسط فالبنسبه لتفتيح الماتور كل مده فالعربيه أصلا مش بتخرج غير كل مده يعنى لو خرجت مرتين ثلاثه فى الأسبوع يبقى كده خرجت كتير و نادرا لما بجيب التالت
عشان كده بنستغل فرصة لما نكون فى حته فاضيه بنعمل كده

والله ياريس انا مش عارف انا الى هسيت فى الاسعار ولا فعلا فى اسعار عربيات ارتفعت
عاوزين نسمع ان السيفيا بقت فى السبعينات :)))))))))))))))))))))))))))))

وكويس انك بتعمل كدا لما بتخرج عشان متخليش كربون على الايدل او البوجيهات