الموضوع: رابطة الوحوش ملاك السيفيا....الجزء الاول

المشاركة الأصلية كتبت بواسطة dody_jaja

ازيكو ياجماعة عاملين ايه كلكم؟ بجد الرابطة من اجمل الحاجات الي شفتها في الموضوع دة وبجد قوية جدا وفيها معلومات مفيدة جدا.
ثانيا لو حد فاكر انا كان عندي مشكلة في الاسكاطرة، كانت بتجيب زيت، ورحت جبت طقم اويلسيلات، والحمد لله الصنايعي الي كان شغال فيها كان زبالة وحصل مشاكل كتير وفي الاخر حطلي علبة استيراد كانت بتجيب زيت اكتر من العلبة بتاعتي، في الاخر رحت لواحد تاني مضمون،اول مابص عليها قالي العلبة دي مش هتنفع وريحي دماغك هاتي العلبة الاصلية عشان الاستيراد مش بيعيش، الحمد لله رحت عند حلمي سليمان جبتها بس لقيت السعر اعلى كتير من السعر المكتوب هنا، السعر بتاعها 1500 ومرضيش ينزل في السعر جنيه، المشكلة اني ركبتها من ساعتين اهو تقريبا وفي البداية كان الدركسيون تقيل ومشيت بيها مشوار كبير شوية على اخر المشوار الدركسيون بقى خفيف بس في صوت عالي، في حد قالي ان دة هوا في مواسير الاسكاطرة والمفروض اروح لميكانيكي يسحبه
ياريت لو حد عنده خبرة في الموضوع دة يقولي ايه الصح واعمل كدة فعلا ولا ارجع للصنايعي الي ركب الاسكاطرة؟
ويارب الرابطة تفضل على نفس المستوى بس ياريت حد يحدث اسعار قطع الغيار لو كانت فعلا اتغيرت عشان فروق السعر مش قليلة.

ياباشا مبروك عليك الاسكاطرة

و اهلا بيك معانا و بجد احنا بنتشرف بحضرتك
موضوع الهوا فى الاسكاطرة دة انا اول مرة اسمع عنة بس عموما ادينا بنتعلم
و اصبر عليها يوم كمان شوف هتتظبط ولا لا

و ب النسبة للاسعار ف الاسعار هى اى بتغلى و للاسف احنا معندناش القدرة لتغييرها فى الموضوع ..