المشاركة الأصلية كتبت بواسطة alpatshino
الحمد لله اليوم تم تغيير سير الكاتينة ... وسير الدينامو ... وسير التكييف ...والبوجيهات 2 شمعة ... وتم ضبط التقسيمة ... وزي ماتوقعت تماما .. الميكانيكي أول مافك غطا البوجيهات قاللي إزاي العربية دي ماشية معاك .. ولما سألته ليه ؟ .. قاللي بص ... وما بصيت لاقيت المكان اللى فيه البوجيه رقم واحد مليان ميه .. ايوة ميه .. الظاهر ان العربية لما كانت بتتغسل دخلت ميه على البوجيهات .. ده غير ان باقي البوجيهات كانت طالعة كأنها عمرها ماتغيرت قبل كده .. كانت صفرة خالص ومصديه .. قام الميكانيكي بشفط كل الميه بخرطوم رفيع زي بتاع البنزين .. ونفخ فيها بمسدس الهواء .. وبعدين ركب البوجيهات الجديدة .. وظبط التقسيمة وهو بيركب سير الكاتينة ... ونظف فلتر الهواء .. وقالي إن فلتر البنزين كويس وشكلة لسه جديد و يمشي معاك شوية .. فمش محتاجين نغيرة دلوقتي .. وقولتلة ان الفتيس بيعض شوية .. ولما جرب قاللي ان دواسة الدبرياج واطية قوي وعايزة تعلى شوية ... وفعلا علاها شوية .. وطلعت اجرب العربية ... مش عايز اقولكوا حسيت بإيه .. بسم الله ماشاء الله زي ماكون راكب زيرو .. العربية اختلفت 280 درجة .. صوت الموتور هدي .. السحب رااااااااااااااائع ... الفتيس كأنه جديد ... بجد بجد حسيت بالعربية فاقت ... الحمد لله رب العالمين ..
نسيت اقولكم اني غيرت كمان اولسية الكرنك , و غيرت اولسيهين بتوع التقسيمة بالمرة .. والحياة بقى لونها بمبي ...
و نسيت كمان اقولكم انا جبت الحاجة بكام ( بصراحة الميكانيكي امبارح كان في التوفيقية فقولتلة يجيبلي الحاجة معاه وحاسبني عليها )
1 ــ سير الكاتينة ( 80 جنيه ) كوري
2 ــ سير الدينامو ( 20 جنيه )
3 ــ سير التكييف ( 20 جنيه )
4 ــ عدد 3 اولسيه ( 15 جنيه )
5 ــ عدد 4 بوجيه 2 شمعة ( 50 جنيه )
والميكانيكي خد مصنعية ( 50 جنيه ) بس ده علشان معرفة
بس كده خلاص