استاذ محمد منورنا فى الرابطه يارب تكون بخير
هانى باشا كنت فين والله لسه سائل عليك اليوم ايه اخبارك
اقتباس:
عندى سيفيا موديل 2001 ( كنت فاهم انها كورى بس من قرايتى لصفحات الرابطه فهمت ان فيها تقفيل مصرى - هبقا ابص على الزجاج واقولكم هيا كورى ولا مصرى بس بكرة ان شاء الله لانى مكسل انزل دلوقتى :embarrassed: )
2001 تبقى كورى لو 2000 كنت قولتلك احتمال تبقى مصرى
انا معايا 2001 وكورى وعلى فكره مفيش فرق غير فى حجات بسيطه
زى مثلا هوايات التكييف دراع الكراسى
وبعدين زملنا سامح معاه المصرى وعربيته زى الفل يمكن احسن من كتير معاهم كورى ديه مش مشكله
اقتباس:
المشكله انى قرفان جدا منها مش كعربيه بس لاتنى صرفت كتير جدا عليها واحلا اشتغالات حصلت عليا
طبعا مش هذكر الماضى الاسود
ربنا يعينك بس طالما مش رايح لواحد بيفهم يبقى عليه العوض
مش انت لوحدك الى اتقرص من المواضيع ديه يمكن كلنا برضوا اضحك شويه علينا
وقطع غيار بتتغير من غير لزمه وحجات بتبوظ وبتتركب غلط ومصنعيه ومحدش بيتعلم بالساهل
انت لو عندك خلفيه كويسه عن العربيه هتحبها ومحدش هيلعب عليك
اقتباس:
س اقرب حاجة من اسبوع مغير مساعد خلفى شمال وخارط طنابير امامى وجايب جوز كبالن جديدة ب 600 جنيه
( نفس المساعد من شهرين كنت مغيرة استيراد ب 150 ج بس اشتغل اسبوعان وسمعت صوت خبط رهيب فى المطبات ... فرحت مغير الصنايعى بالكامل )
ديه مشكلتنا على فكره عاوزين نركب من غير مندفع
ملازم يجى وقت يا ريس تغير مساعدين وخد عندك ديه مينفعش تغير مساعد لوحدوا ولو كان العفشجى وافق علىا لموضوع ده يبقى مش بيفهم
ثانيا غلطه منك تجيب مساعد استيراد اى حاجه عندك فى العفشه انسى انك تجبها استيراد هات حاجه فى الماتور حاجه فى الاكسسوارات لكن فى العفشه لا انت ايش ضمنك المساعد الى انت شاريتوا ده مشى كام كيلو ولا ايه ظروفه
ول ااصلا بتاع استيراد ول احتى يكون ضرب ونشف من الركنه
انا عندى العربيه ابتديت احس برضوا بدبدبه والعفشه نشفت وهجيب 4 مساعدين وبصراحه كتر خير الى فيها
مع شوارعنا مقابر من مطباط هيتكلفوا 1200 بش موت يا حمار بقى لو حبيت اغير مساعدين بعد كدا
فلو لسه مجبتش مساعد يبقى هتجيب اتنين جديد يبانى لازم الاتنين وبعديها تظبط زوايه وتكشف على بيقط منظومه التعليق
اقتباس:
ههههههه المشكله انا غلبت اقول للميكانيكى دوول 3 سيور يقولى لا دوول 2 بس
وفى الاخر قلت لنفسى هوة انا هفهم اكتر من الحكومة اكيد 2 والتالت دة خدعه
انت هتشككنى فى نفسى 3 سيور مش 2
عندك اتنين بره دينمو وباور
والكاتينه جوه لحسن يكون بيغيرلك سير الباور على انو الكاتينه ولا حاجه !!!!!!!!!
اقتباس:
لسة النهاردة وانا راجع من الشغل بطلع الكوبرى وهديت خالص لان كانت فية عربيه عطلانة وبدوس بنزين لاقيتها قطعت مرتين ومشيت
قلت اهدى خالص تانى واجرب راحت عامله نفس القصه قلت خلاص انا هركنها واخد مواصلات بلاش بهدله وقله قيمه
بسيطة صح؟؟
موضوع التقطيع او ان مفيش سحب بيرجع لكذا حاجه وممكن اتهف حاجه تاثر معاك
شوف انت عامل اخر مره طقم سيرفيس امتى من فلاتر وبوجيهات
وايه اخبار الموبينه ؟ لان التقطيع بيجى منها
وطرمبه البنزين ؟ لو الماتور تعبان مش هتسحب فهيا بتقطع وتبطل ولا بتقطع بس
واخير الفتيس وزيت الفتيس ؟
اقتباس:
بسمع صوت صفارة جامدة جدا اول ما ادور العربيه سواء صبح او ليل وساعات لما افرمل واهدى السرعه
قالوا دة سير الكاتينة مش اصلى رحت مغيرة من يومين وبرضة نفس الصوت والمفروض انه سير اصلى
انت عندك سير عاوز يتشد سيبك من سير الكاتينه انت عندك سير الدينمو وسير الباور
روح لميناكينكى قولوا فى سير بيصرخ وهوا المفروض عارف شغلو
اقتباس:
استهلاك البنزين بسم الله ماشاء الله 160 ك فى الصفيحة وكمان بحط بنزين الفايف ستارز 92 :crying2:
برضوا شوف اخر مره عملت طقم سيرفيس امتى
والعربيه بتاخر معاك فى الدواره ولا لا
مركب بوجيهات كام شمعه
الرشاشات
حساس السرعه
حساس الشكمان
واخيرا ممكن يكون عندك صباب او 2 مسيلين وهما الى عملين الاستهلاك العالى
اقتباس:
الحرارة عندى بتبقا دايما المؤشر اللى تحت النص ... ساعات بلاقى الحرارة نطت بقدرة قادر فوق النص بشرطه
افتح التكيف الاقيها بدات تنزل
رحت للميكانيكى اللى هوة مختلف عن الاتنين اللى فاتوا قالى دى لازم نفتح الفتيس ونكشف عليه احتمال يكون فية عيب نظبطه لانة هوة السبب فى رفع حرارة العربيه وكمان فى السحب تلاقى العزم بتاع العربيه مش مساعدك
ونصيحه منى متمشيش عليها كتير دة ممكن يبوظ منك فى اى لحظة وتقف مكانك .. ولو منفعش يتصلح نجيب فتيس استيراد
ايه الى جاب القلعه جمب البحر
هوا اه لو الفتيس فى حاجه يقلل معاك السحب وميبقاش فى عزم
بس موضوع الحراره اول مره اسمع عنو هوا نات منين صحيح
شوف انت اخر مره عملت دوره تنظيف امتى للريتداير لان احتمال كبير يكون هوا السبب
اكش فعلى المروحه
واخير الثرموستات مكن بيكون بيقفل ومش بيفتح
هذا والله اعلم
اقتباس:
ههههههههه ... مأساة مش كدة
عموما بعيد عن البلاوى اللى فاتت دى
انا فعلا اتشرف انى انضم لرابطة الوحوش وارجو قبولى معاكم
ولو ينفع اى مساعدة قبل ما افجر العربيه :crying2::crying2::crying2::crying2:
اى مساعده ايه بقى انت عاوز الى يسعدك بعد ربنا اكيد
وبعدين تفجير العربيه مش حل برضوا
انت بس عاوز تعمل طقم سيرفيس محترم وتنظف دوره انجكشن
وتظبط المساعدين وينبص على العفشه
ولو عاوز تروح لجورج مفيش مشكله بس انا حاسس انك من كوكب اخر بسبب الصنيعيه بتوعك من غير زعل
وبعدين انت نورتنا فى الرابطه هتلاقى ناس كتير مختفيه عشان الامتحنات ربنا معاهم