الموضوع: رابطة الوحوش ملاك السيفيا....الجزء الاول

الحمد لله ياجماعه صوت الموتور بقى زي الفل .. وكانت مشكلة التخبيط في الموتور بسبب ان مجاري الزيت كانت مسدوده .. فكان الزيت مش بيوصل لوش التقسيمة وللكوستبانات .. وطبعا كده يبقى حديد على حديد ويعمل صوت جامد ... قام الميكانيكي بفك الموتور من فوق ومن تحت وسلك كل المجاري بتاعت الزيت .. وجرب .. وبقت تمام والحمد لله ... أولا بقى لازم تعرفوا ازاي تم اكتشاف العيب ده ... طبعا انتوا عارفين ان لما العربية عملت الصوت ده أول مرة .. رحت غيرت الكوستبانات .. وجبت الطقم بـ 900 جنيه .. وبعد عشرة ايام رجع الصوت تاني ... فالميكانيكي اتجنن ... وقالي تعالى معايا .. وروحنا لواحد في عين شمس .. هو خراط بتاع وش السلندر وبيظبط التاكيهات .. ومتخصص في وش التقسيمة .. والراجل كان جرئ جدا ... فك غطاء وش السلندر .. وحط البوجيهات والغطاء مفكوك .. وقاللى دور .. وقال للى حواليه .. ابعدوا علشان كلنا هانغرق زيت .. ولما دورت .. كانت المفاجأة .. ولا حصل حاجة .. الموتور شغال ومافيش نقطة زيت طالعه بره الموتور .. قالى كده يبقى ياإما طرمبة الزيت ضعيفة جدا .. ياإما مجاري الزيت مسدوده وده اللى كان هو بيرجحة .. وقال للميكانيكي سلك الأول مجاري الزيت وشوف ... وفعلا لما مجاري الزيت سلكت .. كل حاجة رجعت طبيعية ميه ميه والحمد لله ..

الحمد لله انها طلعت حاجه بسيطه وكويس والله ان الميكانيكى عندوا ضمير وسعى معاك فىا لموضوع
بدل مكان قالك ده باظ تانى
بس معنى كدا هل الكوستبنات القديمه شغاله تمام ؟

سؤال بقى ياجماعة كده على الماشي ..انا العربية سخنت مني جامد ولما سبتها تبرد فتحت الرادياتير لاقيته فاضي .. بس لاقيت طرمبة المياه مليانه على الاخر .. رحت للميكانيكي .. واكتشف ان فيه مياه بتنقط من تحت وقالي ان خرطوم المياه مقطوع حته صغيرة .. وراح قطع الحته اللى مقطوعة ووصله تاني وحط عليه كوليه جديد .. وقاللي كده تمام .. وفعلا كل حاجه بقت تمام .. بس الغريب بقى ان الحرارة بقت تنزل جامد وانا ماشي .. يعنى العربية بقت تقعد كتييير اوي لحد مايوصل مؤشر الحرارة لحد قبل النص بشرطة .. وبعدين لما بامشي يفضل المؤشر ينزل لحد مايوصل قبل ال c بشرطة .. طيب ده كويس ولا وحش ... ولو وحش .. ياترى ده من ايه بقى .

شوف يا باشا في العادي ده يحصل في حاله واحده انك تكون مشغل التكييف و كمان يكون مافيش ثرموستات علي بوابه الميه اللي في الماتور فتبقي دوره المياه شغاله علي طووووول
ممكن بقي من المره اللي سخنت فيها يكون صباع الحراره راح و ده هتلاقي ترمله واحد من تحت خرطوم الميه ركبه في المتوور وهوا هناك
يا رب تحل المشكله عشان نمر الحراره دي بيخه جداً

كلام استاذ اسلام تمام
بس انا من راى بلاش تركب الثرموستات وتفادى مشاكله فى الصييف او برضوا الى يريحك
وحاول من وقت للتانى تكشف على ميه الريداتير
واعتقد انك تقصد بالطرمبه القربه ولا انا فاهم غلط