الموضوع: رابطة الوحوش ملاك السيفيا....الجزء الاول

لسه راجع حالا يا عصام شوف النصيب انت اللى مشوارك سفر وصلت امتى وأنا اللى اللى مشوارى نص ساعة اخدتها فى اكتر من ساعتين وسط البلد جحيم جحيم جحيم


المقابلة بصراحة كانت جميلة جدا وناسها اجمل وكمية الاستفادة لا توصف وبسم الله ما شاء الله على الناس دى مظبطين عربياتهم تظبيط حببنى فى العربية أكتر مما أنا بحبها اصلا

وأى مقابلة حتى لو كانت فى المريخ أنا راشق معاكم إن شاء الله

والله هوا نصيب معلش انا لولا انى مش بشوف بليل والموبيل رن كان زمانى برضوا طلع عينى ذيك معلش
المره الجايه حاول انك تتوه شويه :d

حمد الله على السلامة يا رجالة وبجد انا زعلان جدا اني مقدرتش اجي المقابلة لكن والله الناس اللي عندي مشيو الساعة 12
على العموم ان شاء الله تتعوض
واوعو تكونو مصورتوش المقابلة ازعل قوي

حمد الله على السلامه يا رجاله .....

الله يسلمكوا
معلش يا صقر تتعوض ان شاء الله
للاسف الله يسامحه هانى مصورنى شويه صور زى الفل عشان تنبسط
بس صدقنى ده مش انا

ما هو ده الطريق اللى كنت بقولك عليه يا عصام انت تطلع الدائرى بتاع المنيب وتفضل ماشى لغايه الوصله الجديده اللى بتربط الدائرى بتاع المنيب بالدائرى بتاع ميدان لبنان ( الحته اللى انت حسيت انك ماشى فى عالم تانى ) وعلى فكره انت فى الحته دى هتعدى من قدام العماره بتاعتى وبعد كده لقيت نفسك على دائرى تانى فى اتجاه ميدان لبنان طريق سهل و سريع وبحسبك انتا عارفوا وكنت بتهرج وانت بتقول 150 كيلو ملحوقه المقابله اللى جايه ابقى اديك كورس فى الطرق : ))))
احب اقولكم يا جماعه انى اتشرفت بمعرفتكم النهارده وانتوا ناس زى الفل و الله سواء كان عصام او ماكس او هانى او احمد و ربنا يديم المعروف و المحبه ان شاء الله
ولينا قاعده تانيه يا عصام ان شاء الله

والله ده طريق ميه ميه بس هتقولى تعرف تروح منوا تانى اقولك لا
وانا بجد مبسوط ان قابلت شخصيه جميله ذيك
وبأذن الله المقابله الجايه تكون قريب

http://www14.0zz0.com/2011/08/20/13/459577753.jpg
http://www14.0zz0.com/2011/08/20/13/168130148.jpg
http://www14.0zz0.com/2011/08/20/13/896587775.jpg
http://www14.0zz0.com/2011/08/20/13/591847297.jpg

الله يسمحك يبنى على الصور ديه

استنيت امبارح اى حد من بتوع الدليفرى يخبط عليا ...مفيش فايدة
انا قلت مش هتنسونى وتبعتولى فطارى على البيت ...بس انا عارف تلاقى مكنش فيه دليفرى

الحمد لله ان المقابلة كان جميلة وعقبال كل مرة ....مقابلة كيا قربت نشوفكو على خير بأذن الله