الموضوع: رابطة الوحوش ملاك السيفيا....الجزء الاول

المشاركة الأصلية كتبت بواسطة dody_jaja

اولا شكرا على اهتمامك بالرد بسرعة، ثانيا انا كلمت حلمي سليمان عشان هو اسهل حد ممكن اروحله في ظل القلق الي موجود في البلد الايام دي، لما اتصلت بيه قالي ان بلي الكاتينة عامل 110 والسير ب 70 فمش عارفة بقا الاسعار كدة ايه؟ مشكلة الجندي اني معرفش شارع دمشق ولا اروح هناك ازاي وزي ماانت شايف سعر البلي عند اعلى من حلمي سليمان.
ياريت لو تعرف حد في التوفيقية اجيب منه فبرات الفتيس يبقى كتر خيرك اوي او ابعتلي رقم تليفون الجندي اتاكد منه على نوع بلي الكاتينة يمكن يكون عنده نوع تاني اقل في السعر عشان الكاشات مقصرة شوية

لو لسه مجبتيش فبرات الفتيس اسئلى عند حلمى سليمان زى ما عصام قالك اول واحد لقيتى الحاجه عنده لفى على الباقى وشوفى الاسعار بس اوعى اوعى تهوبى ناحيه بيبو فبرات الفتيس عنده صينى معفنه والواحد ب 15 جنيه والاصيله عند حلمى سليمان ب 40 جنيه ال 4 ,, كان ماكس جابهم من عنده كان شكلهم نضيف اوى ماشاء الله
-------------------
انا هاخلص بكرة شغل الساعه 10 بليل فى الحى العاشر مدينه نصر
لو فى مقابله فى ستيى ستارز زى ماقولتوا حد يكلمنى من الى معاه نمرتى وان شاء الله اخلص واجيلكم ادعولى هاخد العربيه بكرة

الحمد لله لقيت فبرات الفتيس عند حلمي سليمان وفعلا سعرهم 40 جنيه، وحظي كان كويس لان الراجل قالي والله دول لسة جايين الصبح وانا كنت فعلا سألت قبلها بيوم وقالي مش موجودين، ربنا يسهل بقا واخلص النهاردة تركيب الحاجات دي عشان رمضان قرب اهو ومش عاوزة اشوف اي ميكانيكي في رمضان

كويس والله حظك حلو وان شاء الله خير ومبروك مقدما

صحيح ياجماعة كمان انا لقيت عنده زرار المرايات وسعره 60 جنيه يعني ارخص من الاستيراد، انا كان بقالي كام شهر دايخة عليه وللاسف مكانش موجود خالص، فلو حد محتاجه هو موجود دلوقتي عند حلمي سليمان

هوا اغلبيه الاستيراد بيبقى اغلى من الجديد ده طبيعى
بس الاستيراد بتبقى حجات اصلى اغلبيه الجديد صينى او تيوانى