الموضوع: رابطة الوحوش ملاك السيفيا....الجزء الاول

السلام عليكم و رحمة الله و بركاتة
تحياتي لكل الاخوة الاعزاء اعضاء و زوار المنتدى
طبعا من العنوان معروف انا هسأل على ايه.لكن انا عارف الاجابة نوعا ما.اكيد طبعا السيفيا احسن.اكبر.افضل.اشيك.اوسع...... .الخ
لكن في نقط كتير من الناس لا تنتبه اليها..لان بعض الناس تتشد ناحية عربية معينة و تعشش في دماغها و هي ممكن تستحق و بعد كده تندم على قرار الشراء. لتوضيح المثال...معظم شرائح مالكي السيارات من الطبقة المتوسطة..يعني دكاترة او زي حالاتي مهندسين..و ظروف الحياة بكل التزامتها لا تخفى على احد..و ده يمكن سبب انتشار انواع زي الفيرنا و اللانوس دون اي انواع تانية..و لو جيت سألت اي حد من ملاك النوعين دول مثلا هيجاوب يقوللك ..انا معايا سيولة اشتري bmw مستعمل مثلا..بس بعد كده هعمل ايه لما حاجة فيها تبوظ..هكع دم قلبي في تمن التصليح و مصنعية اللي هيصلح و حاجات من كده..وانا محتاج فلوس عشان اشتري شقة اكبر مثلا او ادخلهم في تجارة و كده يعني..وهو ده بالظبط محور سؤالي
*السيفيا ممتازة جدا..لكن هل قطع غيارها متوفرة و رخيصة بسعر قريب من اسعار الاكسنت اللي الناس كلها عارفاها ولا ايه..
*هل الميكانيكا بتاعتها و الكهرباء و العفشة و الكلام ده سهل اني الاقي حد كويس يعملهم زى ما طوب الارض بيصلح الهيونداي عموما..مع العلم ان السيفيا فيها حساسات كتيرة و فيها شغل الكترونيات كتير يعني الموضوع معقد ولا الدنيا كويسة فيها و بسيطه زي بساطة الاكسنت..
*قطع الغيار الصلبة-زي مانا سميتها-اللي هى اجزاء الصاج و الفوانيس و الكلام ده..متوفرة و سعرها قريب من سعر الاكسنت ولا ايه النظام..
*اخر حاجة.سهولة اعادة البيع..هعرف ابيع بعد كم سنة ركوب ولا هحتاس بيها..والنقطة ده مهمة جدا لان بصراحة في جهل شديد لدى معظم شرائح مالكي و تجار السيارات..يعني ازاي ماركات زي الهوندا..الرينو..سيتروين..سي ات تبقى صعبة في اعادة البيع..في حين موديلات زي الفيرنا و اللانوس هوا في البيع..بجد بستغرب..
انا عارف اني طولت عليك..بس والله المبادئ اللي انا حددتها في الاسئلة اللي فوق مهمة لاي حد بيقارن بين انواع مختلفة حتي لو زيرو عشان يبقى بيختار صح...
مستنى مشاركاتكم و ردودكم
السلام عليكم
اخوكم احمد

المشاركة الأصلية كتبت بواسطة elhelawy

يا باشا مش لازم تتغير كلها انت بتغير الماتور بتاعها بس وده احسن نوع تقريبا بوش وهتلاقيه فى حدود 120 جنيه
ممكن اعرف بتعمل معاك ايه علشان تغيرها؟؟؟

نفس السؤال برضو بتاع اسلام ايه الاعراض اللي بتحصل عندك

المشاركة الأصلية كتبت بواسطة elhelawy

اهلا بيك معانا يا استاذ احمد وان شاء الله تكون معانا قريب فى الرابطه
هجوبك عن اسئلتك خاصتا انى كنت راكب اكسنت قبل لما اجيب السيفيا
*بالنسبه لقطع الغيار و اسعارها كل حاجه موجوده و الحمد لله ومش عايز اقلك ما حاستش فى اى فرق وانا بسأل عن قطعت غيار اكسنت وقطعت غيار سيفيا يعنى مسألتش على حاجه للسيفيا ولقتها مش موجوده لق بالعكس هتلاقى منها الكورى و اليابانى و التيوانى و الصينى والاسعار فى حاجات بنفس سعر الاكسنت وفى حاجات اعلى حاجه بسيطه
*بالنسبه للصيانه والصنايعيه انا ما غيرتش الميكانيكى ولا العفشجى ولا الكهربائى بتاعى الكل شغال فيها بدون اى مشاكل بالعكس الميكانيكى بيقولى مواتير السيفيا معمره اكتر من بتاعت الهيونداى وده فعلا انا حسيتوا انا كنت راكب اكسيل و بعدين اكسنت الاثنين عملتلهم طقم شنبر هيا مواتير جرايه بس بتخف بسرعه عكس السيفيا بسم الله ما شاء الله جرايه اكتر بمراحل من الهيونداى لاكن معمره
*بالنسبه لقطع الغيار الخارجيه كلها موجوده جديده و استيراد زى الاكسنت بس اغلى حاجه بسيطه
*بالنسبه لاعادة البيع فالاكسنت تتفوق على السيفيا وده راجع زى ما حضرتك قلت لجهل التجار و السوق المصرى
وفى الاخر عايز اقولك انى مفيش مقارنه بصراحه فى الركوب فرق كبير بين الاثنين السيفيا احلى بمراحل
بس عايز انبهك لحاجه علشان ابقى حيادى على حبت عيوب فى كل السيفيا مش هتلاقيها فى الاكسنت
*التابلوه من الشمس بيفتح من عند الهوايات اللى تحت الزجاج الامامى
*طرمبة الباور
دول اهم عيبين فى السيفيا بس ليهم حل طبعا بس انا بقلك علشان تاخد بالك منهم وانت بتشترى العربيه
واخيرا انصحك بصلاة الاستخاره قبل الشراء

المشاركة الأصلية كتبت بواسطة كيا سيفيا

الاخ الفاضل / محمد
بعد التحيـــــه....
اولا : اسئلة حضرتك مشروعه تماما ومن حقك تعرف كل شىء عن سيارة سوف تقتنيها من حيث عمليات التشغيل كلها من صيانه واستهلاك بنزين وكذلك اسعار قطع الغيار وايضا اعادة سعر البيع ومدى الاقبال عليها فى السوق . ومن هنا سوف انقل لحضرتك تجربتى مع السيفيا بأعتبارى احد ملاك هذه السيارة التى سبقت عصرها بحق .
فانا امتلك السيفيا موديل 2000 المجمعه محليا حصلت عليها من احدى السيدات فى عام 2005 وكانت ماشيه فى ذلك الوقت حوالى 40000كم فقط ومن ذلك التاريخ حوالى 6 سنوات لم اذهب الى الميكانيكى سوى مرتان اولهم عام 2008 ليس بسبب عطل مفاجىء او خلافه بل لاجراء الصيانه الكامله العاديه من تغيير مجموعه السيور - دينامو وتكييف وكاتينه وكبالن واجراء صيانه للتكييف وكذلك اجراء بعض السمكرة الخفيفه الناتجه عن احتكاكات عاديه وبالتالى دهان خارجى بالكامل ولم اصادف مطلقا اى صعوبه فى الحصول على قطع الغيار وكذلك مستوى الاسعار الذى يعتبر عادى جدا ومقارب تماما ان لم يكن اقل فى بعض القطع عن اسعار الهيونداى او الدايو وحتى بعض انواع الفيات. المرة الاخرى منذ حوالى ثلاثة اشهر وتحديدا قبل شهر رمضان مباشرة لتبديل جوز المساعدين الخلفى وحينها اشار على الميكانيكى بشراء مساعدين استيراد الامر اللذى انا شخصيا ارفضه فى قطع غيار الميكانيكا والكهرباء فلابد من الجديد فى هذه الحاله واشتريتهم طبعا جديد كورى بمبلغ 340 جم للجوز وايضا تيل فرامل كورى بمبلغ 65 جم وفلتر بنزين بمبلغ 40جم او 45 جم مش فاكر. اما سؤال حضرتك عن مدى سهوله ميكانيكا وكهرباء السياره فانا اؤكد لحضرتك تماما على سهولة ميكانيكا وكهرباء السيفيا المهم انك تذهب لمركز صيانه فاهم ومتخصص وانا ممكن افيد حضرتك جدا عن مكان يعمل به احد اقربائى متخصص كيا وبالذات السيفيا ميكانيكا وكهرباء وتكييف على اعلى مستوى من الاتقان وباسعار مناسبه. اما نقطه اعادة البيع فالسيارة مطلوبه جدا وهامش تراجع اسعارها معقول جدا وجرب حضرتك واعمل حتى اعلان وهمى عن سيارة بمواصفات جيده وسوف ترى كم الاتصالات بحضرتك.
النقطه الرئيسيه والمهمه:
ان تحصل عل سيارة جيده وخاصه الصالون والاساسيات العامه والا تكون مهانه وتتم صيانتها بصفه دوريه . اخير ربنا يوفق حضرتك فى كل ما تتمناه
وتقبل تحياتى

السلام عليكم و رحمة الله و بركاته
احييك اخي الفاضل على سرعة و عملية الرد..
انا لما حبيت اعرف عن السيفيا قلت مفيش غير ملاكها هم الي يردوا عليا
وانا والله مقتنع بالعربية من زمان جدا..بس انت عارف مراحل تطور الامتلاك للسيارات..تبدا غالبا ب 128 و بعدين تنطلق بعد كده..
بس من خلال قراءة مشاركات الاخوة مش عارف ليه جالي احساس-يمكن يكون مش في محله- ان العربية اه كويسة و مريحة و رائعة لكن نتيجة لانها سابقة عصرها في وقتها هتكون صعبة او بمعنى اخر مش اي حد يقدر يصلحها بكفاءة من اول مرة مش تقعد بقى رايح جالي على الصنايعية..وبالتبعية قطع غيار غالية نوعا ما..يمكن من هنا جه التفكير في البديل (الاكسنت)
نقطة تانية و هى -بمنتهى الامانة طبعا- ما هي ابرز عيوب السيفيا..و الحجات اللي لازم اخد بالي منها كويس قوى وقت الشراء لو ربنا رايد ليا انى اجيب السيفيا.هل الفتيس الاتوماتيك ولا الموتور.ولا ايه تحديدا.
اخر حاجة يا اخي الكريم..متوسط الاسعار الواقعية ليها..مش اسعار كونتاكت و كده لان عن معاصرة تجارب زميل في بيع سيارته..هو كان عايز يبيع ب 45 لكن في واقع الامر سعر البيع الكويس اللي كان واقعي ليه كان 36..طبعا فرق..فانا عايز اعرف المتوسط الحقيقي الواقعي..
و لك اخي الكريم و لكل الاخوة جزيل الشكر

المشاركة الأصلية كتبت بواسطة elhelawy

اهلا بيك معانا يا استاذ احمد وان شاء الله تكون معانا قريب فى الرابطه
هجوبك عن اسئلتك خاصتا انى كنت راكب اكسنت قبل لما اجيب السيفيا
*بالنسبه لقطع الغيار و اسعارها كل حاجه موجوده و الحمد لله ومش عايز اقلك ما حاستش فى اى فرق وانا بسأل عن قطعت غيار اكسنت وقطعت غيار سيفيا يعنى مسألتش على حاجه للسيفيا ولقتها مش موجوده لق بالعكس هتلاقى منها الكورى و اليابانى و التيوانى و الصينى والاسعار فى حاجات بنفس سعر الاكسنت وفى حاجات اعلى حاجه بسيطه
*بالنسبه للصيانه والصنايعيه انا ما غيرتش الميكانيكى ولا العفشجى ولا الكهربائى بتاعى الكل شغال فيها بدون اى مشاكل بالعكس الميكانيكى بيقولى مواتير السيفيا معمره اكتر من بتاعت الهيونداى وده فعلا انا حسيتوا انا كنت راكب اكسيل و بعدين اكسنت الاثنين عملتلهم طقم شنبر هيا مواتير جرايه بس بتخف بسرعه عكس السيفيا بسم الله ما شاء الله جرايه اكتر بمراحل من الهيونداى لاكن معمره
*بالنسبه لقطع الغيار الخارجيه كلها موجوده جديده و استيراد زى الاكسنت بس اغلى حاجه بسيطه
*بالنسبه لاعادة البيع فالاكسنت تتفوق على السيفيا وده راجع زى ما حضرتك قلت لجهل التجار و السوق المصرى
وفى الاخر عايز اقولك انى مفيش مقارنه بصراحه فى الركوب فرق كبير بين الاثنين السيفيا احلى بمراحل
بس عايز انبهك لحاجه علشان ابقى حيادى على حبت عيوب فى كل السيفيا مش هتلاقيها فى الاكسنت
*التابلوه من الشمس بيفتح من عند الهوايات اللى تحت الزجاج الامامى
*طرمبة الباور
دول اهم عيبين فى السيفيا بس ليهم حل طبعا بس انا بقلك علشان تاخد بالك منهم وانت بتشترى العربيه
واخيرا انصحك بصلاة الاستخاره قبل الشراء

لسلام عليكم و رحمة الله و بركاته
احييك اخي الفاضل على سرعة و عملية الرد..
انا لما حبيت اعرف عن السيفيا قلت مفيش غير ملاكها هم الي يردوا عليا
وانا والله مقتنع بالعربية من زمان جدا..بس انت عارف مراحل تطور الامتلاك للسيارات..تبدا غالبا ب 128 و بعدين تنطلق بعد كده..
بس من خلال قراءة مشاركات الاخوة مش عارف ليه جالي احساس-يمكن يكون مش في محله- ان العربية اه كويسة و مريحة و رائعة لكن نتيجة لانها سابقة عصرها في وقتها هتكون صعبة او بمعنى اخر مش اي حد يقدر يصلحها بكفاءة من اول مرة مش تقعد بقى رايح جالي على الصنايعية..وبالتبعية قطع غيار غالية نوعا ما..يمكن من هنا جه التفكير في البديل (الاكسنت)
نقطة تانية و هى -بمنتهى الامانة طبعا- ما هي ابرز عيوب السيفيا..و الحجات اللي لازم اخد بالي منها كويس قوى وقت الشراء لو ربنا رايد ليا انى اجيب السيفيا.هل الفتيس.الموتور.ولا ايه تحديدا.
اخر حاجة يا اخي الكريم..متوسط الاسعار الواقعية ليها..مش اسعار كونتاكت و كده لان عن معاصرة تجارب زميل في بيع سيارته..هو كان عايز يبيع ب 45 لكن في واقع الامر سعر البيع الكويس اللي كان واقعي ليه كان 36..طبعا فرق..فانا عايز اعرف المتوسط الحقيقي الواقعي..
و لك اخي الكريم و لكل الاخوة جزيل الشكر