الموضوع: رابطة الوحوش ملاك السيفيا....الجزء الاول

المشاركة الأصلية كتبت بواسطة h_aramzy

اولا لك جزيل الشكر على رد حضرتك
ثانيا البائع قال انها بلوف وليس جلب كما ذكرت انا عن طريق الخطأ،فها عند حضرتك فكرة عن هذا العيب وامكانية الاصلاح وتكلفتة ؟
والاسباب الاخرى التى قد تكون سبب فى ارتفاع صوت المحرك بهذا الشكل بالرغم من rpm عند 1 ؟
وجزالك الله خيرا

خلى بالك البلوف دى غاليه كان لينا زميل هنا فى الرابطه غيرهم جداد وكانوا عاملين 960 جنيه من غير مصناعيت الميكانيكى وهو فعلا كان بيشتكى من علوا صوت الماتور
بس الميكانيكى عملوا حركه حلوه قبل ما يغيرهم وسلكلوا البلوف دى علشان كانت مسدوده وعملهم بطريقه غريبه فخلى بالك اعمل حسابك و انت بتشترى العربيه على اساس انهم ممكن يتغيروا

المشاركة الأصلية كتبت بواسطة retaliation

السلام عليكم ورحمة الله وبركاته
ربنا يعينك أن شاء الله ويوفقك للعربيه اللى تريحك بس أنا رأيى السيفيا الحمدلله بقالها معانا أكتر من سنة وشهرين والحمدلله عمرها ما عملت حركه قليلة الأصل مع أنها محتاجه شوية مصاريف
أنا رأيى الكريستاله سعرها مبالغ فيه جدا وأنا مجربتهاش بس مش شايف أنها أحسن من السيفيا بالعكس لو سيفيا حالتها حلوه جدا و كريستاله حلوه جدا بيتهيألى السيفيا تكسب
و الأكسنت أخت السيفيا الصغيره فرق الحجم ولو أكسنت 1500 تبقى حلوه
اللانوس عربيه موجوده فى كل حته و تتصلح عند أى حد و دى ميزه حلوه فيها و هى مع واحد صحبى بيقولى انها على الطريق كويسه بس سحبها بطئ فى الأول وبعد كده بتفوق
أنما النوبيرا معرفش عنها حاجه ومحاولتش عشان بكرها
وفى الأخر برضه أهم حاجه الحاله و دور على عربيه حالتها حلوه و أصرف كل اللى محتاجاه فى الأول عشان تريحك و ما تتسرعش و دور براحتك و أهم حاجه فى السيفيا زى ما أستاذ الهلاوى قال ميكونش فيها مشكله الباور و التابلوه الطاقق عشان شكلها بيبقى بايخ أوى و ربنا يسرلك أمورك أن شاء الله ومعلش طولت عليك

وعليكم السلام ورحمة الله وبركاته

ماهو لو على المصاريف المتغيرة العادية فده مقدور عليه يعنى مساعدين على سيور وزيوت وخلافه ماشى أنا برضو مش ناوى اسيب ايدى منها دى عربية مستعملة ولازمها متابعة أول بأول بس أنا خايف من المشاكل اللى ممكن تخلينى اركن العربية وافضل اتحسر عليها فى الطالعة والنازلة لغاية اما اقدر اصلحها وخايف اكتر انى بعد ما اصلحها تبوظ منى تانى واضطر اتشحطط ورا الصنايعية والبياعين لغاية اما تتصلح

وتصور لما كان معايا البرايد الاقدم فى الموديل والاقل فى الامكانيات وعمرها ما قلت باصلها معايا اجى فى اللى بعدها واتشحطط

بالنسبة لسعر اللانسر فده اكتر حاجة مستغربها هى حلوة اه مفيش خلاف وملهاش مشاكل بس كتير على موديلها وامكانياتها الارقام اللى بتتقال فيها واللى مخلينى اقول كده ان ليا واحد زميلى كان معاه كريستالة طلب منى من حوالى سنتين اشوفله سعر عربيته فى حدود كام وكانت ساعتها بتلعب فى الخمسينات والسعر ده هو نفسه اللى لسه باشوفه اليومين دول

المشاركة الأصلية كتبت بواسطة الغزالى

يا اخونا ... انا مش ها قولك غير انى كنت كرهت السيفيا ... وقررت ابيع .. بس لما تراجعت وابتديت اهتم بيها واعملها صيانات ... واظبط فيها ... وكله على ايدى انا وعصام ... عرفت قيمه العريبه ... دى .. انك كل اما تديها هاتديتك ... بس هاتهمل فيها ... وفى اى عريبه ... ها تديك على دماغك ... سواء 128 او مرسيدس ( مع انها مش بتبوظ اساسا .. بس اهو )) ... فى الاخر توكل على الله ... وهات الى ترتحله ... هوا سيفيا او كريستاله .. وعايز اقولك برضو ان الكريستاله عريبه محترمه جدا جدا جدا وانا ركبتها قبل كدة ... عريبه كويسه جدا ... ودليل على كدة انها ماسكه سعرها لحد دلوقتى .

على فكرة بقى يا غزالى أنت السبب الى خلانى ادور على حاجة تانية غير السيفيا لما قلت هنا وفى موضوع للالفا روميو ان فيه عربيات احسن من السيفيا بنفس السعر وارخص فى قطع الغيار ومش فاكر ايه تانى ومع انى كنت خلاص استقريت على السيفيا بس كلامك خلانى اعيد تفكير تانى وبعد مشكلة استهلاك البنزين اللى بيواجهها اخواتنا هنا قلت طيب ما ابص بصة على العربيات اللى فى نفس الفئة السعرية



وفى النهاية أنا اللى باقولكم معلش لو طولت عليكم بس انتم اخواتى وعارفنى وأنا حابب افضفض معاكم

المشاركة الأصلية كتبت بواسطة h_aramzy

والله يا اسلام باشا كتر خيرك على اهتمامك أنا أول مرة الاقى فية ناس مهتمة ببعض بالشكل دة ويمكن دة يكون سبب فى انى فعلا ابقى من ملاك السيفيا مع انى عمرى ما ركبت كورى وبفضل اليابانى والاوروبى ، وكرمك الزائد فى الاهتمام خلانى ابقى طماع فى الاسئلة ، هى العربية اللى شوفتها كان فيها قطع بسيط فى فرش الباب هل دة لية حل بسيط عند السروجى بحيث الشكل الجمالى و التكلفة فى حدود كام؟ ولا لازم اغير فرش الباب و وهل دة فى السيفيا ممكن الاقية بنفس لون الفيبر والقطيفة ولا لازم اغير الـ 4 فرش وفى الحالتين التكلفة فى حدود كام؟

ربنا يخليك يا باشا هو اساس الرابطه دى معموله علشان اللى يقدر يفيد اخوه بمعلومه ما يبخلش عليه فيها
وبالنسبه للقطع اللى فى الباب فده كلوا محلول ما تقلقش منوا بس القطع لو فى الاستوفه ( الحته القماش اللى فى الباب ) اى سروجى يغيرهالك بس لازم تغير الاربع ابواب علشان يبقوا نفس القماش علشان مش عارف هتلاقى نفس القماشه بتاعتنا ولا لق
ولو القطع فى الجلد بتاع الباب وكبير فعادى جدا بيتباع فرش الباب استراد وكتير جدا كمان مش هتغلب فيه
بالنسبه للاسعار فدى ما اقدرش افيدك فيها علشان ما جربتهاش ولا عملتها قبل كده بس ممكن اى حد من زمايلنا هنا يفدنا فى الموضوع ده
ولو عايز اى استفسار انا تحت امرك ما تزهقش من الاسأله و ربنا ييسرلك الاحوال ان شاء الله

المشاركة الأصلية كتبت بواسطة الغزالى

ههههههههههههههههههههههههه ههه ... يا فضحتى ... بص يا كبير ... انا عن نفسى بعشق الالفا روميو ... وكان نفسى اجبها ولازلت نفسى اجبها .. وهاجبها ان شاء الله ... فابالنسبه ليا اى حاجة جنب الالفا روميو صفر على الشمال بالنسبه ليا ... بص هوا الى ممكن تفكر فيها فعلا الجولف 3 ... حاجتهانفس سعر حاجتنا بس اغلى شويه بسيطة ... بس مفيش وجه مقارنه .. من الاساس بينهم ... بس لو انت مبتحبش الاوروبى او بتقلقك منه ... خليك فى السيفيا ... وانا الى كنت بشتم فى السيفيا وكرهتها ... والله بجرى وبلف عشان اظبط فيها دلوقتى .. اخر حاجة بعد الصيانه روحت اشترتلها فلتر اسبور ... عشان ادلعها ... والخطوة الى جايه ,,, طقم فايبر ليها .. او شكمان سبور .... بس فى الاول والاخر انزل لف .. وشوف انت الى هاتركب مش احنا لازم تبئى مستيريح ... واحنا معاك فى اى حاجة ....
--------------
بمناسبه الفتر ... محدش عنده ماسوره ستانليس للبيع .. عشان الفتلر مش راكب عندنا على طول على الماسوره بتاعه العمه

ازيك يا غزالى كل سنه وانت طيب يا جميل
كنت عايز اعرف اخبار الفلتر السبور ايه معاك فرق ولا صوت بس واللى انت جبتوا نوعه ايه ؟