الموضوع: رابطة الوحوش ملاك السيفيا....الجزء الاول

المشاركة الأصلية كتبت بواسطة max_ziro

المقاس ممتاز و مريح جدا
العربية عليت عن الارض شوية تقريبا 5 سم
مالى فراغ اكارتيرة من بعيد
ولاكن مش مبين حجم الجنط الاكبر قوى
بس الفرق محوظ جدا

الثبات اختلف تقريبا 20 % افضل و ممكن اكتر من كدة بشوية بس الفرق ملحوظ جدا

بعون الله شوية كدة و هوطى العربية شوية و هركب كساحة قدمانية عشان تعوض فرق الارتفاع

و بعون الله فى المقابلة الجادة نشوف الفرق مع بعضنا

بسم الله ما شاء الله الله اكبر
وان شاء الله نشوفها فى المقابله اللى جايه

المشاركة الأصلية كتبت بواسطة mozerts

السلام عليكم اخوانى السيفاوية
النهاردة الصبح حصلى شى غريب بدور العربية سمعت صوت حشرجة من الناحية اليمين ادام فى العربية وفضلت معايا الصوت لحد ممشيت ومهديش الا بعد فترة ورجع تانى ...
مش عارف دة بقى سببة اية هل مثلا يكون حاجة فى الشكمان ولا سيور مع انى مستبعدها لانها متغيرة من قريب ولا ممكن تكون حاجة فى الدينمو لان واحد صحبى شافها قالى ممكن تكون بالية الدينمو عايزة تتشحم
رايكم اية وهل لو مشيت عليها كدة رغم ان الصوت مزعج جدا عادى لانى النهاردة الاحد ومفيش ميكانيكى او كهربائى فاتح ولا ااعمل اية لانى عندة مشوار ضرورى

وياريت نعرف هل بغير الدينمو كامل ولا البلية بس والدينمو بيبقى فى حدود كام
ياما حد منكم يتبرع بقى ويجى يوصلنى هههه ..... شكرا

ممكن بردوا تبقى بليه الكرنك علشان تتأكد لما الصوت ما يبقاش موجود شغل التكييف شوف الصوت هيبان تانى و لا لق

المشاركة الأصلية كتبت بواسطة kbarema

السلام عليكم يا احسن شباب في الدنيا
للاسف انا بعت السيفيا يوم الوقفه بالليل وبقيت بدون عربية مش عاوز اقلكم قد ايه انا حزين وكل ما تعدى من قدامى ببقي هعيط بعد ما خليتها عروسه بعتها بس غصب عنى ربنا يعدلها وانا اشتريها تانى اتمنى اكون افدت اي حد زي ما استفدت منكم كتير واكيد هكون معاكو برضوا لانكم بجد ناس محترمين

ربنا يباركلك فى فلوسها و يرزقك خيرا منها
ومش عيزينك تغيب عن الرابطه ولا ابيعلك عربيتى علشان نضمن وجودك :))

المشاركة الأصلية كتبت بواسطة sakr122

حاجه كمان يا رجالة
بالنسبة لموضوع استهلاك البنزين انا من خنقتي اتجننت على العربيه وقعدت احرق على الغيارت جامد وانقل على 4.5 او 5 rbm واجري بالعربيه لمدة يومين وبعد كده فولتها عند اول تكة في خرطوم طرمبة البنزين ومشيت بها عادي بس كنت باغير ما بين 3.5 و 4 rbm ولسه مفول دلوقتي عند اول تكه في الخرطوم برضو من نفس البنزينه
المعدل اتحسن جدا لأنها عملت اكتر من 200 بشويه بسيطة طبعا اللي ساعد على كده ان الشوارع في الكام يوم اللي فاتو كانت فاضيه لكن برضو اكيد التغيير الكبير ده من 160 ل 200 كان جزء من السبب فيه هو تشبيع الغيارات
ولا انتو ايه رأيكم؟؟

فعلا انت لازم من وقت للتانى تحرق و تقرص بالعربيه علشان تبقى فايقه و الماتور حاضر تحت رجلك ويا سلام لو كان الحرق ده فى السفر ومبروك يا معلم على تحسن الاستهلاك

شكرا يا جماعه وان شاء الله معاكم علطول

المشاركة الأصلية كتبت بواسطة elhelawy

فعلا انت لازم من وقت للتانى تحرق و تقرص بالعربيه علشان تبقى فايقه و الماتور حاضر تحت رجلك ويا سلام لو كان الحرق ده فى السفر ومبروك يا معلم على تحسن الاستهلاك

الله يبارك فيك وعلى الله تفضل كده على طول