رابطة الوحوش ملاك السيفيا....الجزء الاول

**Esam Mosaad** · 11-12-2010 10:57 PM

بص ياسيدى الراجل فى اللينك كان بيتكلم عن نوعين من الاسبراى
واحد للبوابة وواحد للحساسات
و بعدين ياراجل دة منظف الكربراتير دة لما بييجى على الايد بيعد يحرقها ساعة
يبقى الحساس هيستحملة ؟؟

منا عشان كدا جبتلوا الرابط يفهم القصه ماشيه ازاى
اما بالنسبه للمنظف انا مجربتش الموضوع ده وكويس انك قولت الموضوع عشان الواحد يخلى بالوا

نصحيه بقى لو هتركب علايات يبقى تركب ورا وقدام لان لو ركبت ورا العربيه هتميل مش هتحط ورا بس هتحك قدام عن تجربه لان عندى الموضوع ده

**Esam Mosaad** · 11-12-2010 11:00 PM

هو بقيت الشبابا راحوا فين يا عص

دة الموقع بقى رخم قوى عن الاول ..

من ساعت مالموقع وقع الفتره ديه الناس بقت تكسل تدخل غير ان المشاركات طارت فالناس جلها نوع من الاحباط انا ناوى بكره اكلمهم بصراحه واشوفهم فين يمكن انت مزعلهم منا عارفك
صحيح ملكش شوق تركب توكتوك

**Esam Mosaad** · 12-12-2010 10:01 AM

انا شفت تنظيف البوابة لفيرنا في القسم التعليمي ونزلت بلاوي من البوابة ولسة عربية جديدة أمال عربيتنا هتنزل إيه بترول?
هههههه
عشان كده سألت في الموضوع ده لأن عندي الار بي ام بيوصل ل 1.5 عند بداية تدوير المحرك ع السلانسيه وكأنك مشعر رجلك ع البنزين حد فاهم حاجة?
المهم عاوز حد جرب الموضوع ده وكلام نهائي اجيب سائل تنظيف ايه وياسلام لو يتصور فيديو أأأأأه

بص يا ريس كلام جميل وفاهمين وكل حاجه
بالنسبه بقى ان الار بى ام بيوصل 1.5 ده طبيعى يا ريس لان العريبه وهيا بارده وتشغلها بيبقى فيها سخان اوتوماتيك بيسخن العريبه
واول مالعريبه تسخن هتلاقى المؤشر وصل لمعدلوا الطبيعى
ولو تلاحظ ان العربيات القديمه زى الفيت لازم يكارك بنزين ويفضل دايس بعد ميدور عشان يسخن العريبه
والجديد كلوا بينزل فى السخان ده عشان تدور من غير تعب

بالنسبه بقى للمنظف هتلاقى فى الموضوع بتاع البيكانتو الراجل مستخدم منظف للحساسات
او زى مماكس بيقول اسمو اكاى المهم حاجه متكنش حاميه على الحساس عشان ميتلفش

**sakr122** · 12-12-2010 01:34 PM

المشاركة الأصلية كتبت بواسطة medoakef

مع اني عمري ما امتلكت عربيه كيا ولكن الحقيقه اري كل النجاح في سفيا الحقيقه سياره تستحق التقدير

اهلا بيك في الرابطة يا باشا
والف شكر على تقديرك للسيفيا

وما دمت دخلت علقت يبقى شكلك قريت شويه من الموضوع
يا ريت لو تقولنا تعليقك بشئ من التفصيل
يعني مثلا ايه اللي عجبك في العربيه وايه الي مش عاجبك وايه اللي حاسس انه بيفكرك باللانسر ؟؟

وبجد انت نورت الرابطة

**star1991** · 12-12-2010 09:32 PM

معلش ياجماعه انا مش موجود معاكم لانشغالي بالامتحانات والمذاكره لكن مقدرش اسيبكم او ابعد عنكم الظروف فقط هي اللي مخلياني مطنش شويه

**retaliation** · 12-12-2010 09:41 PM

أزيكوا يا أهل السيفيا
أتمنى أن كلكم تكونوا بخير النهارده و أنا بدعبس فى العربيه لقيت فيشه واصله بالفبره
اللى مغطيه فلتر الهوا لما بشيلها بلاقى لمبه صفرا منوره فى التابلوه هى على الشمال على ما أظن أنها بتاعه الدينامواياترى ايه العلاقه
حاجه تانيه نفسى أغير مرايات الجنب خصوصا اليمين بحس أنها معتمه أوى و ياهل فى نوع مرايات معين أسأل عليه ولا ايه و فى حاجه كمان الفبره السودا اللى ماسكه المرايه مكسوره و يادوبك المرايه متشعلقه ياترى فى حاجه تلزقها و لا تتلحم ولاتتغير لوحدها ولا المرايا كلها ولو المرايا كلها بكام

**kahk2008** · 13-12-2010 04:59 AM

صباح الفل يا شباب
انا عضو جديد فى عالم الكيا
معى كيا شوما
كان عندى استفسار صغير بعد اذنكم وهو فى الفرامل
عندى فرامل abs ولما اكون ماشى بسرعة متوسطة او عالية اضغط فرامل بلاقى الدواسة بتترج جامد نحن رجلى وصوت عالى الى حد ما بيطلع منها
سألت أكثر من مركز صيانة قالوا لى ان ده طبيعة هذه الفرامل وليس لها حل مشعارف الكلام ده صح ولا لا