تقريري عن الفلوانس بعد 1000 كيلو

**mrashadnt** · 13-04-2014 11:10 PM

السلام عليكم السادة أعضاء المنتدى الكرام
أعتذر عن الغياب الفترة الماضية لظروف عملي
الحمد لله أكملت بالفلوانس أول ألف كيلو من يومين وأتشرف بكتابة تقريري المبدئي عن العربية ( رغم ان حضراتكم أساتذتنا وبستفيد من مواضيعكم جدا )
أنا معايا الفئة e3 s وفي البداية كنت هايب العربية جدا وحاسس اني أول مرة أسوق عربيات في حياتي لكن مع الوقت اتعودت على حجم العربية وعلى الرؤية من مرآة الصالون ...
مميزات العربية
الوسع الداخلي حاجة ما شاء الله جميلة جدا
العربية عالية عن الأرض بشكل ممتاز ... الأول كنت بعاني من اللانوس كانت بتحك في كل المطبات لكن مع الفلوانس حاجة تانية
الشكل الخارجي للعربية رائع وحاجة شياكة أوي بصراحة
الثبات خيااااااااااال .... مهما وصفت مش هقدر أوصف أد ايه العربية ثابتة جدا حتى على السرعات وتحس انها عربية سمارت بجد بتفهم انت عروز تعمل ايه وتستجيب لك في لمح البصر
كماليات العربية من جوة هايلة جدا جدا ... مع بعض التحفظات هقولها في العيوب
التكييف تلاجة وبيسقع في ثواني .... أنا غلطت غلطة كبيرة اني شغلت التكييف والعربية عاملة 650 كيلو بس لكن الجو كان حر جدا وما قدرتش أستحمل
سحب العربية بعد سرعة 50 كم ممتاز
شنطة واسعة جدا
الكاسيت وطقم الصوت حكاية
العدادات الديجيتال ...جمال فوق الوصف
الفتيس تحس انه ما بينقلش أصلا من درجة سلاسته فوق الممتازة
طبعا أكيد أنا ناسي حاجات كتير لكن أذكرها في تقارير لاحقة ان شاء الله

العيوب من وجهة نظري
السحب في بداية تحرك العربية بطئ
قفلة الشنطة رخمة أوي ... لازم ترزعها جامد شوية علشان تقفل
مكان الولاعة .. بستخدمها لشاحن الموبايل ... وكابل ال aux لازقين في بعض وقريبين من عصاية الفتيس أوي
لما بكون مشعل الكاسيت ومعلي الصوت شوية وبطلت العربية لثواني أشتري حاجة وبعدين أرجع أدور العربية تاني بلاقي الصوت بقى 15 لوحده ... مش لاقي تفسير بصراحة
فوانيس الشبور ما بتنورش لوحدها مع النور ... لازم تنورها مانيوال
مساند الرأس حركتها اتجاهين بس وده مضايقني جدا وتاعب رقبتي بشدة

ان شاء الله بكرة اختبار حقيقي للعربية طالع بيها اسكندرية في زيارة عمل وربنا يعينها على المشوار

في النهاية معلش طولت على حضراتكم وأشكر لكم سعة صدركم

**miceg** · 13-04-2014 11:20 PM

تسلم ايدك على التقرير
موضوع السحب فعشان لسه يادوب معدي 1000 كيلو
اوعدك انه هيختلف شكلا وموضوعا
قفل الشنطة معاك حق
بس عشان باب الشنطة خفيف نسبيا فلازم ضغطة قوية
لكن النهارده لما ركبنا اسبويلر وباب الشنطة تقل بتقفل بأأقل مجهود

**Hany Saad** · 13-04-2014 11:29 PM

الزميل العزيز....الف مبروك العربية و ربنا يباركلك فيها و يكفيك شرها

بالنسبة للطلعة دوس جامد سنة و جمد قلبك علشان الفتيس يظبط نفسه و يتعود على طريقة سواقتك و هتلاقى العربية بتنط و انت بتضرب فرامل علشان تلجمها ده غير ان بعد 3000 كيلو هتاخد اداء تانى خالص

بالنسبة لموضوع الكاسيت اللى صوته بيوطى اغلب الظن ان ده حساس الصوت اللى بيظبط نفسه مع السرعة فلما بتقف بينزل الصوت لوحده
جرب تسوق بعد ما تقف و تشوف الصوت هيرجع تانى للمستوى اللى كنت عليه قبل ما تقف و لا لأ

هتشرفنا فى اسكندرية و هتنور بيك و نصحتى ليك بعد ما تعدى كوبرى العامرية لف و ادخل برج العرب و خد محور التعمير علشان الطريق متبهدل للأسكندرية من بعد العامرية

الف مبروك مرة أخرى

تحياتى

**miceg** · 13-04-2014 11:48 PM

المشاركة الأصلية كتبت بواسطة hany saad

الزميل العزيز....الف مبروك العربية و ربنا يباركلك فيها و يكفيك شرها

بالنسبة للطلعة دوس جامد سنة و جمد قلبك علشان الفتيس يظبط نفسه و يتعود على طريقة سواقتك و هتلاقى العربية بتنط و انت بتضرب فرامل علشان تلجمها ده غير ان بعد 3000 كيلو هتاخد اداء تانى خالص

بالنسبة لموضوع الكاسيت اللى صوته بيوطى اغلب الظن ان ده حساس الصوت اللى بيظبط نفسه مع السرعة فلما بتقف بينزل الصوت لوحده
جرب تسوق بعد ما تقف و تشوف الصوت هيرجع تانى للمستوى اللى كنت عليه قبل ما تقف و لا لأ

هتشرفنا فى اسكندرية و هتنور بيك و نصحتى ليك بعد ما تعدى كوبرى العامرية لف و ادخل برج العرب و خد محور التعمير علشان الطريق متبهدل للأسكندرية من بعد العامرية

الف مبروك مرة أخرى

تحياتى

نفسي أعرف الدخله دي ياهاني بك
انا كنت بروح ألاكاديمية البحرية أبو قير
والمرة الوحيدة اللي كنت مسجل فيها مكالمة صديق ليا إسكندراني
ومركز فيها اوووي وبسمعها ويادوب عند العامرية عند ماكدونالدز ومستني الملف اللي بيطلع على محور التعمير سرحت ودخلت مقاوحه مع مقطورة
رشقتلي الرفرف الخلفي شمال وكان اول خبطة تاخدها العربية
وكنت متعكنن طول اليوم وبرضه مدخلتش الاختصار ولبست الطريق الطوالي الى كارفور ومن ثم الكورنيش

**Hany Saad** · 14-04-2014 12:17 AM

المشاركة الأصلية كتبت بواسطة miceg

نفسي أعرف الدخله دي ياهاني بك
انا كنت بروح ألاكاديمية البحرية أبو قير
والمرة الوحيدة اللي كنت مسجل فيها مكالمة صديق ليا إسكندراني
ومركز فيها اوووي وبسمعها ويادوب عند العامرية عند ماكدونالدز ومستني الملف اللي بيطلع على محور التعمير سرحت ودخلت مقاوحه مع مقطورة
رشقتلي الرفرف الخلفي شمال وكان اول خبطة تاخدها العربية
وكنت متعكنن طول اليوم وبرضه مدخلتش الاختصار ولبست الطريق الطوالي الى كارفور ومن ثم الكورنيش

تحت أمرك يا خالد بيه

تحياتى

**mrashadnt** · 14-04-2014 06:46 AM

المشاركة الأصلية كتبت بواسطة hany saad

الزميل العزيز....الف مبروك العربية و ربنا يباركلك فيها و يكفيك شرها

بالنسبة للطلعة دوس جامد سنة و جمد قلبك علشان الفتيس يظبط نفسه و يتعود على طريقة سواقتك و هتلاقى العربية بتنط و انت بتضرب فرامل علشان تلجمها ده غير ان بعد 3000 كيلو هتاخد اداء تانى خالص

بالنسبة لموضوع الكاسيت اللى صوته بيوطى اغلب الظن ان ده حساس الصوت اللى بيظبط نفسه مع السرعة فلما بتقف بينزل الصوت لوحده
جرب تسوق بعد ما تقف و تشوف الصوت هيرجع تانى للمستوى اللى كنت عليه قبل ما تقف و لا لأ

هتشرفنا فى اسكندرية و هتنور بيك و نصحتى ليك بعد ما تعدى كوبرى العامرية لف و ادخل برج العرب و خد محور التعمير علشان الطريق متبهدل للأسكندرية من بعد العامرية

الف مبروك مرة أخرى

تحياتى

تسلم يا باشمهندس هاني وربنا يقدرنا على رد جمايلك الكتيرة اللي انت مغرقنا فيها بالمعلومات والنصائح القيمة اللي بتكتبها على المنتدى ... بس كنت عاوز أسأل حضرتك في مشكلة علشان أنا شغلت التكييف قبل الألف كيلو ولا ايه ؟؟؟

-

الموضوع: تقريري عن الفلوانس بعد 1000 كيلو

LinkBack

أدوات الموضوع

عرض

-

-

-

-

المواضيع المتشابهه

بوجيهات ١٠٠ ألف كيلو فى موتور الفلوانس الفيس ليفت

تقريري عن الصنى ex الشكل القديم 2013 بعد الالف كيلو

تقريري الاسبوعي عن لوجي 2013 بعد 210 كيلو..

تقريري عن سيارتي الاوبترا بعد 40 ألف كيلو: العربية منوال موديل 2009

تقريري عن الشارك بعد 1000 كيلو

الكلمات الدلالية لهذا الموضوع

المفضلات

المفضلات

ضوابط المشاركة