لتفادى إى مشكلة فى تغير زيت الفتيس

[Ahmed Amin]

العربية كويسة وأعتمادية لو أتعملها صيانتها أول بأول,, يعني مش حساسة ولا أعطالها قاتلة زي ما بيشاع عنها وعن الأوربي عموماً,,
والأهم من دا تكون جايبها حالتها نصيفة لو أستعمال, لانها لو متهانة وكانت بتتعامل معاملة العربيات القديمة هتفتح بقها معاك ساعتها زي أي عربية تهمل في صيانتها.
والأوروبي قطع غيار معمرة عمتاً وأسعارة بقت قريبة من الكوري والصيني ب هتاخد راحة في السواقة وأمان أكتر من الكوري والياباني.

http://www.nilemotors.net/Nile/373359-c4.html

[فبريكا]

باشا

سؤال بخصوص زيت الفتيس ايه انضف نوع للفتيس الاوتوماتيك وهل تغير زيت الفتيس ممكن يظهر عيوب الفتيس .

[وائل الشبينى]

شكرا على المعرفة

[وائل الشبينى]

زيت الفتيس يتغير كل كا كيلو

[Ahmed Amin]

سؤال بخصوص زيت الفتيس ايه انضف نوع للفتيس الاوتوماتيك وهل تغير زيت الفتيس ممكن يظهر عيوب الفتيس .

كل عربية ليها زيت مختلف عن التانية,,
يعني مثلاً في بيجو وستروين بياخدو زيت 40HP20 AL4
ودا بتعمله Esso و موبيل برضه, وبيجي عليه علامة بيجو وستروين,
دا اللتر ب 100 ل 110 جنية,



في الميتسوبيشي بتاخد زيت ATF SP III


لو الزيت الأخير دا بتاع الانسر أتحط في البيجو أو الستروين ممكن ينهي عمر الفتيس,,

فالازم تراجع ومتشتريش أي زيت أوتوماتيك في السوق من غير ما ترجع لكتالوجك الأول,,

[Ahmed Amin]

زيت الفتيس يتغير كل كا كيلو

زيت الأوتو بيتغير كل 60 الف كيلو متر تقريباً,
معظم الكتالوجات بتكتب أنو بيتزود بس,, بس الزيت عموماً بيفقد خواصة بعدد السنين وعدد الكيلوات اللي العربية مشيتها,, والتزويد ساعتها مش هيفيد الفتيس بما إن الزيت نقص شوية واللي فيه محروق,,
وكمان أنا لما نزلته علي 40 كان نازل خفيف ومحروق,
واللي بيسيب الزيت لاكتر من 60 ألف بيعمل رايش ودا بيبهدل الفالف بادي (مخ الفتيس) وبتبدأ العربية تنتش مع الوقت ومتبقاش مرتاحة في الغيارات,,

مثال علي الكلام اللي بقولهولك,
شوف الفرق ما بين لون زيت جديد "علي اليمين", ولون الزيت اللي نازل بعد 3 سنين أستخدام,
علي 58 ألف كيلو متر "اللي علي الشمال الأسود"


وأبقي أقراء دا هيفيدك أكتر,

http://www.nilemotors.net/Nile/376054-2010.html#post3875159164

[فبريكا]

كل عربية ليها زيت مختلف عن التانية,,

شكرا يا باشا على المعلومات المفيدة والصور متعوب عليها بصراحة وبما انك علامة في الزيوت كان ليه استفسار بالنسبة لزيت الماتور سوزوكي فيتارا ماشي 180 الف وزيت الاتوماتيك العربية مستعملة معهاش كتلوجات تنصح بنوع معين وانا بفضل زيت شيل.

[Ahmed Amin]

شكرا يا باشا على المعلومات المفيدة والصور متعوب عليها بصراحة وبما انك علامة في الزيوت كان ليه استفسار بالنسبة لزيت الماتور سوزوكي فيتارا ماشي 180 الف وزيت الاتوماتيك العربية مستعملة معهاش كتلوجات تنصح بنوع معين وانا بفضل زيت شيل.

ياباشا مش علامة ولا حاجة, عادي يعني :)

زيت الموتور ممكن تحط زيت شيل النص التخليقي, أو زيت وولف النص تخليقي الأتنين هيكونو ممتازين,,
فيه زيت جديد أسمه زادو بس انا قريت كام شكوي منها, فأنصحك تستني عليه شوية وتخليك مع شيل أو وولف,

حضرتك مقولتش العربية موديل كام,, بس عموماً مواتير الفيتارا حلوة
لو موتورك حالته حلوة ممكن تحط أي حاجة منهم 5w-30 عشان يبقي ناعم معاك,
لو عايز زيت يعيش فترة أطول في الغيار وفي الصيف عموماً حط 10w-40
ودا في الغالب الأنسب لعربيتك اللي هوا الأخير واللي مفروض تكمل عليه,,

وممكن تراجع أكتر من الموضوع دا, أقرأ اول كام صفحة قبل ما تسئل تاني فيه,

http://www.nilemotors.net/Nile/375062-a.html

بالنسبة لزيت الفتيس, ياريت توضح موديل العربية عشان أشوف لك الكتالوج بتاعها ونوع الفتيس,

[فبريكا]

ياباشا مش علامة ولا حاجة, عادي يعني :)

زيت الموتور ممكن تحط زيت شيل النص التخليقي, أو زيت وولف النص تخليقي الأتنين هيكونو ممتازين,,

فيه زيت جديد أسمه زادو بس انا قريت كام شكوي منها, فأنصحك تستني عليه شوية وتخليك مع شيل أو وولف,

حضرتك مقولتش العربية موديل كام,, بس عموماً مواتير الفيتارا حلوة
لو موتورك حالته حلوة ممكن تحط أي حاجة منهم 5w-30 عشان يبقي ناعم معاك,
لو عايز زيت يعيش فترة أطول في الغيار وفي الصيف عموماً حط 10w-40
ودا في الغالب الأنسب لعربيتك اللي هوا الأخير واللي مفروض تكمل عليه,,

وممكن تراجع أكتر من الموضوع دا, أقرأ اول كام صفحة قبل ما تسئل تاني فيه,

http://www.nilemotors.net/nile/375062-a.html

بالنسبة لزيت الفتيس, ياريت توضح موديل العربية عشان أشوف لك الكتالوج بتاعها ونوع الفتيس,

تسلم الايادي يا استاذي الكريم وربنا يحفظك

لا والله العربية لسه مشتريها للجماعة و العربية موديل 98 حالة الماتور 70 % وكنت عايز اغير الزيوت وانا عارف ان عندك خبرة في الزيوت فقولت انتهز الفرصة اسال حضرتك مش قصدي اتعبك معايا .

[Ahmed Amin]

ياباشا مفيش تعب وأنا مش خبير ولا حاجة, عملت لك سيرش بس علي نوع زيت عربيتك,,
واللي لاقيته عن العربية لو هيا المانيوال 5 غيار هتبقي اللزوجة المناسبة لفتيس العربية 75w90
طبعاً ممكن تجيب اللزوجة دي من أي منتج زيت زي كاسترول أو ليكوي مولي أو فالفولين,
أو فالفولين Synchromesh MTF 75w90 GL-4
http://www.carquestprofessionals.com...0%206.6.13.pdf






وممكن تبقي تكلم التوكيل وتشوف بيستخدمو أو بيبعو زيت أيه عندهم,
وتبقي تعرفنا عملت أيه,,


وبالنسبة لحالة لزيت ماتور العربية وسنة الصنع خليك في ال 10w40 أفضل لك,,

[فبريكا]

انت انسان متواضع والله ... ده بالنسبة لزيت الفتيس المنوال طب و الفتيس الاتوماتيك زي الي عندي في العربية وبالنسبة لزيت الماتور 180 كم احط 10w-40 شيل صح كدة

[gefoo]

اية الحلاوة دى طيب ممكن اهرف اية الزيت المناسب لفتيس عربية بى ام مو 1995 318 مع الغلم ان الماتور b43 , و شكرا على تعبك

[lamis elkady]

طيب ممكن أسأل : أنا عندي في عربيتي البولو ظهرت في التابلوه علامة (مفتاح صواميل) فهل هذا يعني أني يجب تغير الزيت و له إيه؟؟؟ و لو هي عايزه تروح الصيانه ممكن بعد شوية عشان أنا بجد بجد مشغولة جداً و مقدرش أروح التوكيل اليومين دول لأن التوكيل معناه يوم بالكامل مضروب و أجلس طول اليوم عندهم و لو ممكن أحل المسأله دي عند أقرب مكانيكي متخصص في الفولكس يبقا هايل و لو المسأله محتاجة أغير الزيت في البنزينة يا ريت تقولوا لي ... و أل شكر على المساعدة

[eraser]

طيب ممكن أسأل : أنا عندي في عربيتي البولو ظهرت في التابلوه علامة (مفتاح صواميل) فهل هذا يعني أني يجب تغير الزيت و له إيه؟؟؟ و لو هي عايزه تروح الصيانه ممكن بعد شوية عشان أنا بجد بجد مشغولة جداً و مقدرش أروح التوكيل اليومين دول لأن التوكيل معناه يوم بالكامل مضروب و أجلس طول اليوم عندهم و لو ممكن أحل المسأله دي عند أقرب مكانيكي متخصص في الفولكس يبقا هايل و لو المسأله محتاجة أغير الزيت في البنزينة يا ريت تقولوا لي ... و أل شكر على المساعدة

العلامة دى بتاعت الصيانة الدورية (زيت او سيور او فلاتر) عشان تفكرك بمعاد الصيابة وتعملى اللازم ايا كان
انتى عربتك موديل كام وعملة كام الف
انا انصحك تروحى تعملى الصيانة عشان دى روح العربية وتفضل العربية ادائها كويس ولو انتى بره الضمان ممكن اقولك مراكز خدمة كويسة
يا ريت كمان تبصى على قسم فولكس فى المنتدى هتلاقى فيه مواضيع مفيدة جدا

[Ahmed Amin]

طيب ممكن أسأل : أنا عندي في عربيتي البولو ظهرت في التابلوه علامة (مفتاح صواميل) فهل هذا يعني أني يجب تغير الزيت و له إيه؟؟؟ و لو هي عايزه تروح الصيانه ممكن بعد شوية عشان أنا بجد بجد مشغولة جداً و مقدرش أروح التوكيل اليومين دول لأن التوكيل معناه يوم بالكامل مضروب و أجلس طول اليوم عندهم و لو ممكن أحل المسأله دي عند أقرب مكانيكي متخصص في الفولكس يبقا هايل و لو المسأله محتاجة أغير الزيت في البنزينة يا ريت تقولوا لي ... و أل شكر على المساعدة

العلامة دي معناها أنك محتاجة تغيري زيت الموتور ودا الأساس,
والذهاب لعمل الصيانة, ودا الهدف الثانوي منها بعد ما تفكرك بمعاد تغيير الزيت,
لأن فيها صيانات زي ال 10 وال 20 ألف مفهمتش تغير اي سيور ولا فلاتر,, ومجرد تغير زيت وفلتر زيت,


لو مواظبة علي الصيانة في التوكيل هما بيصفرو لك عداد الصيانة لما بتروحي لهم,,
عشان لما تمشي 10 الأف كيلومتر في أغلب العربيات تنور وتفكرك بمعاد الصيانة التالي,,

وعلي حسب الكيلومتر بتاعك ممكن تغيري زيت بس, أو زيت وفلاتر, وعلي ال 60 بتغيري زيت وفلاتر وسيور منهم سير الكاتينة لو كان كاوتش..

حالياً ممكن تكشفي علي منسوب زيت الماتور فقط, لو كويس ممكن تمشي عليه لحد بعد العيد من غير مشاكل,,
وظهور العلامة دي مش هيأثر علي العربية ولا سحبها لان الزيت التخليقي اللي بيقولو عليه 10 الأف بيعد أكتر من 10 الأف وثقافة خاطئة أن أحنا ننزله علي 10 الأف, الزيت بينزل وبيتغير علي حسب لزوجته وعلي حسب أستخدام العربية وممكن يعد لحد 15 ألف كيلو,,

وبعد العيد ممكن تروحي لهم الصيانة تعمليها, أو تغيري زيت برة في أي بنزينة لأنها مش عملية معقدة بعد شراء فلتر الزيت الأصلي,