استفسار عن المياه الخضراء الكيا الايراني

[QEinoQ]

السلام عليكم اخواني
انا معايا سياره كيا سايبا ايراني موديل ٢٠٠٩
جايبها مستعمله
ومن ساعه ما اخدت السياره دي من شهر ١
وكل شوي اغير حاجه
المهم
الرداديتر عندي مليان صدا بطريقه غبيه زائد الغطاء بتاعو ف صداء وطبعا عملت ف الردايتير كذا لحام
والقربه فيها صدا خفيف
وحاليا با امشي بالمياه العاديه
فقررت باذن الله اجيب رداديتر جديد ف خلال الاسبوع اللي جاي
عاوز اعرف لما اجيب الرداديتر الجديد اضع مياه خضراء ولا حمراء وأيهما افضل
وما هو افضل نوع في المياه الخضراء أو الحمراء
وهل اضع شي مع المياه سواء الخضراء أو الحمراء
ولا اي
وعاوز ازيل الصدا الخفيف اللي ف القربه من جوا اعمل اي
معلش انا اسف اني اكثرت ف الاسئله بس انا جديد ف عالم السيارات مع العلم دي اول سياره امتلكها
وجزاكم الله خيرا

[QEinoQ]

حد يرد عليا يا جماعه

[tasaka]

مبروك العربيه

- اغسل الدوره كويس + القربه كمان لازم تنظف من الصدأ .. ده ممكن تعمله عند بتاع راديتير .. او باستعمال الجهاز فى بنزينه موبيل
لو فيه ماده فلش للصدأ ممكن تغسل بيها الدوره كمان .. ثم بعد استعمال الفلش اغسل الدوره بالماء العادى لازاله بقايا ماده الفلش


- الميه الملونه المخلوطه الجاهزه .. دى بتحتوى على كل الاضافات المطلوبه ( بما فيها منع الصدأ ) .. بمعنى لا تضيف اليها اى نوع اخر او مزيل صدأ او خلافه
بمعنى انك تنظف الدوره كويس جدا و القربه .. ثم تستعمل الميه الملونه المخلوطه الجاهزه فقط

- يجب ملاحظه ان انواع الميه الملونه لا يجوز خلطها مع بعضها البعض لانها ستسبب ضرر للمحرك
و بالتالى يهمك كثيرا اختيار نوع ميه متوفر فى السوق و تستطيع ايجاده بسهوله اذا احتجت تزويد الميه لاى سبب لاحقا
و بالتالى ميه موبيل تعتبر اختيار جيد من ناحيه توافرها فى اى مكان و لاحقا بعد سنتين مثلا وقت تغيير الميه لاحقا



ميه موبيل الخضرا ( الزرقاء ) للمواتير القديمه التصميم نسبيبا ( البلوك الحديد )
.. و ايضا تناسب المواتير الالومنيوم و لكن بحمايه مناسبه ( و ليست متفوقه )
.. تستخدم للراديتير الالومنيوم ايضا
.. تستعمل لدورات التبريد التى بها راديتير نحاس و لحامات رصاص

ميه موبيل الحمرا للمواتير الحديثه التصميم نسبيبا المواتير المصنوعه بالكامل من الالومنيوم بحمايه عاليه ( و متفوقه )
.. تستخدم للراديتير الالومنيوم ايضا
.. ايضا البلوك الحديد
لا تستعمل لدورات التبريد التى بها راديتير نحاس و لحامات رصاص

اسأل فى التوكيل عن نوع الميه المستعمل ( خضرا ام حمراء ) لعربيتك
و لو لم تصل الى معلومه من التوكيل .. يبقى الامن لك استعمل الميه الخضرا من موبيل على ما اعتقد



اقرأالموضوع ده حتلاقى بعض المعلومات الاضافيه
يا جماعة اخر كلام فى ماية تبريد دايو لانوس 2008

[tasaka]

فى الكتالوج بتاع عربيتين سايبا منهم البرايد

.. المطلوب فقط انك تستعمل ايثيلين جليكول و نسبه خلط من 35% الى 60% .. و مفضل نسبه ال 50%
.. لا يوجد ذكر لتركيبه الميه .. بمعنى هل ميه خضرا ام حمرا
.. ذكر ان المحرك به ( بعض ) الاجزاء الالومنيوم .. و هذا يفهم منه ان المجرك موش الومونيوم بالكامل


بناء على ما ذكر تكون ميه موبيل الخضرا ( الزرقاء ) هى المناسبه لمتطلبات سيارتك و نسبه الخلط لميه موبيل 33% مناسبه جدا لسيارتك


بالتوفيق

[tasaka]

ما تنساش تأخذ الهوا من الدوره كويس علشان التبريد يكون جيد

قبل تغيير الميه بربع ساعه مثلا .. افتح زرار السخن على اخره .: و خلى سرعه مروحه السخن على 2 مثلا .. علشان الميه و الهوا يطلع ( اللى جوه راديتير التكييف الصغير جوه الصالون )

و بعدين اثناء تفضيه الميه و تعبئه الميه الجديده .. خلى الكونتاكت مفتوح ( بدون تدوير الموتور ) علشان لو بوابه السخن عندك كهربا تظل مفتوحه .. علشان الميه و الهوا يطلع ( اللى جوه راديتير التكييف الصغير جوه الصالون )

[ahmed.biso13]

بعد ماقاله الاخ tasaka
انا اوافق عليه
ولكن اتفق على تغير الريتادتير
وتضع مياه تكييف من اى حد عنده تكيف
للعلم السيارة تحتاج 5لتر
ولاتتفاعل مع الماتور ولا الريتاتير
ولا تسبب اى صدا وتظل شفافة نقية
وافضل من المياه الخضرا 100 %
وتساعد على تبريد الماتوربدرجة حرارة اقل
لان ده عن تجربة والله الموفق

[tasaka]

موضوع الميه ده فيه كيميا كتير

مياه ريداتير الفيرنا

https://www.nilemotors.net/Nile/497899-a-3.html

و لو تحب تعرف اكثر و عندك صبر
استفسار حول اختيار نوع سائل التبريد

[QEinoQ]

جزاك الله خيرا
ومنك نتعلم ونستفيد

[QEinoQ]

جزاك الله خيرا
اخي
انا فعلا بفكر اغير الردياتير لان الردياتير مبهدل عندي والصدا بياكل فيه
بس مضطر أجل الموضوع شويه بسبب الظروف الماديه

[QEinoQ]

بس ف سؤال خطر ع بالي ينفع الواحد يشحن التكيف بالفريون والردياتير عندي مصدي وطالع عينه وهل هيبقا ف تأثير ع التكيف و الموتور
منتظر اجابتكم

[tasaka]

الراديتير ملوش دعوه بالتكييف

لو الراديتير موش بيبرد كفايه .. تأثيره ان الهوا البارد اللى خارج من التكييف حيصبح اقل بروده بشويه عن المفروض