الموضوع: حرارة العربية بتوصل لـ ٩٠ تقريبا، وبعدها المروحة تشتغل وتنزل للعادي، باستمرار !

المشاركة الأصلية كتبت بواسطة rotanamasoud

تمام واعتقد انه مناسب للتمبرا لما كنت بستخدمه معاها
ممكن النوع الاحمر من المنتج ده هو المناسب للعربيات الاحدث
موضوع الميه المقطره حيفرق كتير لانى استخدمت ميه فلتر 3 مرحله على الاقل افضل من الحنفيه وخلطت بتركيز 1.5 الى 4.5 (اجمالى الدوره6لتر) والعربيه بالكامل الومنيوم بلوك ورداتير ومعدل تبريدها بمروحه تمبرا اقوى 5 اضعاف بقياس الامبير فعلا بدون مبالغه
واخيرا اشكرك اخ tasaka

لا شكر على واجب الاخ العزيز rotanamasoud

بالنسبه للميه الحمرا .. كل نوع ميه بيناسب مواتير معينه و ممكن يكون تأثيره سيئ على مواتير اقدم مثلا ( برغم ان الميه الحمرا احدث و افضل ) .. بسبب مثلا استعمال خامات معينه فى الموتور جوانات مثلا مادتها موش متوافقه مع تركيبه الاحمر او دوره تبريد قديمه التصميم مثلا او غيره من الاسباب

و الاكثر من كده ان كل صانع سيارات بيعمل Tunning لسائل التبريد ليناسب موتور معين .. علشان كده ممكن نفس المجموعه و لنفرض مثلا OAT .. تلاقى ان تركيبه كل صانع سيارات بتتغير ( جزء منها ) ليناسب مواتيره

علشان كده افضل ميه تبريد ليك هى اللى طلبها الصانع .. و موش شرط تكون احدث ميه تبريد هى الانسب ليك

AN 13 .. ده هو G13 طبقا لتصنيف فولكس واجن .. و يكافئ HOAT و لكن بيكون فى تكوينه جلسرين و صديق للبيئه .. خالى من الفوسفات و يوجد به سيليكات .. long Life

AN 12++ .. ده هو G12++ طبقا لتصنيف فولكس واجن .. و يكافئ HOAT .. خالى من الفوسفات و يوجد به سيليكات.. long Life

AN 12+ .. ده هو G12+ طبقا لتصنيف فولكس واجن .. و يكافئ OAT .. خالى من الفوسفات و خالى من السيليكات ايضا .. long Life


- النوعين رقم 4 و 5 هم PLATIN ANTIFREEZE AN و PLATIN ANTIFREEZE .. هم G11 طبقا لتصنيف فولكس واجن .. و يكافئوا IAT .. خالى من الفوسفات و يوجد به سيليكات

الجمله بالازرق دى كان لى عليها ملحوظه ذكرتها سابقا اثناء مناقشات فى مواضيع سابقه بسبب جدول شوفته .. و كنت محتاج ادقق النقطه دى فى وقت لاحق

- فولكس عندما بدأت تطوير محركاتها .. قامت بتصنيع سائل تبريد جديد عام 1996 و هو G12 ( OAT ) و بدأت فى استعماله فعليا فى موديلات 1997 .. و كان السائل القديم حتى 1996 هو G11

- فده كان بيوضح ضمنيا ان ال G11 هو التركيبه القديمه ( احماض غير عضويه IAT ) .. و فولكس ايضا منعت خلط ال G11 مع ال G12 .. و دى حاجه متعارف عليها بعدم خلط IAT مع OAT

- و شركه وولف ذكرت صراحه ان تركيبه ميتها ال G11 هى IAT ( احماض غير عضويه ) .. انظر

COOLANT -36°C
STANDARD G11
A diluted on ethylene glycol based coolant for use in engines. It employs Inorganic Acid Technology (IAT)
inhibitor and is nitrite, amine and phosphate (NAP) free and includes borate and silicate. This sophisticated
technology eliminates the formation of silicate gel which is observed with inferior products. It offers total
and permanent protection of the cooling system and a life span of 3 - 4 years or 60000 km to 85000 km for
passenger cars and professional applications.Ready to use solution.

جدول شركه Zerex
- الجدول اللى شوفته كان من شركه شهيره و هى شركه Zerex .. و كان بيصنف ميه فولكس القديمه على انها HOAT و تحديدا ميه G05 من زيركس .. و دى الحاجه اللى لاحظتها و اجلت البحث فيها الى وقت لاحق

Clipboard Image (19).jpg




التفسير
- يبدو ان ال G11 هى مواصفه محدده لها اختبارات محدده .. و اى سائل تبريد يستطيع تحقيق متطلباتها يكون متوافق مع G11 .. سواء كان السائل ده من مجموعه IAT او HOAT .. و اختيار المجموعه بيختلف من شركه سوائل تبريد الى اخرى حسب تفضيلها

- يتضح ان سوائل تبريد HOAT ليست كلها بنفس التركيب و نسب الخلط بين العضوى و الغير عضوى .. بعضها يميل اكثر الى احتواء نسبه اعلى من الاملاح الغير عضويه IAT و نسبه اقل من الاحماض العضويه .. و بالتالى برغم انه HOAT الا انه يقترب من كونه مشابه لل IAT ( ال G11 )

و يمكن التفرقه بين ال HOAT ( نسبه العضوى و غير العضوى فى الخليط ) .. حسب توافقه مع مواصفه معينه من فولكس كما ساوضح لاحقا

- فبالتالى شركه زيركس اختارت تحقيق مواصفه فولكس G11 باستعمال سائل HOAT .. بينما شركه وولف اختارت تحقيق مواصفه فولكس G11 باستعمال سائل IAT



مواصفه فولكس واجن
TL 774 C .. دى اقدم مواصفه استمرت حتى 1996 .. و تكافئ G11 .. مجموعه IAT و اعتقد ده هو الاساس ( و قد تكون HOAT .. حسب اختيار شركه تصنيع سوائل التبريد )

TL 774 D .. دى المواصفه الاحدث .. و تكافئ G12 .. مجموعه OAT

TL 774 F .. دى تطوير جزئى للمواصفه السابقه .. و تكافئ G12+ .. مجموعه OAT

TL 774 G .. دى تطوير كلى تم الانتقال من مجموعه OAT الى مجموعه جديده و هى HOAT .. و تكافئ G12++ .. مجموعه HOAT

TL 774 J .. دى تطوير جزئى للمواصفه السابقه .. و تكافئ G13 .. مجموعه HOAT و لكن تركيبها مختلف للتوافق مع البيئه و ايضا تحتوى على 7% جلسرين



معرفه كيف نفرق بين تركيبات ال HOAT المختلفه
بالنظر الى مواصفه فولكس TL 774 G (تكافئ G12++ ) .. مجموعه HOAT .. سنلاحظ ان هذه هى التركيبه الحديثه لسوائل تبريد فولكس و ظهرت مؤخرا ( نسبيا )

- لو كان سائل ال HOAT متوافق مع TL 774 C فقط .. فهذا يعنى انه يحتوى على نسبه كبيره من الاملاح الغير عضويه و يقترب فى التركيب ( فعليا ) من ال G11 و مجموعه IAT

- لو كان سائل ال HOAT متوافق مع TL 774 G .. فهذا يعنى انه يحتوى على نسبه كبيره من الاحماض العضويه و يقترب فى التركيب ( فعليا ) من ال G12++ و هو فعليا مجموعه HOAT كامل



تصنيف ميه موبيل الخضرا
- ميه موبيل الخضرا حسب الماده المستعمله فيها هى HOAT

- سنلاحظ ان موافقه فولكس الموجوده فى ميه موبيل الخضرا هى TL 774 C فقط ( ال G11 )

- لو طبقنا المفهوم السابق على ميه موبيل الخضرا .. سنجد انهها برغم كونها HOAT .. و لكنها تحتوى على نسبه كبيره من الاملاح الغير عضويه و تقترب فى التركيب ( فعليا ) من ال G11 و مجموعه IAT

موضوع الميه المقطره حيفرق كتير لانى استخدمت ميه فلتر 3 مرحله على الاقل افضل من الحنفيه

كام سعر الميه المقطره ؟؟ .. هل فى منها جراكن 4 لتر ؟؟

الفكره فى الميه المقطره انها خاليه من المعادن .. و ده لمنع اى تفاعلات غير مرغوب فيها مع اضافات سائل التبريد

ميه التكييف و طبعا ميه الفلتر حيكون فيها معادن

المشاركة الأصلية كتبت بواسطة rotanamasoud

ازاى ميه التكييف فيها معادن دى بتيجى من تكثف بخار الماء على السربنتينه اعتقد زى الميه المقطره ل

اللى فاكره كويس جدا .. ان المطلوب ميه مقطره distilled water .. او الاقل منها شويه ميه deionized water

و اللى فاكره كمان انه طلب عدم استعمال ميه الحنفيه tap Water او ميه التكييف .. مع ان ميه التكييف زى ما انت قلت هى شيبهه بالميه المقطره ( نفس الفكره )

و اللى فاكره كمان ان سبب منع ميه الحنفيه هو بسبب وجود الكلور .. لان الكلور بيحدث تآكل

ازاى ميه التكييف فيها معادن دى بتيجى من تكثف بخار الماء على السربنتينه

تمام .. ملاحظه هامه

اعتقد ان الامر اختلط فى ذهنى اثناء كتابه الرد .. بين الميه ال deionized water و ميه التكييف

ال ميه distilled water برغم انها تنتج فى بيبئه معمل .. الا انها فى النهايه يمكن جدا ان تحتوى على بعض نسب المعادن و الملوثات الاخرى ( نسب بسيطه ) و تتوقف النسبه على نوعيه ( جوده ) المياه المستخدمه للتقطير .. كما ان بعض الملوثات العضويه و الزئبق تتبخر مع الماء اثناء تقطيره ( Note 1 )

ال deionized water بيكون لسه فيها بعض الشوائب ايضا و

ميه التكييف .. برغم انها تغتبر distilled .. الا انه يجب ملاحظه انها تكون ملامسه لاجزاء المكيف مثل اللحامات و ماده الدهان و ايضا ماده حوض تخزين الميه .. بالاضافه الى ال Dust فى الهواء .. بالاضافه الى اى ملوثات او بكتريا تكون فى حوض تخزين الماء .. فبالتالى يمكن بسهوله لهذه الاسباب ان تحتوى على معادن

( Note 1 )
رابط
https://www.thoughtco.com/distilled-...d-water-609435

Distilled water is a type of demineralized water that is purified using distillation. The source water for distillation could be tap water, but spring water is used most often. Usually, the water is boiled and the steam is collected and condensed to yield distilled water.

Most minerals and certain other impurities are left behind, but the purity of the source water is important because some impurities (e.g., volatile organics, mercury) will vaporize along with the water. Distillation removes salts and particulates

Deionization does not remove molecular species (e.g., sugar) or uncharged organic particles (most bacteria, viruses)

ا اعلم سعر الميه المقطره لاكن اخاف اشتريها تكون مغشوشه وميه حنفيه عموما انا حطيت الميه واللى حصل حصل لو احتجت تزويد حشوف ايه حكايه الميه المقطره

عندك حق .. مفيش اسهل من كده للغش

- ميه الحنفيه يوجد بها كلور .. و ده برضه من ضمن الحاجات اللى مرت على بعدم استعمالها .. لان الكلور بيحدث تآكل

- فى احد المنتديات الاجنبيه كان احد الاعضاء فى امريكا اتكلم انه بيستعمل Garden Water ( ماء الرى لللحدائق ) .. احتمال يكون ماء الرى عندهم موش مضاف عليه كلور مثلا ؟؟ الله اعلم



عموما شركات الانتى فريز المركز بتكون عامله حسابها على اسوء استعمال ممكن يحصل و بتكون منتبهه للنقطه دى ان فيه ناس بتستعمل ماء الحنفيه ( بس طبعا عندهم فى بلادهم !! ) .. فلا داعى للقلق الزائد

و لو انت قلقان يبقى اعمل اختبار كفاءه ماء التبريد كل 3 شهور .. و ممكن كمان لو قلقان انك تغير الميه قبل ميعادها ب 4 او 6 شهور
رابط
أختبارات سائل التبريد ( ميه الراديتير الملونه ) لتحديد كفاءتها و موعد التغيير


علشان كده انا بافضل الميه المخلوطه الجاهزه منعا لوجع الدماغ

المشاركة الأصلية كتبت بواسطة rotanamasoud

اه طبيعى جدا وتفضل ثابته فى حاله تركيب ترموستات الكوعه

يعنى جايز جدا تكون واخدة هواء فى دايرة التبريد زى ما بيحصل للعربيات الرينو !!!!

المشاركة الأصلية كتبت بواسطة Colin Chapman

يعنى جايز جدا تكون واخدة هواء فى دايرة التبريد زى ما بيحصل للعربيات الرينو !!!!

بس دى اوبل فكترا .. معنديش فكره عن دوره تبريدها .. انا كنت باكلمه على الوضع الطبيعى



هى لسه الرينو لغايه دلوقى بتأخذ هوا فى دوره الميه ؟؟

من 35 سنه او اكثر كان معاى رينو جننتنى .. كنت بامشى اكلم نفسى فى الشارع

و انت دلوقتى بتقول لى على هوا جوه الدوره نفس اللى كان بيحصل معى و ضرب عندى موتور مره من 35 سنه

دلوقتى بعد 35 سنه لسه الناس بتتكلم على نفس المشاكل .. توكيل رينو الاوتوستراد اللى لازم كنت اطلب القطعه و انتظر 3 اسابيع او شهر .. و اسعار فلكيه وقتها