موضوع هام و أرجو المشاركة: كيفية التصرف عند عومان العربية

[yahiahelaly]

والله طلعت فدماغى انى انزل اشوف ارض فاضية واسعة و اجرب كل الطرق بعد اللى شفتة

اوعى لقدر الله تتقلب

[Ahmed Selim]

تسقط نقلة و تحاول تدوس فرامل بالراحة بحيث أن العجل مش يقفش فى الأرض عشان تعرف توجه الدركسيون و توجه الدركسيون بسرعة و بدقة مش بعنف و غشومية.

و لو تسقيط النقلة الأولى جاب نتيجة و العربية هدت تسقط نقلة تانية.

[amr.elsayed]

fouad nor
Ringo
حتى لو على 100 او 90 لو حصل اللى حصلى بعد الشر عليك حتعووم برضة؟؟

انت اللى غلطان بردو اولا عشان معكش عوامة انا شايل عوامة من على شكل بطة دى عشان المواقف دى
ثانيا عشان مش مدى لنفسك مسافة امان ... معنى ان الامامك فرمل فجائى وانت حتلبس فيه
يبقى مش مدى المسافة الصح .. خلى بالك ... انا حفضل ازن على ودانك كدة

اللانوس علمتني اعمل ايه
وده بسبب غباء فراملها
انا وانا بفرمل بعمل نفسي كأني بكارك ( فكرة عمل ال abs )
والحكاية ده في حالتين : بلف او العجل خلاص هيقفش
وده بتحمي الي حد كبير من العومان

فعالة جدا كنت بعمل كدة فى الريتمو الله يحرقها ماكنتش بتقف غير بكدة

[yoko]

أنا حصلت معايا وأنا بالأفيو على ١٧٠ يعني صرعة مجنونة بعربية ثباتها تحت الصفر وكنت متأخر على الإمتحان وده كان في طريق الأتوستراد وإنت داخل على المعادي وواحد بيعدي الشارع ومش باصص وكانت فكترا هتشيله يدوب فاداه والراجل قام لافف وبيشتم في بتاع الفكترا وإدا ضهرة للطريق وفي نص الشارع وفي نص عربيتي فاديته يمين في شمال والرجل لبس في المرايا الجانبية بس محصلوش حاجة والعربية عومت والحمد لله لميتها بإعجوبه كنت بكسر الدركسيون لحد ما تقرب من الرصيف أقوم ملمس الفرامل ترمي الناحيه التانيه وكده ٤ مرات لحد ما عدلت كانت العربيه ماشيه على ١٤٠ قمت دايس بنزين وطالع على الكليه

[mostafa_9128]

أنا حصلت معايا وأنا بالأفيو على ١٧٠ يعني صرعة مجنونة بعربية ثباتها تحت الصفر وكنت متأخر على الإمتحان وده كان في طريق الأتوستراد وإنت داخل على المعادي وواحد بيعدي الشارع ومش باصص وكانت فكترا هتشيله يدوب فاداه والراجل قام لافف وبيشتم في بتاع الفكترا وإدا ضهرة للطريق وفي نص الشارع وفي نص عربيتي فاديته يمين في شمال والرجل لبس في المرايا الجانبية بس محصلوش حاجة والعربية عومت والحمد لله لميتها بإعجوبه كنت بكسر الدركسيون لحد ما تقرب من الرصيف أقوم ملمس الفرامل ترمي الناحيه التانيه وكده ٤ مرات لحد ما عدلت كانت العربيه ماشيه على ١٤٠ قمت دايس بنزين وطالع على الكليه

أنت كده ربنا سترها معاك و شكلك كده سويق

[misoalex]

متابــــــــــــــــــــع

[yoko]

أنت كده ربنا سترها معاك و شكلك كده سويق

ما أنا بقول الحمد لله تخيل لما تبقى العربية بتعوم منك والناس بتصوت برا وشيفنهم بصنلك على إنك هتموت خلاص بس الي نفعني جدا إن الطريق واسع شويه والناس أول ما شافت العربية بتلعب مني هدو والي قدامي كلهم جريوا بسرعه ودخلوا حارة الخدمات فتقريبا كنت بلمها في طريق فاضي

[pro_samir]

أخطر حاجة إن الواحد يدوس فرامل على الأخر والعجل فى وضع غير مستقيم

يعنى اعدل العربية وفرمل للأخر زى مانت عايز
ولو هتكسر الدركسيون يبقى خف من على الفرامل بحيث ميكونش العجل بيزحف

وممكن من البداية فرامل بس مش للأخر مع توجية العربية بعيد عن اللى قدامك

ولو عرضت فعلا ربنا ميكتبهاش على حد يبقى الحل انك تعدل العجل وتسقط نقلة وتحرق على الغيار هتلاقى العربية بتتعدل ، نفس فكرة الدريفتات

وساعتها أصلا ربنا اللى بيلهم الواحد يتصرف ازاى لأن المخ مبيلحقش يستجيب على حسب سرعة الموقف

ومن المهم جدا ان لما تكون ماشى ورا حد تبقى كاشف الطريق قدامة علشان تتوقع إن كان هيهدى ولا لأ تحسبا لأى طوارئ

[AHMED1718]

أخطر حاجة إن الواحد يدوس فرامل على الأخر والعجل فى وضع غير مستقيم

يعنى اعدل العربية وفرمل للأخر زى مانت عايز
ولو هتكسر الدركسيون يبقى خف من على الفرامل بحيث ميكونش العجل بيزحف

وممكن من البداية فرامل بس مش للأخر مع توجية العربية بعيد عن اللى قدامك

ولو عرضت فعلا ربنا ميكتبهاش على حد يبقى الحل انك تعدل العجل وتسقط نقلة وتحرق على الغيار هتلاقى العربية بتتعدل ، نفس فكرة الدريفتات

وساعتها أصلا ربنا اللى بيلهم الواحد يتصرف ازاى لأن المخ مبيلحقش يستجيب على حسب سرعة الموقف

ومن المهم جدا ان لما تكون ماشى ورا حد تبقى كاشف الطريق قدامة علشان تتوقع إن كان هيهدى ولا لأ تحسبا لأى طوارئ

نفس فكرة دريفتات ايه بس هتودى الناس ف دهيا ؟!!

الدريفتات دى اللى انتا قصدك عليها لما تسقط نقلة بتبقا ف الغالب العربيا دفع خلفي او رباعى زى الوبارو او الايفو

بس ف الجر الامامى تسقيط النقلة والحرق مش هيفيد اوى زى مانتا متخيل

اما بالنسة للتعويم ده :انا من وجهة نظرى شايف اول حل انك متفقدش اعصابك وتصرف بهدوء وطبعا انا عارف ان ده بيبقا صعب وخصوصا لاول مرة بتحصلك ،تانى حاجة حاول متدوسش فرامل خالص حتا لو فيه abs مجرد رفع رجلك من على دواسة البنزين هيهدى العربية شوية وطبعا احكام ايدك على عجلة القيادة واتعامل معاها باحساسك طبعا يعنى مش تأفش عليها عكس الاتجاه مرة واحدة لان ده مش هيعمل اى حاجة
وفى الاول والاخر ستر ربنا ويارجالة دعاء السفر بيحمى كتير صدقونى من مصايب الطرق حاول تتعود عليه وانت بتركب عربيتك والله بيفرق كتير جدا

وانا اخر موقف حصلى بالشكل ده كان بعربية كليو 2005 فى طريق مرسى علم الغردقة فى ملف كده تقريبا 45 كيلو شمال مرسى علم
الملف ده ف منتصفه بالظبط قبا عاليا كده وده للاسف علشان احنا ف مصر يعنى العربية على الملف وانتا داخل يمين وتلاقى القبة دى على يمينك تساعدك على احلى ديفت او قالبة وانا حافظ الطريق كويس لانى بمشى عليه بس لسوء الحظ كان مزاجى وحش وسرحان جداا وقبل الملف كنت ماشى 160 والملف ده اقصى سرعة ممكن تخد عليه 100 كم لان الطريق ده رايح جاى كمان يعنى فيه معاكس ف وشك وانت مش كاشف الطريق
وربنا ستر بجد اليوم ده انا اول معديت الملف لقيت العربية ماشية بالعرض مسافة اكتر من 70 متر تقريبا والمعاكس جاى بيفدينى من يمينى وكان منهم مقطورة انا كنت حاسس انى فى فيلم كرتون والله لغايط مبدأت العجلة الخلفية لعربيتى تطلع بره الطريق ( الهووووو) وطبعا ستر ربنا اللى سترها معايا العربية هديت شوية وبدأت تعدل طبعا وكل اللى جاى ورايا وقدامى احلى فرامل وناس واقفا مستنيا تشوف اخرة اللى انا بعمله ايه والحمد لله لمت نفسها ف االاخر و حتا من الخضا دى معرفتش اقف فضلت ماشى بس بعدها فضلت ماشى 80 وجسمي كان باظ خلاص ..
لاتنسو دعاء السفر يارجالة واتعودو عليه

متقرصش على العربية ف الملفات حتا لو كانت سلسه وهدى وابقى ارجع جمع سرعة برحتك تانى حياتك واهلك اللى تعبو فيك اكيد اغلى من 5 دقايق توصلهم اسرع وبجد ياجماعا الطرق فيها بلاوى ياريت نتعظ

[pro_samir]

حضرتك ابقى جربها ومتخافش مش هتروح فى داهية

ابسط مثال هو انك لو فى ملف على سرعة معقولة و زودت بنزين هتلاقى العربية بتتعدل على الطريق على عكس ما تفرمل

وأظن دى حاجة معروفة حتى سواقين الأتوبيسات والعربيات الكبيرة بيعملوها لضبط توازن العربية و تأثيرها بيكون اوضح فى الجر الأمامي لأنها بتاخد دفع موجة للأمام غير ما تسيبها تميل مع الملف

وعموما دى حاجة بتيجى بالممارسة والأحساس بالعربية

[pro_samir]

نسيت أقولك كمان كان فى فيديو لسباق مش فاكر اسمة اية وعربية خبطت اللى قدامها من ورا وطبعا اللى اتخبط العربية عرضت منة بقى ماشى بجنب العربية والسواق عدل الدركسيون وفضل دايس بنزين زى ما هو و العربية اتعدلت وكمل السباق من غير ما يقف أصلا

ومراحش فى داهية الحمد لله

[AHMED1718]

ياباشا العربيات اللى بتنزل سباقات بتبقا دفع رباعى يعنى مش امامى وعمر معربيات السباق كانت بتنزل امامى وانا مش بعترض انا لما تدوس بنزين بغيار عكسى هتعدل معاك ف الجر الامامى بس انت ماشى على 160 هتدى رابع ولسه هتدوس بنزين !! عمرها مهتظبط معاك على سرعة زى دى انتا بتتكلم ف سرعات قليلة واساسا الموضوع مش بياخد ثوانى ساعة التعريض والخضا يبقا اسلم حاجة انك تهديها من غير فرمله ومن غير غيار عكسى مجر رفع رجلك من دواسة البنزين وربك كريم بقا لكن انت بقا تكسر فتيسك وياترى ياهل ترى


بالمناسبة ياما سواقين محترفين ساعة مثلا ميضرب فردة كوتش الخضة بتخليه يتلبخ ويدوس فرملة غصب عنه وخصوصا لو على ملف وطبعا بيبقا بردو ربك هوا اللى بيستر .

[ashouhdy]

النهاردة يارجالة جربت و قربت اوصل للنتيجة النهائية !

بما انى داخل و بعووم العربية بمذاجى فكانت اعصابى اهدى و قادر اتحكم
قدرت بنسبة 70% انى اظبطها
لف الدركسيون سننة يعنى بتاع 3 سنتى عكس دوران العربية و سقطت نقلة و اول ما العربية و هى بتعرض جت على العدل ظبطت الدركسيون خط مستقيم و حرقت ع الغيار اتلمت و مشيت عدل

بس طبعا كنت على 90 مش 130 يعنى حتى خفت اعووم العربية بمذاجى !!!

[yoko]

النهاردة يارجالة جربت و قربت اوصل للنتيجة النهائية !

بما انى داخل و بعووم العربية بمذاجى فكانت اعصابى اهدى و قادر اتحكم
قدرت بنسبة 70% انى اظبطها
لف الدركسيون سننة يعنى بتاع 3 سنتى عكس دوران العربية و سقطت نقلة و اول ما العربية و هى بتعرض جت على العدل ظبطت الدركسيون خط مستقيم و حرقت ع الغيار اتلمت و مشيت عدل

بس طبعا كنت على 90 مش 130 يعنى حتى خفت اعووم العربية بمذاجى !!!

شكرا بس تفتكر تنفع على ١٧٠ أو أكتر

[ashouhdy]

شكرا بس تفتكر تنفع على ١٧٠ أو أكتر

مستحيييييييييييييييييل ! دة بالعافية ع 90 ! و بعدين 170 حتسقط رابع يبقى دخلت فى الريد زون يامعلم !